ខេត្តបន្ទាយមានជ័យ ៖ បុរសម្នាក់អះអាងថាខ្លួនត្រូវជនសង្ស័យម្នាក់ក្នុងចំណោម២នាក់វាយនិងដុំថ្មប៉ុនប៉ងប្លន់យកម៉ូតូប៉ុន្តែប៉ះចំមួកសុវត្ថិភាពពេលហៅគេឯងជួយនិងស្រែកថាចោរៗ ជនសង្ស័យគេចបាត់ស្រមោលបង្កការភ្ញាក់ផ្អើលទាំងយប់កាលពីវេលាម៉ោងជាង៩ថ្ងៃទី២២ ខែវិច្ឆិកា ឆ្នាំ២០១៤ នៅភូមិអូរជ្រៅ សង្កាត់និង
ខេត្តបន្ទាយមានជ័យ ៖ បុរសម្នាក់អះអាងថាខ្លួនត្រូវជនសង្ស័យម្នាក់ក្នុងចំណោម២នាក់វាយនិងដុំថ្មប៉ុនប៉ងប្លន់យកម៉ូតូប៉ុន្តែប៉ះចំមួកសុវត្ថិភាពពេលហៅគេឯងជួយនិងស្រែកថាចោរៗ ជនសង្ស័យគេចបាត់ស្រមោលបង្កការភ្ញាក់ផ្អើលទាំងយប់កាលពីវេលាម៉ោងជាង៩ថ្ងៃទី២២ ខែវិច្ឆិកា ឆ្នាំ២០១៤ នៅភូមិអូរជ្រៅ សង្កាត់និងក្រុងប៉ោយប៉ែត ។
បុរសម្នាក់ដែលប៊ិះក្លាយជាជនរងគ្រោះ ឈ្មោះ វ៉ន សុផា ភេទប្រុស អាយុ៣២ឆ្នាំ ជាអ្នករត់ម៉ូតូឌុបបានបើកម៉ូតូម៉ាកហុងដាឌ្រីមសេ១២៥ ពណ៌ខ្មៅ ស៊េរីឆ្នាំ២០១៤ ពាក់ស្លាកលេខបន្ទាយមានជ័យ១K.១៧៩៦ មានទីលំនៅក្នុងភូមិកើតហេតុនិងចំណុចកើតហេតុផងដែរ។
តាមការរៀបរាប់ពីជនរងគ្រោះប្រាប់ថាមុនហេតុការណ៍កើតឡើងមានបុរសម្នាក់អាយុប្រហែលជាង២០ឆ្នាំបានហៅឲ្យខ្លួនដឹកពីច្រកទ្វារអន្តរជាតិប៉ោយប៉ែត លុះដល់ចំណុចកើតហេតុស្រាប់តែជននោះមានដុំថ្មមួយដុំនៅនិងដៃប្រាប់ឲ្យគាត់ឈប់ម៉ូតូបន្ទាប់មកគេធ្វើសកម្មភាពយកដុំថ្មនោះវាយចំណុចក្បាលតែចៃដន្យមានមួកសុវត្ថិភាពមិនបង្កឲ្យគ្រោះថ្នាក់ទេ ហើយស្របពេលគ្នានេះជនសង្ស័យក៍មានគ្នាគេម្នាក់ទៀតឈររងចាំជួយវាយបន្ថែមទៀត ។ ជនរងគ្រោះបន្តថាចៃដន្យកន្លែងកើតហេតុចំក្បែរផ្ទះស្រេចក៍រត់ចូលផ្ទះនិងស្រែកថាចោរៗធ្វើឲ្យក្រុមជនសង្ស័យក្នុងអំពើប្លន់នេះរត់គេចបាត់ស្រមោល ។
ក្រោយកើតហេតុគេឃើញសមត្ថកិច្ចនគរបាលរដ្ឋបាល នគរបាលការពារព្រំដែនគោក និងអាវុធហត្ថបានចុះដល់កន្លែងកើតហេតុដើម្បីសាកសួរជនរងគ្រោះដើម្បីឈានទៅបើកការស្រាវជ្រាវរកមុខសញ្ញាជនសង្ស័យ។
គួរបញ្ជាក់ថាប៉ុន្មានខែចុងក្រោយនេះអំពើរចោរកម្មកាច់សោរម៉ូតូ,លួច,ឆក់,ប្លន់និងដាក់ថ្នាំយកទ្រព្យសម្បត្តិប្រជាពលរដ្ឋបានកើតមានជាបន្តបន្ទាប់នៅក្នុងក្រុងប៉ោយប៉ែតដែលការកើតមានអំពើរចោរកម្មនេះត្រូវបានអ្នកស្រុកលើកឡើងថាដោយសារល្បែងស៊ីសងកើតមានរីកដូចផ្សិតគ្មានការបង្រ្កាបពីសមត្ថកិច្ចដូចជាល្បែងភ្នាល់បញ្ជល់មាន់បង្កប់ដោយអាប៉ោងបៀ និងយូគីស្ទូចនៅក្នុងបរិវេណកាស៊ីណូហ្គោលដឹនខ្រោន,ល្បែងចាក់ភ្នាល់បាល់តាមប្រព័ន្ធអនឡាញនិងអ៊ិនធ័រណែតជាច្រើនកន្លែង រួមនិងល្បែងកន្ទុយលេខដែលមានមេដុះស្លែ២នាក់ក្នុងភូមិក្បាលកោះខាងលិច អតីតភោជនីយដ្ឋានថៃ អ៊ូ ជាដើម។
ចែករំលែកព័តមាននេះ