ខេត្តត្បូងឃ្មុំ៖ យ៉ាងហោចណាស់មនុស្សចំនួន១១នាក់បានរងរបួសធ្ងន់និងស្រាល ដោយសាទំនាស់រាំធុងបាសក្នុងមង្គលកាមួយបង្កឡើងដោយភ្ញៀវកូនកម្លោះនិងកូនក្រមុំដោយយកដែកឆាបចាក់ធ្លាយពោះនិងឆ្អឹងជំនី ។ ហេតុការណ៍នេះបានកើតឡើងនៅវេលាម៉ោង៦ល្ងាច ថ្ងៃទី៣១ មីនា ២០១៥ ស្ថិតនៅភូមិស្តុកសម្បត្តិ ឃុំកណ្តោលជ្រុំ ស្រុកពញាក្រែក ។
ជុំវិញករណីទំនាស់វាយគ្នាក្នុងកម្មវិធីមង្គលកាខាងលើអ្នករបួសធ្ងន់ចំនួន៦នាក់ ភ្លាមៗត្រូវបាននាំទៅសង្គ្រោះនៅមន្ទីរពេទ្យខេត្តកំពង់ចាម ទាំងយប់ផងដែរ ។
លោកអោម មុនីវណ្ណ អធិការនគរបាលស្រុកពញាក្រែក ប្រាប់ឲ្យដឹងដែរថា ផ្ទះមង្គលការដែលផ្ទុះហឹង្សាចាក់គ្នានោះ គឺស្ថិតនៅភូមិស្តុកសម្បត្តិ ជាប់ជាមួយនឹងស្រុកតំបែរ ភ្លាមៗសមត្ថកិច្ចបានបើកការស្រាវជ្រាវរហូតឈានទៅឃាតខ្លួនបានជនសង្ស័យម្នាក់ ដកហូតបានវត្ថុតាងដែកឆាបចំនួន១មកធ្វើការសាកសួរ ហើយទាក់ទិនករណីខាងលើនៅមិនទាន់នឹងថាតើទំនាស់ផ្តើមចេញពីក្រុមណាមុននោះទេ ៕
ចែករំលែកព័តមាននេះ