រាជធានីភ្នំពេញ ៖ យុវជនជាកម្មករសំណង់៤នាក់ត្រូវបានសមត្ថកិច្ចខណ្ឌពោធិ៍សែនជ័យចាប់ឃាត់ខ្លួនកាលពីវេលាម៉ោង១២ថ្ងៃត្រង់ ថ្ងៃទី២៩ កក្កដា ២០១៥ ដោយចោទប្រកាន់ថាពាក់ព័ន្ធករណីសម្លា.ប់ស្ត្រីម្នាក់ ហើយរុំអង្រឹងប្លុងចោលនៅក្នុងដីឡូត៍មួយកន្លែងនៅជិតក្លិបផ្កាយផត ។
រាជធានីភ្នំពេញ ៖ យុវជនជាកម្មករសំណង់៤នាក់ត្រូវបានសមត្ថកិច្ចខណ្ឌពោធិ៍សែនជ័យចាប់ឃាត់ខ្លួនកាលពីវេលាម៉ោង១២ថ្ងៃត្រង់ ថ្ងៃទី២៩ កក្កដា ២០១៥ ដោយចោទប្រកាន់ថាពាក់ព័ន្ធករណីសម្លាប់ស្ត្រីម្នាក់ ហើយរុំអង្រឹងប្លុងចោលនៅក្នុងដីឡូត៍មួយកន្លែងនៅជិតក្លិបផ្កាយផត ។
សូមបញ្ជាក់ថា សពស្ត្រីរងគ្រោះត្រូវបានគេប្រទះឃើញកាលពីវេលាម៉ោង៦ព្រឹក ថ្ងៃទី២៦ កក្កដា ២០១៥ ទាំងអាក្រាតកាយ ដោយរុំអង្រឹង នៅក្នុងដីឡូត៍ដែលគេមួយកន្លែងជិតក្លិបផ្កាយផត ។
២ថ្ងៃក្រោយប្រទះឃើញសាកសព ទើបសមត្ថកិច្ចដឹងពីអត្តសញ្ញាណស្ត្រីរងគ្រោះថា មានឈ្មោះ វង់ គន្ធា ជាស្ត្រីមេម៉ាយកូន១ បម្រើការងារនៅក្នុងខារ៉ាអូខេចិនមួយកន្លែងស្ថិតក្នុងភូមិក្បាលដំរី សង្កាត់កាកាប ខណ្ឌពោធិ៍សែនជ័យ និងមានស្រុកកំណើតនៅភូមិព្រៃសន្ទាស សង្កាត់សាលាក្រៅ ក្រុងប៉ៃលិន ខេត្តប៉ៃលិន ។
ប្រភពពីមន្ត្រីប៉ូលិសម្នាក់បានឱ្យដឹងថា ជនសង្ស័យទាំង៤នាក់មាន២នាក់មានឈ្មោះហៅក្រៅថា អាវីតូច អាវីធំ ។
មន្ត្រីប៉ូលិសរូបនោះបានឱ្យដឹងទៀតថា មុនពេលកើតហេតុ នៅវេលាម៉ោង៣ភ្លឺ ថ្ងៃទី២៦ កក្កដា ២០១៥ ជនសង្ស័យដែលមានឈ្មោះហៅក្រៅថា អាវីធំ បានទៅទំនាក់ទំនងជាមួយស្ត្រីរងគ្រោះមករួមរ័ក្សក្នុងការដ្ឋានសំណង់ក្នុងតម្លៃ១០ដុល្លារ ។ បន្ទាប់ពីរួមរ័ក្សហើយ អាវីធំ ក៏បានប្រាប់បក្ខពួកខ្លួន៣នាក់ទៅថាបើចង់រួមរ័ក្សជាមួយនាងតែម្នាក់១០ដុល្លារទេ ពួកឯងទៅៗ ។ បក្ខពួករបស់អាវីធំទាំង៣នាក់ ដែលក្នុងនោះមាន អាវីតូច ដែរនោះក៏បានទៅនិយាយជាមួយស្ត្រីរងគ្រោះ តែស្ត្រីរងគ្រោះថា ភ្លឺហើយរួមរ័ក្សនៅក្នុងការដ្ឋានសំណង់ខ្លាចគេឃើញខ្មាស់គេ ។ ហេតុដូចនេះហើយបានជាក្រុមជនសង្ស័យទាំង៣នាក់ក៏បាននាំស្ត្រីរងគ្រោះទៅរួមរ័ក្សក្នុងដីឡូត៍មួយកន្លែងដែលនៅជិតការដ្ឋានសំណង់នោះ ។
មន្ត្រីប៉ូលិសរូបនោះបានបន្តទៀតថា ក្រោយពេលរួមរ័ក្សហើយប្រហែលជាគ្មានលុយឱ្យក៏សម្លាប់នាងចោលតែម្តងទៅ ព្រោះសពស្ត្រីរងគ្រោះនៅទាំងអាក្រាតគ្មានសម្លៀកបំពាក់អ្វីទាំងអស់ដោយគ្រាន់តែរុំអង្រឹង ហើយទុកចោលក្នុងដីឡូត៍នោះតែម្តង ។
ប្រភពឱ្យដឹងទៀតថា ជនសង្ស័យទាំង៤នាក់នោះមិនត្រូវបានសមត្ថកិច្ចឱ្យដឹងនៅឡើយទេ គឺលាក់ទុកដើម្បីធ្វើការស៊ើបអង្កេតឱ្យបានច្បាស់លាស់សិន ៕
ចែករំលែកព័តមាននេះ