ខេត្តព្រះសីហនុ ៖ យុវជនដៃរពឹសចំនួន៣នាក់ ត្រូវបានកំលាំងសមត្ថកិច្ចមូលដ្ឋានសង្កាត់កោះរ៉ុង ធ្វើការឃាត់ខ្លួននៅចំណុចបឹងហ្គាឡូផារ៉ាដាយ ស្ថិតក្នុងភូមិកោះរ៉ុងសន្លឹម សង្កាត់កោះរ៉ុង ក្រុងព្រះសីហនុ
ខេត្តព្រះសីហនុ ៖ យុវជនដៃរពឹសចំនួន៣នាក់ ត្រូវបានកំលាំងសមត្ថកិច្ចមូលដ្ឋានសង្កាត់កោះរ៉ុង ធ្វើការឃាត់ខ្លួននៅចំណុចបឹងហ្គាឡូផារ៉ាដាយ ស្ថិតក្នុងភូមិកោះរ៉ុងសន្លឹម សង្កាត់កោះរ៉ុង ក្រុងព្រះសីហនុ ម៉ោង១៥ និង៤៥នាទី ថ្ងៃទី២១ ខែធ្នូ ឆ្នាំ២០១៤ បន្ទាប់ពីយុវជនទាំង៣នាក់ លួចចូលក្នុងបន្ទប់របស់ជនបរទេសដែលជាភ្ញៀវទេសចរចាក់សោចោលដើរកម្សាន្តតាមឆ្នេរ ។
លោកវរៈសេនីយ៏ត្រី ភុល ភ័ស្តា អធិការនគរបាលក្រុងព្រះសីហនុ បានបញ្ជាក់អោយដឹងថា ដោយអនុវត្តទៅតាមគោលនយោបាយភូមិ ឃុំ មានសុវត្តិភាព នៅគ្រប់មូលដ្ឋាន នាល្ងាចថ្ងៃទី២១ ខែធ្នូ ឆ្នាំ២០១៤ នៅលើដែនដីកោះ កំលាំងរបស់លោក បានធ្វើការឃាត់ខ្លួនភ្លាមៗ បន្ទាប់ពីយុវជនចំនួន៣នាក់ ធ្វើសកម្មភាពចូលលួចសម្ភារជនបរទេស ខណៈពេលជនបរទេសម្ចាស់សម្ភារៈចេញទៅដើរកម្សាន្តនៅតាមឆ្នេរ ។
បច្ចុប្បន្នយុវជនសង្ស័យទាំង៣កំពុងត្រូវបានកសាងសំណុំរឿងបញ្ជូនខ្លួនទៅកាន់ស្នងការដ្ឋាននគរបាលខេត្ត ដើម្បីចាត់ការបន្តតាមនិតិវិធីច្បាប់ ឯសម្ភារនឹងប្រគល់ជូនជនរងគ្រោះវិញនៅល្ងាចថ្ងៃទី២២ ខែធ្នូ ខណៈពេលជនបរទេសជាជនរងគ្រោះត្រឡប់មកពីដើរកម្សាន្តវិញ ៕
ចែករំលែកព័តមាននេះ