ខេត្តបន្ទាយមានជ័យ ៖ បុរសម្នាក់លួចស្រលាញ់នាងតែម្នាក់ឯងបានសុំឳពុកម្តាយនាងស្នាក់នៅ ពេលពាក់កណ្តាលយប់បានលួចចូលបន្ទប់ ត្រូវបានឳពុកម្តាយនាងទាន់ ក៏ប្តឹងកម្លាំងប៉េអឹមចាប់ខ្លួន ហើយបានចោទប្រកាន់ពីបទប៉ុនប៉ងរំលោ.ភសេពសន្ថវៈ
ខេត្តបន្ទាយមានជ័យ ៖ បុរសម្នាក់លួចស្រលាញ់នាងតែម្នាក់ឯងបានសុំឳពុកម្តាយនាងស្នាក់នៅ ពេលពាក់កណ្តាលយប់បានលួចចូលបន្ទប់ ត្រូវបានឳពុកម្តាយនាងទាន់ ក៏ប្តឹងកម្លាំងប៉េអឹមចាប់ខ្លួន ហើយបានចោទប្រកាន់ពីបទប៉ុនប៉ងរំលោភសេពសន្ថវៈ ត្រូវបានបញ្ជូនទៅសាលាដំបូងខេត្តបន្ទាយមានជ័យ នៅថ្ងៃទី២១ ឧសភា ២០១៥ ។
លោកឧត្តមសេនីយ៍ត្រី ឱ បូរិន មេបញ្ជាការកងរាជអាវុធហត្ថខេត្តបានប្រាប់ថា បុរសជាជនសង្ស័យដែលត្រូវចាប់ខ្លួនមានឈ្មោះ វ៉ាង វួត អាយុ៣០ឆ្នាំ មានស្រុកកំណើតនៅភូមិកំណព្វ ឃុំតាប៉ែន ស្រុកស្វាយចេក ។ ស្ត្រីរងគ្រោះ អាយុ២៣ឆ្នាំ នៅក្រុងប៉ោយប៉ែត បានប្តឹងជនសង្ស័យខាងលើ ពីបទប៉ុនប៉ងរំលោភសេពសន្ថវៈ ។
ស្ត្រីរងគ្រោះអះអាងថា បុរសឈ្មោះ វ៉ាង វួត បានសុំឳពុកម្តាយនាង ស្នាក់នៅបានរយៈពេល៣ថ្ងៃ កាលពីថ្ងៃទី១៧ ឧសភា ២០១៥ មក ស្រាប់តែនៅវេលាម៉ោង១២យប់ថ្ងៃទី១៩ ឧសភា បានលបចូលក្នុងបន្ទប់ដេករបស់នាង ហើយឡើងលើគ្រែ តែត្រូវបាននាងភ្ញាក់ដឹងខ្លួនទាន់ ក៏ស្ទុះចេញមកក្រៅ ស្រែកហៅអោយឳពុកម្តាយជួយ រួចហើយបានប្តឹងកម្លាំងកងរាជអាវុធហត្ថ ក្រុងប៉ោយប៉ែត អោយចាប់ខ្លួន ។
លោកមេបញ្ជាការកងរាជអាវុធហត្ថខេត្តបានអោយដឹងថា ក្រោយពេលទទួលបណ្តឹងហើយ កម្លាំងកងរាជអាវុធហត្ថ ក្រុងប៉ោយប៉ែត បានចុះទៅធ្វើការឃាត់ខ្លួនជនសង្ស័យ នាំមកសាកសួរ ជនសង្ស័យសារភាពថា គេមិនបានរំលោភនាងទេ គឺគ្រាន់លួចស្រលាញ់នាងម្នាក់ឯង ហើយសុំស្នាក់នៅ ដើម្បីបានក្បែរនាង លុះយប់ស្ងាត់លួចចូលទៅរកនាងក្នុងបន្ទប់ ក៏ត្រូវបានឳពុកម្តាយនាងប្តឹងចោទប្រកាន់ ពីបទបទប៉ុនប៉ងរំលោភសេពសន្ថវៈ ៕
ចែករំលែកព័តមាននេះ