ខេត្តកណ្ដាល ៖ ជនសង្ស័យម្នាក់ធ្វើសកម្មភាពលួចយកទូរស័ព្ទ២គ្រឿង នាឡិកាដៃ១ និងលុយមួយចំនួន ស្ថិតនៅក្នុងភូមិគិរីថ្មី ឃុំសំរោងលើ ស្រុកអង្គស្នួល ហើយជនសង្ស័យបានយកទូរស័ព្ទនោះទៅឲ្យប្អូនប្រុសប្រើដោយមិនបានដកស៊ីមចេញឡើយ
ខេត្តកណ្ដាល ៖ ជនសង្ស័យម្នាក់ធ្វើសកម្មភាពលួចយកទូរស័ព្ទ២គ្រឿង នាឡិកាដៃ១ និងលុយមួយចំនួន ស្ថិតនៅក្នុងភូមិគិរីថ្មី ឃុំសំរោងលើ ស្រុកអង្គស្នួល ហើយជនសង្ស័យបានយកទូរស័ព្ទនោះទៅឲ្យប្អូនប្រុសប្រើដោយមិនបានដកស៊ីមចេញឡើយ ក្រោយមក ម្ចាស់គេបានទូរស័ព្ទចូល ហើយប្អូនប្រុសបានទទួលនិងបានប្រាប់ឈ្មោះ ព្រមទាំងទីលំនៅ ទើបម្ចាស់បានដាក់ពាក្យបណ្ដឹងឲ្យប៉ូលិសចាប់ខ្លួនតែម្តង ។
ជនសង្ស័យខាងលើឈ្មោះ យឹម វណ្ណា ភេទប្រុស អាយុ៣១ឆ្នាំ ជាកសិករនៅក្នុងភូមិត្រពាំងត្បែង ឃុំសំរោងលើ ស្រុកអង្គស្នួល ។ ចំណែកម្ចាស់របស់ឈ្មោះ ឆាយ សុវណ្ណ ភេទប្រុស អាយុ៥៥ឆ្នាំ ជាមន្ត្រីយោធា ស្នាក់នៅកន្លែងកើតហេតុខាងលើ ។ ត្រូវជនសង្ស័យលួចយកទូរស័ព្ទម៉ាក SINTEL០ ១ និងម៉ាកសាំស៊ុង១ លុយ៥០ម៉ឺនរៀល នាឡិកាដៃ១ ។
តាមប្រភពព័ត៌មាន បានឲ្យដឹងថា នៅមុនពេលកើតហេតុ បុរសម្ចាស់របស់និងក្រុមគ្រួសារ បានទៅដើរលេងនៅឯភ្នំពេញ លុះពេលត្រឡប់មកវិញដល់ផ្ទះវេលាម៉ោង១១យប់ថ្ងៃទី៥ តុលា បានយកទូរស័ព្ទ នាឡិកាដៃ និងលុយដាក់លើគ្រែក្បាលដំណេក ហើយដេកលង់លក់រហូតដល់ម៉ោង១រំលងអធ្រាត្រ ភ្ញាក់ឡើងដើរមើលជុំវិញផ្ទះ ហើយបានឃើញសម្ភារខាងលើនៅទាំងអស់ បន្ទាប់មក ក៏បានចូលដេកវិញរហូតដល់វេលាម៉ោង៤ទៀបភ្លឺ ស្រាប់តែបាត់សម្ភារខាងលើអស់ បង្កការភ្ញាក់ផ្អើលរហូតដល់ម៉ោង១០ព្រឹកថ្ងៃទី៦ តុលា ម្ចាស់របស់ក៏បានទូរស័ព្ទទៅលេខដែលបាត់នោះចូល ហើយប្អូនជនសង្ស័យលើកនិយាយប្រាប់ឈ្មោះខ្លួនឯង ឈ្មោះម្តាយ និងទីកន្លែងស្នាក់នៅ ទើបម្ចាស់សម្ភារមកដាក់ពាក្យបណ្តឹងឲ្យចាប់ខ្លួនជនសង្ស័យនោះតែម្ដង ៕
ចែករំលែកព័តមាននេះ