រាជធានីភ្នំពេញ ៖ ម្តាយបង្កើត និងស្ត្រីម្នាក់ដែលជាប់ចោទពីលក់កូនស្រីអាយុ១១ខែក្នុងតម្លៃ៨០០ដុល្លារអាមេរិក ត្រូវបានចៅក្រមស៊ើបសួរសាលាដំបូងរាជធានីភ្នំពេញសម្រេចកាលពីរសៀលថ្ងៃទី២៦ សីហា ២០១៥
រាជធានីភ្នំពេញ ៖ ម្តាយបង្កើត និងស្ត្រីម្នាក់ដែលជាប់ចោទពីលក់កូនស្រីអាយុ១១ខែក្នុងតម្លៃ៨០០ដុល្លារអាមេរិក ត្រូវបានចៅក្រមស៊ើបសួរសាលាដំបូងរាជធានីភ្នំពេញសម្រេចកាលពីរសៀលថ្ងៃទី២៦ សីហា ២០១៥ ឃុំខ្លួននៅពន្ធនាគារជាបណ្តោះអាសន្ន ដើម្បីរង់ចាំការស៊ើបអង្កេតបន្តទៀត ។
សូមបញ្ជាក់ថា ម្តាយដែលលក់កូនស្រីបង្កើតខ្លួនឯងដែលមានអាយុទើប១១ខែនេះមានឈ្មោះ តូ ពីតាយ អាយុ២៨ឆ្នាំ ត្រូវបានលោកព្រះរាជអាជ្ញារង គុជ គឹមឡុង ចោទប្រកាន់ពីបទលក់ដូរមនុស្ស តាមមាត្រា១៤ ច្បាប់ស្តីពីការបង្ក្រាបអំពើជួញដូរមនុស្ស និងអំពើធ្វើអាជីវកម្មផ្លូវភេទ ដែលត្រូវជាប់ពន្ធនាគារពី២ឆ្នាំ ទៅ៥ឆ្នាំ ។ ចំណែកស្ត្រីឈ្មោះ គង់ ចាន់ឌី ត្រូវបានចោទប្រកាន់ពីបទសមគំនិតក្នុងអំពើលក់ដូរមនុស្ស តាមមាត្រា២៩ នៃក្រមព្រហ្មទណ្ឌ និងមាត្រា១៤ ច្បាប់ស្តីពីការបង្ក្រាបអំពើជួញដូរមនុស្ស និងអំពើធ្វើអាជីវកម្មផ្លូវភេទ ៕
ចែករំលែកព័តមាននេះ