រាជធានីភ្នំពេញ ៖ ក្រុមចោរប្លន់ប្រដាប់អាវុធបាញ់សម្លាប់មនុស្ស និងបង្ករបួសស្នាម និងក្រុមជួញដូរគ្រឿងញៀន០៦នាក់ បានត្រូវប៉ូលិសខណ្ឌសែនសុខដឹកនាំដោយលោក ម៉ុក ហុង អធិការខណ្ឌបង្ហាញមុខ នៅអធិការដ្ឋានខណ្ឌសែនសុខនាព្រឹកថ្ងៃទី២៥ មករា ២០១៥ ។
បើតាមអ្នកឆ្លើយឆ្លងព័ត៌មានកោះសន្តិភាពបានស្រង់សម្តីសមត្ថកិច្ចឲ្យដឹងថា ក្នុងចំណោមជនសង្គមងងឹតទំាង០៦នាក់នោះមាន០៣នាក់ជាមុខសញ្ញាចោរប្លន់ប្រដាប់អាវុធបាញ់សម្លាប់មនុស្សក្នុងខណ្ឌចំការមន និងមានជ័យ នាពេលកន្លងមក និង០៣នាក់ទៀតជាមុខសញ្ញាជួញដូរគ្រឿងញៀនដ៍សកម្ម ហើយជនទំាង០៦នាក់នេះ ត្រូវបានសមត្ថកិច្ចឃាត់ខ្លួននៅតាមបណ្តោយផ្លូវ២០០៤ ក្នុងភូមិ-សង្កាត់ទឹកថ្លា ខណ្ឌសែនសុខ កាលពីថ្ងៃទី២១ មករា ២០១៥ ។
ជនសង្ស័យជាមុខសញ្ញាចោរប្លន់ប្រដាប់អាវុធទំាង០៣នាក់រួមមាន៖០១-ឈ្មោះ ហាន សុខាន់ ភេទប្រុស អាយុ៣៦ឆ្នាំ ស្នាក់នៅផ្ទះជួល តាមផ្លូវលំ ស្ថិតក្នុងភូមិស្លែងរលើង សង្កាត់ទឹកថ្លា ខណ្ឌសែនសុខ ។ ០២-ឈ្មោះ ទី សុផល ហៅ ទី សុជាតិ ភេទប្រុស អាយុ២៧ឆ្នាំ ស្នាក់នៅផ្ទះជួល ស្ថិតក្នុងភូមិត្នោតជ្រុំ សង្កាត់បឹងទំពុន ខណ្ឌមានជ័យ ។ ០៣-ឈ្មោះ តំាង ផេងថៃ ហៅ ថៃ ភេទប្រុស អាយុ៣៤ឆា្នំ ស្នាក់នៅផ្ទះលេខ៧៩៥ តាមផ្លូវបេតុង សង្កាត់ស្ទឹងមានជ័យ ខណ្ឌមានជ័យ ។
ព័ត៌មានលម្អឹតនឹងមានផ្សាយជូននៅលើសារព័ត៌មានកោះសន្តិភាព ៕
ចែករំលែកព័តមាននេះ