បឺត ខាំ ប្រកួតជាមួយម៉ី សុភាព នៅសង្វៀនប៉ុសិ៍្ដលេខ៥ ថ្ងៃ២០ មិថុនា
ដោយ ៖ អប្សរា
ថ្ងៃព្រហស្បត្ត៏ ទី១៧ ខែមិថុនា ឆ្នាំ២០១០ ម៉ោង ១០:៥៨
ខេត្ដកណ្ដាល ៖ បឺត ខាំ អ្នកប្រដាល់ មកពីក្លឹបសាលវ័ន្ដកីឡា ត្រូវបានផ្គូផ្គងឱ្យ ជួបប្រកួតជាមួយម៉ី សុភាព មកពីក្លឹបព្រះខ័ន រាជ្យ នៅសង្វៀនស្ថានីយទូរទស្សន៍ប៉ុស្ដិ៍លេខ ៥ នារសៀលថ្ងៃអាទិត្យទី២០ មិថុនា ឆ្នាំ ២០១០ ។ បឺត ខាំ និងម៉ី សុភាព ប្រកួតគ្នា ក្នុងប្រភេទទំងន់៦៨គីឡូក្រាម ដែលតាំងពី ដើមមកអ្នកទាំង២មិនធ្លាប់មានប្រវត្ដិប្រកួត គ្នាទេ ។ បឺត ខាំ ជាជើងខ្លាំងពោរពេញ ទៅដោយបទពិសោធន៍និងបច្ចេកទេសពេញ ខ្លួនដែលបច្ចុប្បន្នពិបាកស្វែងរកដៃគូបំផុត ។ អ្នកណាដែលហ៊ានប្រកួតជាមួយ បឺត ខាំ ចុង ក្រោយមិនដែលទទួលសំណាងល្អទេ ព្រោះ អ្នកប្រដាល់រូបនេះចេះប្រើគ្រប់ស្នៀត ទាំងអស់ ទាំងការទាត់ ដាល់ ជង្គង់ ឬកែង ជាដើម ។
ចំណែកម៉ី សុភាពវិញក៏មិនធម្មតាដែរ ថ្វីដ្បិតអ្នកប្រដាល់រូបនេះមិនសូវឆ្លាត ការ ប្រកួតច្រើនតែវាយចេញត្រង់ៗមិនមាន ល្បិច ប៉ុន្ដែគេជាអ្នកប្រដាល់ដែលលំបាកផ្ដួល បំផុត ។ សុភាពយឺត តែខ្លាំងនិងរឹងមាំ មិន ងាយទន់ជ្រាយទេ ប្រកួតចុងក្រោយកាលពី ថ្ងៃទី១ ឧសភា កន្លងមក ម៉ី សុភាព បាន បំបាក់ទូច រាជសីហ៍ មកពីក្លឹបរស្មីកុមារកំព្រា ឱ្យសន្លប់ក្នុងទឹកទី៣ ។ ទោះជាយ៉ាងណា រវាងបឺត ខាំ និងម៉ី សុភាព គេមានជំនឿ លើបឺត ខាំច្រើនជាង តែក៏មិនត្រូវមើល ស្រាលម៉ី សុភាពពេកដែរ។ផាវ ភឿក មកពីក្លឹបកងពលធំអន្ដរា គមន៍លេខ៣ខេត្ដព្រះវិហារ ត្រូវប្រកួតជា មួយសារឹម វ៉ាន់ថន មកពីក្លឹបក្រសួងការពារ ជាតិ ។
រវាងផាវ ភឿក និងវ៉ាន់ថន ទោះបី ពួកគេជាអ្នកប្រដាល់ចាស់វស្សា ធ្លាប់ឡើង ប្រកួតស្ទើរសឹកសង្វៀន ប៉ុន្ដែមិនធ្លាប់ជួប ប្រកួតគ្នាពីមុនមកទេ ។ ពួកគេជាអ្នក ប្រដាល់ដែលមានឈ្មោះបោះសម្លេងល្អគ្រាន់ បើកាលពីអតីតកាល ហើយមកដល់បច្ចុប្បន្ន ពួកគេនៅតែខ្លាំងដដែល ។ ប្រកួតចុង ក្រោយកាលពីថ្ងៃទី២៣ ឧសភាកន្លងមក ផាវ ភឿក បានយកឈ្នះពិន្ទុ ពេជ្រ សុផាន់ មកពីក្លឹបក្រសួងការពារជាតិ ចំណែកសារឹម វ៉ាន់ថន កាលពីថ្ងៃទី២១ ឧសភា គេបាន បំបាក់ចាន់ រះ មកពីក្លឹបកងទ័ពជើងទឹកឱ្យ ចុះចាញ់ត្រឹមទឹកទីី៣ ។ នៅពេលឃើញ ផាវ ភឿក ប្រកួតឈ្នះពិន្ទុ ពេជ្រ សុផាន់ ជាមិត្ដ រួមក្លឹប សារឹម វ៉ាន់ថន មានអារម្មណ៍មិន ស្រួលទេ ហើយរកឱកាសសងសឹកជំនួស ពេជ្រ សុផាន់ ។ ពេលនេះឱកាសដែលគេ ចង់បានគឺមានហើយ ប៉ុន្ដែមិនប្រាកដថា បាន សំរេចដូចបំណងទេ ព្រោះផាវ ភឿក មិន សុខចិត្ដចាញ់វ៉ាន់ថនដោយងាយឡើយ ។
ភី សុភ័ក្ដ្រ មកពីក្លឹបសិង្ហកីឡា ត្រូវ ប្រកួតជាមួយឡុង សុផាត មកពីក្លឹបសាល វ័ន្ដកីឡា ។ អ្នប្រដាល់ទាំង២រូបនេះ ក៏សុទ្ធ តែជាជើងចាស់ដែរ ប៉ុន្ដែមិនសូវមានឈ្មោះ ល្បីប៉ុន្មានទេ ។ ភី សុភ័ក្ដ្រ កណ្ដាប់ដៃល្អ ចំណែក ឡុង សុផាត ល្អជង្គង់ ចំណែកស្នៀត ផ្សេងៗទៀតពួកគេក៏ប្រើការបានដែរ ប៉ុន្ដែ មិនសូវចំណាប់ទេ ។ គូនេះគ្មាននរណាហ៊ាន ទស្សន៍ទាយលទ្ធផលទុកជាមុនឡើយ ព្រោះ ពួកគេមានសមត្ថភាពប្រហាក់ប្រហែលគ្នា។ គឹម ចាន់ធឿន មកពីក្លឹបខេមរកីឡា ប្រកួតជាមួយសន វីរៈ មកពីក្លឹបកងពលធំ អន្ដរាគមន៍លេខ៣ខេត្ដព្រះវិហារ ។ រីឯអ្នក ប្រដាល់ស្រករក្រោយកន តុលា មកពីក្លឹប បុរីមានឫទ្ធិ ត្រូវប្រកួតជាមួយខេន សុផុន មកពីក្លឹបឫទ្ធិស័ក្ដិកីឡា ។ ចំពោះការប្រកួត ជាលក្ខណៈសាកល វ៉ែន ឌីយ៉ាម៉ង់ មកពីក្លឹប កងរាជអាវុធហត្ថរាជធានីភ្នំពេញ ត្រូវ ប្រកួតជាមួយហង្ស រ៉ាម៉ន មកពីក្លឹបយុវជន អង្គរ ៕
