ខេត្តព្រះសីហនុ ៖ អភិបាលក្រុងព្រះសីហនុថ្មី លោក អ៊ី សុខឡេង បានព្រមានខ្លាំងៗថា នឹងចាត់វិធានការតាមផ្លូវច្បាប់ ប្រសិនបើពលរដ្ឋណាម្នាក់នៅតែមិនអនុវត្តន៍តាមការណែនាំរបស់សាលាក្រុងពាក់ព័ន្ឋទៅនឹងការចោលសំរាមនៅតាមទីសាធារណៈ ដែលធ្វើឱ្យប៉ះពាល់ដល់បរិស្ថាន អនាម័យទីក្រុងនោះ ។
លោកអភិបាលក្រុង បានថ្លែងបែបនេះនៅក្នុងពិធីរើសសំរាមទូទាំងក្រុងព្រះសីហនុ នៅព្រឹកថ្ងៃទី២៧ សីហា ២០១៥ ដោយសង្កត់ធ្ងន់ថា បើយើងនៅតែបណ្តោយឱ្យចោលសំរាមតាមទីសាធារណៈតទៅទៀត ទីក្រុងទេសចរណ៍មួយនេះច្បាស់ជាគ្មានការគាំទ្រពីភ្ញៀវទេសចរជាតិ និងអន្តរជាតិនោះទេ ។ ព្រោះយើងដឹងហើយថា ក្រុងព្រះសីហនុ មិនត្រឹមតែជាប៉ូលសេដ្ឋកិច្ចដ៏សំខាន់ក្នុងការលើកដាក់ទំនិញនោះទេ តែជាតំបន់ទេសចរណ៏ធម្មជាតិដ៏មានសក្តានុពល ជាតារារៈនាទិសនិរតី ជាតំបន់ដែលឆ្នេរស្អាតជាងគេលើពិភពលោកផងដែរ ។
ដូចនេះ ដើម្បីឱ្យស័ក្តិសមទៅនឹងកិត្តិនាមដ៏ល្បីល្បាញនេះ យើងត្រូវការការចូលរួមពីសំណាក់ប្រជាពលរដ្ឋ និងភ្ញៀវទេសចរគ្រប់រូប ក្នុងការកសាងជាទីក្រុងបៃតងទៅថ្ងៃអនាគត អ្វីៗមិនអាចធ្វើបានសម្រេចនោះទេ ប្រសិនបើគ្មានការសហការពីប្រជាពលរដ្ឋ និងភ្ញៀវទេសចរ ៕
ចែករំលែកព័តមាននេះ