អ៊ឹម ដារ៉ា ជួប ពៅ ស័ក្ដិសិទ្ធិ ខណះដែល វង្ស ស៊ីថៃ ជួប ម៉ី សុភាព នៅលើរេញទូរទស្សន៍ស៊ីធីអិន
ដោយ ៖ឈិត គឹមឆុន
ថ្ងៃព្រហស្បត្ត៏ ទី៣ ខែមិថុនា ឆ្នាំ២០១០ ម៉ោង ០៩:២៨
រាជធានីភ្នំពេញ ៖ នៅលើសង្វៀន ស្ថានីយទូរទស្សន៍ CTN នាថ្ងៃសៅរ៍ ទី៥ មិថុនា ខាងមុខនេះ មានកីឡាករជើងខ្លាំង ២គូត្រូវបានគេរៀបចំឱ្យឡើងប្រកួតគ្នា ដើម្បីដណ្ដើមប្រាក់លានពីក្រុមហ៊ុនស្រាផែនដី ។កីឡាករអ៊ឹម ដារ៉ា មកពីសមាគមកីឡា ប្រដាល់ក្រសួងការពារជាតិត្រូវប្រកួតជាមួយ កីឡាករពៅ ស័ក្ដិសិទ្ធិ មកពីសមាគមកីឡាប្រដាល់ក្រសួងមហាផ្ទៃ និងកីឡាករវង្ស ស៊ីថៃ មកពីក្លឹបកងពលតូចលេខ៧០ ប្រកួត ជាមួយកីឡាករម៉ី សុភាព មកពីក្លឹបព្រះខ័នរាជ្យ ។ ស្ថានីយទូរទស្សន៍ CTN រៀបចំឱ្យមានការប្រកួតប្រដាល់ដណ្ដើមប្រាក់លានលើកនេះមានការខុសប្លែកពីលើកមុនៗ ដែលកន្លងមកមានតែកីឡាករក្មេងៗ និង ជើងថ្មីសុទ្ធសាធ ប៉ុន្ដែលើកនេះ គឺសុទ្ធតែ ជាកីឡាករជើងចាស់មានឈ្មោះបោះសំលេង
នៅលើសង្វៀនយូរឆ្នាំមកហើយ ។
អ៊ឹម ដារ៉ា និងពៅ ស័ក្ដិសិទ្ធិ មិនធ្លាប់ ជួបគ្នាពីមុនមកឡើយ ។ អ្នកប្រដាល់២រូប នេះ ចូលចិត្ដប្រើប្រាស់កំលាំងបាយដូចគ្នា ប៉ុន្ដែដារ៉ា មិនដូចស័ក្ដិសិទ្ធិនោះទេ កំលាំង ស៊ុហ្វរបស់គេអាចប្រកួតបាន៥ទឹកពេញមិន ងាយស្រុតចុះឡើយ ។ ល្បិចវាយលុកនៅលើ សង្វៀនរបស់គេក៏អស្ចារ្យណាស់ដែរ ជា ពិសេស គេមានជំនាញយ៉ាងពិសេសខាងប្រើ ជើង និងដៃទៀតផង ។ ចំណែកពៅ ស័ក្ដិសិទ្ធិ អត់ចេះអ្វីក្រៅពីប្រើជើងទាត់នោះទេ ។ ប៉ុន្ដែ កីឡាករប្រដាល់រូបនេះវាយឆាប់ហត់ខ្លាំង ណាស់ យ៉ាងយូរត្រឹមទឹកទី៤ប៉ុណ្ណោះ ។ ម្យ៉ាងវិញទៀត ដោយហេតុតែមួយរយៈ មកនេះ គេមិនសូវលេចមុខនៅលើសង្វៀន ទៀតផងនោះ*មិនដឹងទៅជាយ៉ាងណានោះ ទេ ។ រវាងគូនេះ អ្នកដែលគេមានជំនឿចិត្ដ ច្រើនជាងគេក្នុងការឆ្លងផុតវគ្គជំរុះជុំទី១ បាននោះប្រហែលអ៊ឹម ដារ៉ា ហើយមើលទៅ ។
កីឡាករវង្ស ស៊ីថៃ ក្លឹបកងពលតូចលេខ ៧០ ជួបប្រកួតជាមួយម៉ី សុភាព ក្លឹបព្រះខ័នរាជ្យ ។ រវាងកីឡាករ២រូបនេះក៏ពិបាកធ្វើ ការវាយតំលៃណាស់ដែរ ស៊ីថៃមានកំពស់ ចាញ់ប្រៀបសុភាពបន្ដិច ។ ស៊ីថៃ ស្នៀត កណ្ដាប់ដៃនិងស្នៀតជើងរបស់គេពិតជាសាហាវខ្លាំងណាស់ ប៉ុន្ដែចិត្ដរបស់គេឆាប់ឆេវ ឆាវបន្ដិច ។ កីឡាករម្នាក់នេះចិត្ដមិនសូវ ហ៊ាននោះទេឱ្យតែគេវាយឈឺបន្ដិចនោះ គឺលែងហ៊ានក្អេងក្អាងទៀតហើយ ។ ចំណែក សុភាពមួយរយៈមកនេះ យីអ៊ុនរបស់គេដូច ជាមានការស្រុតចុះជាងមុនច្រើន ។ ចាំមើល ការមកប៉ះស៊ីថៃលើកនេះ អ្នកណាខ្លាំង អ្នក ណាខ្សោយគង់តែដឹងទេ ។
រីឯគូប្រកួតមិត្ដភាពវិញ មានកីឡាករ ជ័យ វ៉ា មកពីក្លឹបឃ្លាំងមឿងកីឡាប្រកួត ជាមួយយិន បូរិន មកពីក្លឹបកងពលធំអន្ដរា គមន៍លេខ៣ខេត្ដព្រះវិហារ ។ កីឡាករឯម ឈុនលៀង មកពីក្លឹបក្រុងប៉ោយប៉ែត ប្រកួត ជាមួយជាតិ វណ្ណៈ ក្លឹបបាក់ខែងកីឡា និង កីឡាកររឿម វណ្ណៈ ក្លឹបរស្មីភូមិគាប ខេត្ដ បាត់ដំបង ប្រកួតជាមួយកីឡាករណាំ នឿន ក្លឹបសំរែករាជសីហ៍បង្ក្រាបគ្រឿងញៀន ៕
