ខេត្តកំពង់ធំ ៖ កូនប្រសាប្រុសម្នាក់ដែលស្រវឹងស្រាជោកជាំ រហូតឈានដល់ចាប់ម្តាយក្មេកអាយុជាង៨០ឆ្នាំ រំលោ.ភរហូតបានសម្រេច ហើយត្រូវបានសមត្ថកិច្ចឃាត់ខ្លួននោះ មុននេះបានចង.កសម្លា.ប់ខ្លួនទៅហើយក្នុងបន្ទប់ឃុំខ្លួន ស្លា.ប់នឹងចម្រឹងដែកដោយប្រើអាវ
ខេត្តកំពង់ធំ ៖ កូនប្រសាប្រុសម្នាក់ដែលស្រវឹងស្រាជោកជាំ រហូតឈានដល់ចាប់ម្តាយក្មេកអាយុជាង៨០ឆ្នាំ រំលោភរហូតបានសម្រេច ហើយត្រូវបានសមត្ថកិច្ចឃាត់ខ្លួននោះ មុននេះបានចង.កសម្លាប់ខ្លួនទៅហើយក្នុងបន្ទប់ឃុំខ្លួន ស្លាប់នឹងចម្រឹងដែកដោយប្រើអាវ ។
ហេតុការណ៍ដ៏គួរឱ្យភ្ញាក់ផ្អើលមួយឈុតថ្មីទៀតនេះ បានកើតឡើងនៅម៉ោង៩យប់ ថ្ងៃទី២៨ កក្កដា នៅក្នុងទីបញ្ជាការកងរាជអាវុធហត្ថខេត្ត ។ ការចង.កធ្វើអត្តឃាតនេះ ដោយសារតែវិប្បដិសារៈជេរស្តីស្ពឹកមុខ ដែលទង្វើដ៏ថោកទាបនេះត្រូវខ្លួនឯងប្រព្រឹត្តទៅកើត ។ ទោះបីជាបែបណា មានការរិះគន់ដែរថា ឈានដល់ជនសង្ស័យឬជនជាប់ចោទដែលត្រូវឃុំខ្លួន មុនពេលបញ្ជូនទៅសាលាដំបូង មិនគួរឱ្យពាក់អាវក្នុងបន្ទប់ឃុំខ្លួននោះទេ ដែលអាវនោះហើយជាឧបករណ៍នៃការចង.កសម្លាប់ខ្លួនបែបនេះ ។
សូមរំលឹកថា នៅរសៀលថ្ងៃទី២៧ កក្កដានោះ បុរសរូបនេះឈ្មោះ កុយ ផល និងមិត្តភក្តិបាននាំគ្នាផឹកស៊ីរហូតស្រវឹងជោកជាំ ក្រោយមកក៏បែកគ្នាទៅផ្ទះរៀងៗខ្លួន ស្រាប់តែជននេះពេលមកដល់ផ្ទះពោរពេញទៅដោយតណ្ហាពុះកញ្ជ្រោលទ្បើងដល់ក គាប់ជួនប្រពន្ធនិងកូនៗមិននៅផ្ទះ ឃើញម្តាយក្មេកកំពុងសម្រាន្តក៏ចាប់រំលោភរហូតបានសម្រេច និងគំរាមថាបើហ៊ានស្រែកឱ្យគេឮនឹងសម្លាប់ចោល។ មួយសន្ទុះក្រោយមកប្រពន្ធមកដល់ផ្ទះវិញ ស្ត្រីជាម្តាយក៏បានប្រាប់ពីរឿងរ៉ាវនេះ ហើយកូនស្រីដែលជាប្រពន្ធជនទុរយស ក៏ទៅប្តឹងកងរាជអាវុធហត្ថនៅក្បែរនោះឱ្យចាប់ខ្លួនបុរសជាប្តី ។
លោក សេង សំ មេបញ្ជាការរងកងរាជអាវុធហត្ថស្រុកបារាយណ៍ បានដឹកនាំកម្លាំងចុះទៅឃាត់ខ្លួនជនឈ្មោះ កុយ ផល នាំយកមកសាកសួរ ប៉ុន្តែនៅចំពោះមុខសមត្ថកិច្ចដោយសារអំណាចឥទ្ធិពលគ្រឿងស្រវឹង ជននេះមិនអាចនិយាយឱ្យដឹងខុសត្រូវទ្បើយ ។ ចំណែកលោកយាយជាម្តាយក្មេកនិយាយថា កូនប្រសាឈាមខ្មៅនេះពិតជាបានចាប់គាត់រំលោភ តាមអំពើចិត្តរបស់ខ្លួន ព្រមទាំងគំរាមសម្លាប់ចោល បើសិនណាជារូបគាត់ហ៊ានស្រែកឱ្យគេជួយ ។
សូមបញ្ជាក់ថា កូនប្រសាចាប់រំលោភម្តាយក្មេកអាយុ៨២ឆ្នាំ នៅស្រុកបារាយណ៍
ចែករំលែកព័តមាននេះ