បុរសជនជាតិថៃវ័យ៨០ឆ្នាំ ឡើងជិះរថយន្តកាស៊ីណូដឹកភ្ញៀវ វិលមុខធ្លាក់សន្លប់
ខេត្តបន្ទាយមានជ័យ ៖ បុរសជនជាតិថៃមិនទាន់ស្គាល់អត្តសញ្ញាណម្នាក់មានវ័យប្រមាណ៨០ឆ្នាំ បានធ្លាក់ពីកំាជណ្តើររថយន្តកាស៊ីណូដឹកភ្ញៀវ
ខេត្តបន្ទាយមានជ័យ ៖ បុរសជនជាតិថៃមិនទាន់ស្គាល់អត្តសញ្ញាណម្នាក់មានវ័យប្រមាណ៨០ឆ្នាំ បានធ្លាក់ពីកំាជណ្តើររថយន្តកាស៊ីណូដឹកភ្ញៀវខណៈឡើងជិះរថយន្ត បណ្តាលឲ្យដួលសន្លប់ ។
ហេតុការណ៍នេះបានបង្កឲ្យមានការភ្ញាក់ផ្អើលនៅម៉ោងជាង១១ថ្ងៃត្រង់ថ្ងៃទី០៣ មីនា ២០១៥ នៅមាត់ច្រកទ្វារអន្តរជាតិប៉ោយប៉ែតខាងទឹកដីកម្ពុជាទល់មុខកាស៊ីណូហូលីដេ ។
បើតាមអ្នកឆ្លើយឆ្លងព័ត៌មានកោះសន្តិភាពបានបញ្ជាក់ឲ្យដឹងនៅប៉ុន្មាននាទីមុននេះទៀតថា បន្ទាប់ពីហេតុការណ៍ដួលសន្លប់ ភ្លាមៗគេឃើញជនជាតិថៃដូចគ្នា បាននំាគ្នាបក់និងច្របាច់ដៃជើង មួយសន្ទុះលោកតាក៍បានដឹងខ្លួន ដោយនិយាយថា មកពីគាត់វិលមុខ ។
ជាការកត់សម្គាល់ មកដល់ពេលនេះជនជាតិថៃទំាងក្មេងទំាងចាស់ជាច្រើនរយនាក់ក្នុងមួយថ្ងៃៗបាននំាគ្នាឆ្លងដែនចូលមកក្នុងទឹកដីកម្ពុជាដើម្បីចូលលេងកាស៊ីណូ ហើយក៍មានអ្នកឈ្នះនិងអ្នកចាញ់(ភាគច្រើន) រហូតមានជនជាតិថៃមួយចំនួនដែលញៀននិងចាញ់ល្បែងកាស៊ីណូធ្វើអត្តឃាតនោះផងដែរ ។
សេចក្តីរាយការណ៍ក៍បានបញ្ជាក់ទៀតថា រឿងល្បែងនៅកាស៊ីណូក្នុងក្រុងប៉ោយប៉ែតនេះ មិនមែនមានតែជនជាតិថៃ ឬជាតិសាសន៍ផ្សេងៗទៀតចូលលេងនោះទេ ជនជាតិខ្មែរ ដែលអ្នកខ្លះជាមន្រ្តី អ្នកជំនួញនិងពលរដ្ឋសាមញ្ញក៍បានចូលលេងផងដែរ ៕
ចែករំលែកព័តមាននេះ