ក្រុមរដ្ឋអ៊ិស្លាមកាលពីថ្ងៃទី១០ មីនា បានចេញផ្សាយវីដេអូមួយដែលបង្ហាញពីការប្រហារជីវិតយុវជនអារ៉ាប់អីុស្រាអែលម្នាក់ ដែលទទួលការចោទប្រកាន់ថា ធ្វើចារកម្មឱ្យពួកភ្នាក់ងារសម្ងាត់អីុស្រាអែល ។
ក្រុមរដ្ឋអ៊ិស្លាមកាលពីថ្ងៃទី១០ មីនា បានចេញផ្សាយវីដេអូមួយដែលបង្ហាញពីការប្រហារជីវិតយុវជនអារ៉ាប់អីុស្រាអែលម្នាក់ ដែលទទួលការចោទប្រកាន់ថា ធ្វើចារកម្មឱ្យពួកភ្នាក់ងារសម្ងាត់អីុស្រាអែល ។
នេះជាលើកទីមួយហើយដែលក្រុមរដ្ឋអ៊ិស្លាមជាអ្នកប្រហារជីវិតមនុស្សច្រើនសិបនាក់មកហើយជាមួយការផ្សាយរូបភាពប្រហារជីវិតយ៉ាងសាហាវព្រៃផ្សៃបំផុត នៃការកាត់ក្បាលពួកគេនាំឱ្យមតិសាធារណៈពិភពលោកមានការក្តុកក្តួលយ៉ាងខ្លាំង ប្រកាសពីការប្រហារជីវិតយុវជនអារ៉ាប់-អីុស្រាអែលនោះ ។
តាមវីដេអូរយៈពេលជាង១០នាទី គេឃើញបុរសម្នាក់មានឈ្មោះថា មូហាម៉ាដ សាអីុដ អីុស្មាអីុលមូសាលឡាម ស្លៀកពាក់ពណ៌ទឹកក្រូច ព្រមទាំងលិខិតឆ្លងដែនអីុស្រាអែលរបស់គេ ។ បន្ទាប់មកជននេះត្រូវបានយុវជនម្នាក់ស្លៀកពាក់ត្រីអីុបាញ់សម្លាប់គេមួយគ្រាប់ត្រង់ក្បាល ។
ក្រោយរំលឹកពីការវាយប្រហារនាពេលថ្មីៗនេះសំដៅលើពួកជ្វីហ្វនៅបារាំង ជនជីហាដម្នាក់និយាយភាសាបារាំង គំរាមវាយប្រហារអីុស្រាអែល ហើយដណ្តើមកាន់កាប់ទីក្រុងហ្សេរុយសាឡឹម ។
វីដេអូនេះ ក៏រួមមានបញ្ជីឈ្មោះមួយអមដោយរូបថតមនុស្សទាំងឡាយដែលគេចាត់ទុកជាចារបុរសអីុស្រាអែល ។
កាលពីខែកុម្ភៈ ឪពុករបស់មូហាម៉ាដ សាអីុតអីុស្មាអីុល មូសាលឡាម ធ្លាប់បានបដិសេធថា កូនប្រុសរបស់គាត់ពុំបានធ្វើការឱ្យភ្នាក់ងារស៊ើបការណ៍អីុស្រាអែល MOSSAD ឡើយ។ ការបដិសេធនេះធ្វើឡើងក្រោយពីការចុះផ្សាយតាមទស្សនាវដ្តីភាសាអង់គ្លេស DABIQ របស់ក្រុមរដ្ឋអ៊ិស្លាមនូវអត្ថបទមួយដែលថា ជាបទសម្ភាសន៍ជាមួយយុវជនអាយុ១៩ឆ្នាំម្នាក់ ដែលពួកជីហាដថាបញ្ជូនទៅស៊ីរីដោយទីភ្នាក់ងារស៊ើបការណ៍អីុស្រាអែល ៕
ចែករំលែកព័តមាននេះ