រាជធានីភ្នំពេញ ៖ យុវជនម្នាក់ដែលគេស្គាល់ថាជាថៅកែសាឡង់នៅជ្រោយចង្វារ ផឹកស្រាស្រវឹងបានដើរឡើងទៅដេកយាមសាឡង់ ក៍ជាន់ទុយោនៅគែមសាឡង់បណ្តាលឲ្យក្រឡាច់ដួលបោកក្បាលធ្លាក់ចូលទឹកស្លា.ប់ ។
រាជធានីភ្នំពេញ ៖ យុវជនម្នាក់ដែលគេស្គាល់ថាជាថៅកែសាឡង់នៅជ្រោយចង្វារ ផឹកស្រាស្រវឹងបានដើរឡើងទៅដេកយាមសាឡង់ ក៍ជាន់ទុយោនៅគែមសាឡង់បណ្តាលឲ្យក្រឡាច់ដួលបោកក្បាលធ្លាក់ចូលទឹកស្លាប់ ។
ហេតុការណ៍នេះបានកើតឡើងនៅម៉ោង១១យប់ថ្ងៃទី០៨ តុលា ២០១៥ នៅសង្កាត់ជ្រោយចង្វារ ។
ជនរងគ្រោះឈ្មោះ ស៊ិន ពិសិដ្ឋ អាយុ២៧ឆ្នាំ រស់នៅក្នុងភូមិផ្សារតូច សង្កាត់ទួលសង្កែ ខណ្ឌប្ញស្សីកែវ ។
សេចក្តីរាយការណ៍បានបន្តថា នៅមុនពេលកើតហេតុ ជនរងគ្រោះនិងមនុស្ស២-៣នាក់ផ្សេងទៀតបានផឹកស្រាស្រវឹង ហើយជនរងគ្រោះក៍បានដើរឡើងទៅលើសាឡាងដើម្បីដេកយាម ខណៈកម្មករបានទៅស្រុកកំណើតចូលរួមក្នុងពិធីបុណ្យភ្ជុំបិណ្ឌ ក៍ជាន់ទុយោដែលនៅគែមសាឡង់បណ្តាលឲ្យដួលបោកក្បាលធ្លាក់ចូលទឹកលិចបាត់នៅវេលាកើតហេតុខាងលើ ។
លុះព្រឹកឡើងក្រុមគ្រួសារបានជួលជនជាតិខ្មែរ-អ៊ិស្លាមក្នុងតម្លៃ៧០០ដុល្លារ ដើម្បីមុជរកនិងបានរាវរកឃើញនៅម៉ោង៦ព្រឹកថ្ងៃទី០៩តុលានេះ ។
បច្ចុប្បន្នសពត្រូវបានក្រុមគ្រួសាររៀបចំធ្វើបុណ្យតាមប្រពៃណីនៅភូមិផ្សារតូច សង្កាត់ទួលសង្កែ ៕
ចែករំលែកព័តមាននេះ