ខេត្តកំពង់ចាម៖ ស្ត្រីចំណាស់ម្នាក់ឈ្មោះ គីម ហ៊ាង អាយុ៥៣ឆ្នាំ នៅភូមិដំណាក់ជ្រៃ ឃុំពាមជីកង ស្រុកកងមាស បានស្លា.ប់ដោយសារតែម៉ូតូហុងដាឌ្រីម មួយគ្រឿង បុកបណ្តាលឲ្យដួលបោកក្បាលទៅនឹងថ្នល់ កាលពីវេលាម៉ោង៦និង២០នាទីព្រឹកថ្ងៃទី២៥ ឧសភា
ខេត្តកំពង់ចាម៖ ស្ត្រីចំណាស់ម្នាក់ឈ្មោះ គីម ហ៊ាង អាយុ៥៣ឆ្នាំ នៅភូមិដំណាក់ជ្រៃ ឃុំពាមជីកង ស្រុកកងមាស បានស្លាប់ដោយសារតែម៉ូតូហុងដាឌ្រីម មួយគ្រឿង បុកបណ្តាលឲ្យដួលបោកក្បាលទៅនឹងថ្នល់ កាលពីវេលាម៉ោង៦និង២០នាទីព្រឹកថ្ងៃទី២៥ ឧសភា ស្ថិតនៅលើផ្លូវជាតិលេខ៧០ នៅភូមិដំណាក់ជ្រៃ ។
លោកវរសេនីយ៏ទោ សូ សារិទ្ធ អធិការនគរបាលស្រុកកងមាស បានឲ្យដឹងថា ស្ត្រីដែលម៉ូតូបុកស្លាប់នេះ ខណៈដែលគាត់ដើរឆ្លងផ្លូវមិនទាន់នឹងផុតផង ក៏ត្រូវម៉ូតូ១គ្រឿងដែលជិះគ្នា២នាក់មកបុក
បណ្តាលឲ្យដួលបោកក្បាលទៅនឹងថ្នល់រងរបួសធ្ងន់រហូតសន្លប់ រីឯអ្នកបើកម៉ូតូក៏ប្រញាប់រត់គេចខ្លួនបាត់ នៅតែអ្នកអង្គុយពីខាងក្រោយប៉ុណ្ណោះ ។
លោកអធិការនគរបាលស្រុកកងមាស បន្តថា ក្រោយពីហេតុការណ៏នេះកើតឡើង អ្នកភូមិបានរាយការណ៏ទៅសមត្ថកិច្ចមូលដ្ឋានឱ្យចុះមកកន្លែងកើតហេតុ ហើយស្រាវជ្រាវដឹងថា អ្នកបើកម៉ូតូ ឈ្មោះ រ៉េត ឈាង ភេទប្រុស អាយុ២៣ឆ្នាំ និងអ្នកជិះខាងក្រោយ ឈ្មោះ ម៉េត សាមុត ភេទប្រុស អាយុ៣០ឆ្នាំ អ្នកទាំងពីររស់នៅភូមិស្វាយស្នែង ឃុំរោងដំរី ស្រុកបានភ្នំ ខេត្តព្រៃវែង ។
លោក សូ សារិទ្ធ បានបន្តទៀតថា ស្ត្រីរងគ្រោះបានត្រូវសាច់ញាតិនាំទៅសង្គ្រោះនៅមន្ទីរពេទ្យខេត្ត ដោយសារស្ថានភាពរបួសមានលក្ខណៈធ្ងន់ធ្ងរគាត់ក៏បានស្លាប់នៅព្រឹកថ្ងៃដដែល (២៥ ឧសភា ) ។ ចំណែកវត្ថុតាងត្រូវបានសមត្ថកិច្ចយកមករក្សាទុកនៅអធិការដ្ឋាននគរបាលស្រុកកងមាស ។
សពត្រូវបានកូនៗដឹកត្រឡប់មកកាន់លំនៅឋាន នៅស្រុកកងមាសវិញ ដើម្បីរៀបចំធ្វើបុណ្យតាមប្រពៃណី ។
ព័ត៌មានលម្អិតមានផ្សាយជូននៅលើទំព័រកាសែតកោះសន្តិភាព
ចែករំលែកព័តមាននេះ