ខេត្តក្រចេះ ៖ នគរបាលវរការពារព្រំដែនគោក៦១៩នៃស្នងការដ្ឋាននគរបាលខេត្ដក្រចេះ បានទទួលថវិកាសុទ្ធ និងអំណោយជាគ្រឿងឧបភោគ បរិភោគ សរុបជាទឹកប្រាក់ជាង៣៣លានរៀលពីដៃគូសម្ព័ន្ធភាពជាលើកដំបូងរបស់ក្រុមហ៊ុនសូណាត្រាគ្រុបរបស់លោកឧកញ៉ា ស៊ន សុខណា។
លោក កេត សុម៉ាឡា តំណាងសូណាត្រាគ្រុបបានលើកឡើងឲ្យដឹងក្នុងពីធីចងសម្ព័ន្ឋភាពប្រគល់អំណោយនៅព្រឹកថ្ងៃទី៣០ កក្កដា នេះថា អនុវត្តដូចតាមការចង្អុលបង្ហាញរបស់រាជរដ្ឋាភិបាល ក្រុមហ៊ុនសូណាត្រាគ្រុបបានចង់សម្ព័ន្ឋភាពរវាងក្រុមហ៊ុនជាមួយនិងនគរបាលវរការពារព្រំដែនគោកលេខ៦១៩ ដើម្បីបន្តការលើកទឹកចិត្តគាំទ្រ និងផ្តល់ជំនួយបន្ថែម។
លោកកេត សុម៉ាឡា បានស្នើដល់នគរបាលវរការពារព្រំដែនបន្តអនុវត្តគោលនយោបាយដើរតាមមាគា៌របស់រាជរដ្ឋាភិបាលលើកាតព្វកិច្ចការងារការពារព្រំដែន ស្របពេលដែលនៅតាមខ្សែបន្ទាត់ព្រំដែននៅតំបន់ផ្សេងរបស់កម្ពុជាកំពុងតែប្រឈមនឹងការដោះស្រាយ។
លោកវរសេនីយ៍ត្រី សួស ចំរើន មេបញ្ជាការវរការពារព្រំដែនគោកលេខ៦១៩នៃស្នងការដ្ឋាននគរបាលខេត្តក្រចេះបានឲ្យដឹងថា អំណោយរបស់ក្រុមហ៊ុនសម្ព័ន្ឋមេត្រីភាព ដែលត្រូវបាននាំយកប្រគល់ជូនដល់កងកម្លាំងនគរបាល រួមមានថវិកាសុទ្ឋមានចំនួន១៧លានរៀល និងសម្ភារជាគ្រឿងឧបភោគ បរិភោគមួយចំនួនធំ ចំណាយលើថវិកាចំនួនជាង១៦លានរៀលផ្សេងទៀត សរុបចំនួនជាង៣៣លានរៀល៕
ព័ត៌មានលម្អិតនឹងផ្សាយជូននៅលើទំព័រកាសែតកោះសន្តិភាព
ចែករំលែកព័តមាននេះ