បាងកក ៖ ប្រភពពីបណ្តាញព័ត៌មានថៃបានឱ្យដឹងថា ក្នុងអំឡុងថ្ងៃឈប់សម្រាកអបអរឆ្នាំថ្មី ២០១៥ នេះ នៅប្រទេសថៃមានអ្នកស្លា.ប់ដោយគ្រោះថ្នាក់ចរាចរណ៍សរុបចំនួន៣៦៤នាក់
បាងកក ៖ ប្រភពពីបណ្តាញព័ត៌មានថៃបានឱ្យដឹងថា ក្នុងអំឡុងថ្ងៃឈប់សម្រាកអបអរឆ្នាំថ្មី ២០១៥ នេះ នៅប្រទេសថៃមានអ្នកស្លាប់ដោយគ្រោះថ្នាក់ចរាចរណ៍សរុបចំនួន៣៦៤នាក់ និង៣.៥៥៩នាក់រងរបួស ខណៈកម្ពុជាសម្លាប់មនុស្ស៥៥នាក់ របួស៣៦២នាក់ កើនឡើងរហូត ដែលអាចចាត់ទុកថាជាមហាសោកនាដកម្មដ៏ធ្ងន់ធ្ងរមួយសម្រាប់ប្រទេសនេះ ។
លោក Panadda Diskul រដ្ឋមន្ត្រីខុទ្ទកាល័យនាយករដ្ឋមន្ត្រី បានធ្វើការណែនាំដល់អភិបាលខេត្តទាំងអស់ដើម្បីរក្សាសុវត្ថិភាពលើដងផ្លូវ ស្របពេលដែលមានអ្នកត្រឡប់មកពីកម្សាន្តក្នុងឱកាសបុណ្យចូលឆ្នាំថ្មីជាច្រើនកុះករ និងនៅតាមតំបន់ខ្លះកំពុងបន្តប្រារព្ធពិធីស្រង់ព្រះ ឬបាចទឹកនៅឡើយ ។
មជ្ឈមណ្ឌលប្រតិបត្តិការសុវត្ថិភាពចរាចរណ៍លើដងផ្លូវបានអះអាងថា អ្នកបើកម៉ូតូ និងអ្នកបើកបររថយន្តស្ថិតក្រោមឥទ្ធិពលនៃគ្រឿងស្រវឹង គឺជាមូលហេតុដែលបណ្តាលឱ្យកើតមានគ្រោះថ្នាក់ច្រើនបំផុតក្នុងអំឡុងពិធីបុណ្យចូលឆ្នាំថ្មីនេះ ។ ខេត្តដែលមានគ្រោះថ្នាក់ច្រើនជាងគេគឺខេត្ត Phitsanulok ខណៈអ្នកស្លាប់ច្រើនជាងគេដោយសារគ្រោះថ្នាក់ចរាចរណ៍ គឺខេត្ត Phetchabun ។
ដោយឡែកក្នុងអំឡុងពេល៧ថ្ងៃនៃការធ្វើយុទ្ធនាការសុវត្ថិភាពចរាចរណ៍ គ្រោះថ្នាក់បានកើតឡើងជាង៣.៣០០ករណី ក្នុងនោះខេត្ត Phuket, Mae Hon Son, Yala, Samut Songkhram និង Samut Sakhon ពុំមានអ្នកស្លាប់ឡើយ ៕
ចែករំលែកព័តមាននេះ