រាជធានីភ្នំពេញ ៖ បើគ្មានអ្វីប្រែប្រួលនោះទេ គណបក្សប្រជាជនកម្ពុជានឹងបើកសន្និបាតដើម្បីបោះឆ្នោតជ្រើសតំាងអនុប្រធានគណបក្សនៅព្រឹកថ្ងៃទី២០ មិថុនា ២០១៥ នៅទីស្នាក់ការកណ្តាលគណបក្ស (គ៨៥) ដែលមានទីតំាងស្ថិតក្នុងខណ្ឌចំការមន ។
មកដល់ពេលនេះមានបេក្ខភាព២រូប ដែលក្រុមអ្នកតាមដានស្ថានការណ៍នយោបាយមើលឃើញថា អាចនឹងក្លាយជាអនុប្រធានគណបក្សប្រជាជនកម្ពុជា គឺសម្តេចក្រឡាហោម ស ខេង និង សម្តេចវិបុលសេនាភក្តី សាយ ឈុំ ខណៈសម្តេចតេជោ ហ៊ុន សែន បានក្លាយជាប្រធានគណបក្សដោយស្វ័យប្រវត្តិបន្ទាប់ពី សម្តេច ជា ស៊ីម បានទទួលមរណភាព ។
អ្នកនំាពាក្យគណបក្សប្រជាជនកម្ពុជា លោក ឈឹម ផលវរុណ មិនបានបង្ហើបឲ្យដឹងថាតើមានបេក្ខភាពប៉ុន្មានរូបដែលឈរឈ្មោះបោះឆ្នោតនៅថ្ងៃស្អែកនោះទេ ដោយលោកគ្រាន់តែបញ្ជាក់តាមទូរស័ព្ទនៅរសៀលថ្ងៃទី១៩ មិថុនានេះថា ព្រឹកស្អែកទើបដឹងលទ្ឋផលច្បាស់ ៕
ចែករំលែកព័តមាននេះ