រាជធានីភ្នំពេញ ៖ នគរបាលការិយាល័យប្រឆាំងគ្រឿងញៀនរាជធានីភ្នំពេញ ដោយមានការសម្របសម្រួលពីសំណាក់ស្ថាបន័យអយ្យការអមសាលាដំបូង កាលពីទី៤ ឧសភា បានឆ្មក់ចាប់ក្រុមជួញដូរ និងប្រើប្រាស់គ្រឿងញៀនចំនួន៥នាក់ នៅភូមិត្រពាំងឈូក សង្កាត់ទឹកថ្លា ខណ្ឌសែនសុខ ។
ការឆ្មក់ចាប់ក្រុមជួញដូរ និងប្រើប្រាស់គ្រឿងញៀនចំនួន៥នាក់នោះ សមត្តកិច្ចបានធ្វើការដកហូត វត្តុតាងរួមមាន ថ្នាំញៀនប្រភេទក្រាមពណ៌សថ្លាចំនួន២កញ្ចប់តូច ជញ្ជីងសម្រាប់ថ្លឹងថ្នាំញៀន១ ឧបករណ៍សម្រាប់ច្រក និងប្រប្រាស់គ្រឿងញៀនមួយចំនួន ទូរស័ព្ទដៃចំនួន៣គ្រឿង និងម៉ូតូ១គ្រឿង ។
ជនសង្ស័យដែលឃាត់ខ្លួន១-ឈ្មោះកែវ ស្រីភណ្ឌ័ ភេទស្រី អាយុ២៤ឆ្នាំ ២-ឈ្មោះហៀក ហួត ភេទប្រុស អាយុ២៩ឆ្នាំ ៣-ឈ្មោះពេញ ចិន្តា ភេទប្រុស អាយុ២១ឆ្នាំ ៤-ឈ្មោះអិប ម៉ាប់ ភេទប្រុស អាយុ៣១ឆ្នាំ និង៥-ឈ្មោះស មុំសុភក្ត្រា ភេទប្រុស អាយុ២០ឆ្នាំ ពួកគេខ្លះមានមុខរបរជាកម្មករសំណង់ ខ្លះជាងជួសជុសរថយន្ត ខ្លះមុខរបរ និងស្នាក់មិនពិតប្រាកដ ភាគច្រើននៅតាមបណ្តាខេត្ត ៕
ព័ត៌មានលម្អិតនឹងផ្សាយជូននៅលើទំព័រកាសែតកោះសន្តិភាព
ចែករំលែកព័តមាននេះ