រាជធានីភ្នំពេញ ៖ គណៈបញ្ជាការឯកភាពខណ្ឌសែនសុខ ដែលមានលោក លី សាវ៉េត ជាប្រធាន បានដឹកនំាកម្លំាងចុះបង្រ្កាបនិងឃាត់ខ្លួនមនុស្សប្រុស០៣នាក់ ពាក់ព័ន្ឋនឹងការប្រើបា្រស់គ្រឿងញៀន ។
ប្រតិបត្តិការនេះ បានបើកធ្វើនៅម៉ោង៣និង៤៥នាទីរសៀលថ្ងៃទី០៩ ធ្នូ ២០១៤ នៅក្នុងភូមិត្រពំាងឈូក សង្កាត់ទឹកថ្លា ។
បើតាមអ្នកឆ្លើយឆ្លងព័ត៌មានកោះសន្តិភាពបានស្រង់សម្តីសមត្ថកិច្ចឲ្យដឹងថា ជនសង្ស័យទំាង០៣នាក់ដែលឃាត់ខ្លួនរួមមាន ៖០១-ឈ្មោះ ម៉ម សុផាន់ណា អាយុ២០ឆ្នំា ស្នាក់នៅក្នុងខណ្ឌពោធិសែនជ័យ ,០២-ឈ្មោះ ធន់ សារិទ្ឋ អាយុ២៤ឆ្នាំ ស្នាក់នៅក្នុងខេត្តកំពង់ស្ពឺ និងទី០៣-ឈ្មោះ សុខ ឌឿន អាយុ២៣ឆ្នាំ ស្នាក់នៅខេត្តកំពង់ស្ពឺ ។
បើតាមក្រុមអ្នកភូមិបានឲ្យដឹងថា បច្ចុប្បន្នទីតំាងខាងលើ គេសង្កេតឃើញមានក្រុមអ្នកប្រើបា្រស់គ្រឿងញៀនជាច្រើន ហើយថាពីមុនពួកគេ (អ្នកប្រើប្រាស់គ្រឿងញៀន) បានធ្វើសកម្មភាពជក់និងប្រើបា្រស់នៅពេលយប់ ប៉ុន្តែមួយរយៈពេលចុងក្រោយនេះ ក្រុមអ្នកចែកចាយនិងប្រើប្រាស់គ្រឿងញៀន បានធ្វើសកម្មភាពទំាងថ្ងៃតែម្តង ធ្វើឲ្យប្រជាពលរដ្ឋមានការភ័យខ្លាចនិងព្រួយបារម្ភយ៉ាងខ្លំាងពីសុវត្ថិភាព ។
សេចក្តីរាយការណ៍បានបន្តថា បច្ចុប្បន្ន យុវជនទំាង៣នាក់ខាងលើ និង ថ្នំាញៀនដែលដកហូតបានមួយចំនួនទៀត ត្រូវបានបញ្ជូនទៅអធិការដ្ឋាននគរបាលខណ្ឌសែនសុខ ដើម្បីរង់ចំាចាត់ការតាមនីតិវិធីបន្តទៀត ។
ចែករំលែកព័តមាននេះ