កូរ៉េខាងត្បូងលេខ22ខាងGPDផ្នែកកសិកម្មទូទាំងពិភពលោក
សេអ៊ូល ៖ តាមទិន្នន័យចេញផ្សាយកាលពីថ្ងៃអាទិត្យ ទី២៩ មីនា បង្ហាញថា GPD នៅក្នុងវិស័យកសិកម្មរបស់ប្រទេសកូរ៉េខាងត្បូងជាប់ចំណាត់ថ្នាក់ទី២២លើពិភពលោក ក្នុងឆ្នាំ២០១២
សេអ៊ូល ៖ តាមទិន្នន័យចេញផ្សាយកាលពីថ្ងៃអាទិត្យ ទី២៩ មីនា បង្ហាញថា GPD នៅក្នុងវិស័យកសិកម្មរបស់ប្រទេសកូរ៉េខាងត្បូងជាប់ចំណាត់ថ្នាក់ទី២២លើពិភពលោក ក្នុងឆ្នាំ២០១២ ធ្លាក់ចុះ៤កាំពីឆ្នាំ២០០៩ ដែលឆ្លុះបញ្ចាំងឱ្យឃើញពីភាពចុះខ្សោយនៃកិច្ចព្រមព្រៀងពាណិជ្ជកម្មសេរី ។
បើតាមតួលេខដែលចងក្រងដោយគ្រឹះស្ថានសេដ្ឋកិច្ចនៃទីជនបទរបស់កូរ៉េ GPD របស់ជាតិក្នុងវិស័យកសិកម្មនិងនេសាទមានចំនួន២៧,៣ពាន់លានដុល្លារក្នុងឆ្នាំ២០១២ ធៀបនឹង៣ឆ្នាំមុនសម្រេចបានត្រឹមតែ២១,១ពាន់លានដុល្លារ។ អង្គភាពនេះបានបន្ថែមថា ការធ្លាក់ចុះនៅក្នុងចំណាត់ថ្នាក់នេះ អាចចាត់ទុកជាកិច្ចខិតខំប្រឹងប្រែងរបស់កូរ៉េខាងត្បូងក្នុងការចុះហត្ថលេខាលើកិច្ចព្រមព្រៀងពាណិជ្ជកម្មសេរីជាមួយបណ្តាប្រទេសកាន់តែច្រើន ដែលបានដាក់បន្ទុកទៅលើឧស្សាហកម្មកែច្នៃវត្ថុធាតុដើមក្នុងស្រុក ដែលកង្វះនូវភាពប្រកួតប្រជែងផ្នែកតម្លៃ។ ម្យ៉ាងវិញទៀត GPD នៅក្នុងវិស័យកសិកម្មនិងនេសាទរបស់ប្រជាជាតិមួយនេះ អាចនឹងបាត់បង់កៅអីជាងនេះទៅទៀតនៅថ្ងៃអនាគត ស្របពេលប្រទេសនេះ ទន្ទឹងរង់ចាំការប្រតិបត្តិកិច្ចព្រមព្រៀងពាណិជ្ជកម្មសេរីដទៃទៀត ជាមួយមហាយក្សសេដ្ឋកិច្ចលេខ១របស់អាស៊ី គឺចិន ។ ក្នុងឆ្នាំ២០១២ ចិនមានអត្រា GPD ក្នុងផ្នែកនេះខ្ពស់បំផុត ឬស្មើនឹង៨២៩,៧ពាន់លានដុល្លារ និងតាមពីក្រោយដោយឥណ្ឌា៣០២,៣ពាន់លានដុល្លារ និងសហរដ្ឋអាមេរិក១៩៨,៥ពាន់លានដុល្លារ ។
គួរបញ្ជាក់ថា ផ្ទៃដីដែលអាចដំណាំបានរបស់កូរ៉េខាងត្បូងមានចំនួន១,៧៣លានហិកតា ក្នុងឆ្នាំ២០១២ ជាប់ចំណាត់ថ្នាក់ទី៩៥ ផ្នែកធំជាងគេបំផុតលើសាកលលោក ហើយក៏មានកម្រិតទាបជាងអ្នកនាំមុខគេឥណ្ឌា ដែលមានផ្ទៃដីអាចបង្កបង្កើនផលបានរហូតដល់ទៅ១៦៩លានហិកតា ។ ចំណែកសហរដ្ឋអាមេរិកមាន១៥៧,៧លានហិកតា និងចិន១២២,៥លានហិកតា ៕
ចែករំលែកព័តមាននេះ