រាជធានីភ្នំពេញ ៖ នគរបាលប៉ុស្តិ៍រដ្ឋបាលស្រះចកបានឃាត់ខ្លួនជនសង្ស័យពីរនាក់ក្រោយពីជិះម៉ូតូធ្វើសកម្មភាពឆក់កាបូបពីស្ត្រីម្នាក់ដែលកំពុងជិះម៉ូតូជាមួយមិត្តភក្តិ កាលពីវេលាម៉ោង៥ និង១០នាទីល្ងាច ថ្ងៃទី២៤ សីហា ២០១៤ នៅមុខផ្ទះលេខ១ដេ តាមបណ្ដោយផ្លូវលេខ៧០ (ខាងលិចរង្វង់មូលកួចកាណុង)ស្ថិតក្នុងភូមិ១៩ សង្កាត់ស្រះចក ខណ្ឌដូនពេញ បណ្តាលឲ្យដួលប្រកាច់ប្រកិនកណ្តាលថ្នល់។
នគរបាលមូលដ្ឋានបានឲ្យដឹងថា ជនសង្ស័យ២នាក់ដែលឃាត់ខ្លួន ឈ្មោះ លឹម ហុងវ៉ាន់ ភេទប្រុស អាយុ២៤ឆ្នាំ មុខរបរជានិស្សិតសាលាពេទ្យ ស្នាក់នៅម្ដុំសូឡា ផ្លូវ២០០៤ សង្កាត់ទឹកថ្លា ខណ្ឌសែនសុខ និង ឈ្មោះ មាស បូរ៉ា ភេទប្រុស អាយុ២៥ឆ្នាំ មុខរបរជានិស្សិតសកលវិទ្យាល័យភ្នំពេញឆ្នាំទី២ ស្នាក់នៅម្ដុំបឹងទំពុន សង្កាត់បឹងទំពុន ខណ្ឌមានជ័យ។ ចំណែកនារីរងគ្រោះ មានឈ្មោះ ឡី ស្រីធំ ហៅអាវី ភេទស្រី អាយុ១៩ឆ្នាំ ស្នាក់នៅម្ដុំព្រែកលាភ សង្កាត់ព្រែកលាភ ខណ្ឌជ្រោយចង្វារ៕
ព័ត៌មានលម្អិតនឹងផ្សាយជូននៅលើទំព័រកាសែតកោះសន្តិភាព
ចែករំលែកព័តមាននេះ