ខេត្តឧត្តរមានជ័យ ៖ ប្រជាពលរដ្ឋដែលមានទីលំនៅក្នុងស្រុកអន្លង់វែង រួមទាំងភ្ញៀវជាតិ-អន្តរជាតិ ដែលឆ្លងកាត់ស្រុកនេះ បាននាំគ្នាធ្វើការរិះគន់ថា ក្នុងស្រុកមានបណ្តាញអគ្គិសនីសម្រាប់ប្រើប្រាសគ្រប់គ្រាន់ដែរ ដោយឡែកនៅតាមដងផ្លូវជាតិ និងចំណុចរង្វង់មូល
ខេត្តឧត្តរមានជ័យ ៖ ប្រជាពលរដ្ឋដែលមានទីលំនៅក្នុងស្រុកអន្លង់វែង រួមទាំងភ្ញៀវជាតិ-អន្តរជាតិ ដែលឆ្លងកាត់ស្រុកនេះ បាននាំគ្នាធ្វើការរិះគន់ថា ក្នុងស្រុកមានបណ្តាញអគ្គិសនីសម្រាប់ប្រើប្រាសគ្រប់គ្រាន់ដែរ ដោយឡែកនៅតាមដងផ្លូវជាតិ និងចំណុចរង្វង់មូលសម្តេចហ៊ុន សែន ពុំមានអំពូលភ្លើងបំភ្លឺសោះ ប្រៀបបានដូចស្រុកខ្មោច ។
ប្រជាពលរដ្ឋរស់នៅក្នុងស្រុកអន្លង់វែងជាច្រើនគ្រួសារបានរៀបរាប់ឱ្យកោះសន្តិភាពដឹងថា នៅក្នុងទីប្រជុំស្រុកអន្លង់វែងនេះ កាលពីអំឡុងឆ្នាំ២០០២ គឺលោកអាជ្ញាធរបានធ្វើការអភិវឌ្ឍន៍នូវប្រព័ន្ធបណ្តាញភ្លើងអគ្គិសនីជូនដល់ប្រជាពលរដ្ឋ សម្រាប់ប្រើប្រាស់ទៅតាមតម្រូវការរហូតមកទល់ឆ្នាំ២០១៥នេះ តែប្រជាពលរដ្ឋក្នុងស្រុកបានធ្វើការកត់សម្គាល់មកលោកអាជ្ញាធរមូលរដ្ឋានស្រុកអន្លង់វែងថា ពុំ ដែលយកចិត្តទុក្ខដាក់បញ្ហាអំពូលភ្លើង សម្រាប់បំភ្លឺតាមដងផ្លូវក្នុងទីប្រជុំជនស្រុកនោះទេ ។
ប្រជាពលរដ្ឋដដែលបញ្ជាក់ថា កាលពីលោកយឹម ផាន់ណា ជាអតីតអភិបាលស្រុកអន្លង់វែង គេសង្កេតឃើញមានដាក់អំពូល១ នៅចំណុចរង្វង់មូលសម្តេច ហ៊ុន សែន លុះមកដល់លោកហោ ជិនវរៈយុទ្ធ បានចូលមកកាន់តំណែងជាអភិបាលស្រុកអន្លង់វែងថ្មី ស្រាប់តែបានបាត់អំពូលដដែលបំភ្លឺចំណុចរង្វង់មូលទៀត ដោយពុំដឹងថា មកពីមូលហេតុអី? ។
ដោយឡែក ប្រភពតាមតុការហ្វេ និងនៅតាមអាហារដ្ឋានក្នុងស្រុកអន្លង់វែង កាលពីព្រឹកថ្ងៃទី២ មេសា ២០១៥ មានភ្ញៀវជាតិ និងភ្ញៀវអន្តរជាតិ បាននាំគ្នានិយាយត្អូញត្អែរថា ពួកគាត់បានធ្វើដំណើរនៅពេលយប់មកដល់ចំណុចទីប្រជុំជនស្រុកនេះ ចាប់ពីម៉ោង០៩ គឺនៅមានភ្លើងបំភ្លឺ ដែលជះពន្លឺចេញពីលំនៅឋានប្រជាពលរដ្ឋខ្លះៗ មកដងផ្លូវជាតិតែចាប់ពីម៉ោង១០ ទៅ១១នោះ នៅតាមលំនៅឋានប្រជាពលរដ្ឋបានពន្លត់ភ្លើងទៅប្រៀបបាននិងស្រុកខ្មោច ពីព្រោះភ្លើងអំពូលនៅតាមដងផ្លូវជាតិគ្មាន សូម្បីតែភ្លើងអំពូល១សម្រាប់ដាក់ចំណុចរង្វង់មូលគ្មានផង ។
ទាក់ទិនហេតុការណ៍នេះ កាលពីរសៀលថ្ងៃទី២ មេសា ២០១៥ កោះសន្តិភាពបានទូរស័ព្ទលោកហោ ជិនវរៈយុទ្ធ អភិបាលស្រុកអន្លង់វែងលោកបានឆ្លើយបំភ្លឺថា ការងារនេះ លោកបានដាក់សំណើមួយច្បាប់ចូលទៅលោកអាជ្ញាធរខេត្តឧត្តរមានជ័យ ដើម្បីបន្តស្នើសុំឱ្យក្រុមហ៊ុនអិល វ៉ាយ ភី គ្រុប ឌែល មានស្នាក់កាអគ្គិសនីអន្លង់វែង ស្រាប់តែឱ្យជួយដាក់ភ្លើងបំភ្លឺនៅតាមដងផ្លូវជាតិ ក្នុងទីប្រជុំជនស្រុកនេះ ឱ្យបានចំនួនពី១៥ ទៅ២០អំពូលផងដែរ តែរហូតមកទល់និងពេលនេះ នៅពុំទាន់បានទទួលដំណឹងថា បានឬមិនបាននៅឡើយ ។
ចែករំលែកព័តមាននេះ