អ្នកស្រាវជ្រាវអាមេរិកបានអះអាងថា ការទទួលទានផ្លែប៊័រចំនួនមួយផ្លែក្នុងមួយថ្ងៃ អាចជួយកែលម្អកម្រិតខ្លាញ់កូឡេស្តេរ៉ូលអាក្រក់ ។ ពួកគេបន្តថា ការទទួលទានជាប្រចាំ ផ្លែឈើប្រភេទនេះ
អ្នកស្រាវជ្រាវអាមេរិកបានអះអាងថា ការទទួលទានផ្លែប៊័រចំនួនមួយផ្លែក្នុងមួយថ្ងៃ អាចជួយកែលម្អកម្រិតខ្លាញ់កូឡេស្តេរ៉ូលអាក្រក់ ។ ពួកគេបន្តថា ការទទួលទានជាប្រចាំ ផ្លែឈើប្រភេទនេះ អាចជួយបំលែងខ្លាញ់មិនល្អក្នុងចំណីអាហារឱ្យទៅជាខ្លាញ់ល្អ កាត់បន្ថយបានហានិភ័យជំងឺបេះដូង ។
ការពិសោធទ្រង់ទ្រាយតូចមួយលើមនុស្សធាត់ៗមានសុខភាពល្អចំនួន៤៥នាក់ដែលមានអាយុចន្លោះពី២១ឆ្នាំទៅ៧០ឆ្នាំបានរកឃើញថា ខ្លាញ់កូឡេស្តេរ៉ូលអាក្រក់ (LDL)ក្នុងសរសៃឈាមរបស់ពួកគេត្រូវបានកាត់បន្ថយមកនៅត្រឹមកម្រិត១៣.៥ mg/dLបន្ទាប់ពីទទួលទានផ្លែប៊័រសម្បកគ្រើម ។ ប្រៀបធៀបជាមួយនឹងក្រុមមិនទទួលទានឃើញថា ថយចុះប្រមាណជា១០ភាគរយ ។
តាមរយៈព្រឹត្តិបត្រ American Heart Association លោកសាស្ត្រាចារ្យ Penny Kris-Etherton អ្នកដឹកនាំការសិក្សាបានបញ្ជាក់ថា ៖«នៅអាមេរិក ប៊័រមិនទាន់ក្លាយជាអាហារដែលគេស្គាល់ទូទៅនៅឡើយទេ ។ មួយវិញទៀតវាមានតម្លៃថ្លៃ ជាពិសេសនៅរដូវដែលមិនសូវសម្បូរ ។ មនុស្សភាគច្រើនមិនដឹងថា តើត្រូវដាក់បញ្ចូលប៊័រក្នុងរបបអាហារប្រចាំថ្ងៃយ៉ាងម៉េចនោះទេ ។ យ៉ាងណាក៏ដោយ ក្រៅពីទទួលទានទាំងមូល មានវិធីសាស្ត្រច្រើនដែលគេអាចច្នៃបានតាមតម្រូវការនិងចំណង់ចំណូលចិត្ត»។
ដោយឡែក ការសិក្សាមួយរបស់ដានឺម៉ាករកឃើញថា ប៊័រអាចប្រឆាំងនឹងបញ្ហាស៊ាំនឹងថ្នាំអង់ទីប៊ីយ៉ូទិច ។ សមាសធាតុប្រឆាំងអុកស៊ីដកម្មរបស់វា អាចទប់ស្កាត់បាក់តេរីមានពណ៌លឿង ឈ្មោះstaphylococci មិនឱ្យទៅរំលាយប្រសិទ្ធភាពថ្នាំអង់ទីប៊ីយ៉ូទិច(Antibiotics)បាន ។ បាក់តេរីទាំងនេះគឺជាអ្នកបង្កឱ្យមានរោគឆ្លងនៅក្នុងដំបៅដែលកើតពីការវះកាត់ ។ វាអាចបង្កើតជាភាពស៊ាំនៅក្នុងខ្លួនមនុស្សយ៉ាងឆាប់រហ័ស ។
វេជ្ជបណ្ឌិតJes Gitz Holler មកពីសាកលវិទ្យាល័យUniversity of Copenhagenរបស់ដាណឺម៉ាក ដែលបានដឹកនាំធ្វើពិសោធស្រាវជ្រាវនិយាយថា៖«ខ្ញុំបានរកឃើញសារធាតុពីធម្មជាតិមួយនៅក្នុងផ្លែប៊័រ ។ វាមានសកម្មភាពសម្រាប់ការព្យាបាល ។ សមាសធាតុពីធម្មជាតិនេះ មានសក្តានុពលយ៉ាងអស្ចារ្យបំផុត ហើយប្រហែលជាក្នុងរយៈពេលមួយវែងជាងនេះ យើងនឹងអាចបង្កើតបានជាឱសថដ៏មានប្រសិទ្ធភាពមួយប្រភេទដើម្បីប្រឆាំងនឹងបាក់តេរីstaphylococci ។ នៅពេលនេះពុំទាន់មានផលិតផលបែបនេះលើទីផ្សារនៅឡើយទេ» ។
បាក់តេរី staphylococciឬ Staphylococcusដែលមានពណ៌លឿងគឺជាមូលហេតុបង្កដ៏សាមញ្ញបំផុតនៃការឆ្លងមេរោគលើដំបៅដែលកើតក្រោយពីការវះកាត់រួច ។ បាក់តេរីនេះក៏អាចជាមូលហេតុបង្កឱ្យទៅជាជំងឺច្រើនប្រភេទដែលកើតពីរបួសនិងការពុលអាហារផងដែរ ។ ជាងនេះទៅទៀត ជំងឺទាំងនេះសុទ្ធតែអាចធ្វើឱ្យស្លាប់បាន-តួយ៉ាងដូចជា ជំងឺរលាកភ្នាស់ខាងក្នុងរបស់បេះដូង(Endocarditis)និងជំងឺមេរោគឆ្លងរាលដាលក្នុងឈាម(Septicemia)ជាដើម ៕
ចែករំលែកព័តមាននេះ