រាជធានីភ្នំពេញ ៖ បក្ខពួកក្រុមមុខសញ្ញាធ្វើសកម្មភាពឆក់ និងប្រើដាវសាំម៉ូរ៉ៃប្លន់ពេលយប់នៅក្នុងរាជធានីភ្នំពេញម្នាក់ទៀតហើយត្រូវបានកម្លាំងនគរបាលខណ្ឌចំការមន ធ្វើស្រាវជ្រាវ និងឃាត់ខ្លួនបានកាលពីវេលាម៉ោង៣ ទាបភ្លឺថ្ងៃទី ២៧ តុលា ២០១៤ នៅចំណុចសង្កាត់ផ្សារដើមថ្កូវ ខណ្ឌចំការមន បន្ទាប់ពីថ្ងៃម្សិលមិញ
រាជធានីភ្នំពេញ ៖ បក្ខពួកក្រុមមុខសញ្ញាធ្វើសកម្មភាពឆក់ និងប្រើដាវសាំម៉ូរ៉ៃប្លន់ពេលយប់នៅក្នុងរាជធានីភ្នំពេញម្នាក់ទៀតហើយត្រូវបានកម្លាំងនគរបាលខណ្ឌចំការមន ធ្វើស្រាវជ្រាវ និងឃាត់ខ្លួនបានកាលពីវេលាម៉ោង៣ ទៀបភ្លឺថ្ងៃទី ២៧ តុលា ២០១៤ នៅចំណុចសង្កាត់ផ្សារដើមថ្កូវ ខណ្ឌចំការមន បន្ទាប់ពីថ្ងៃម្សិលមិញកម្លាំងនគរបាលចាប់បានបក្ខក្រុមនេះបាន៣នាក់ ។
ជនសង្ស័យទី១.ឈ្មោះ កៅ ភារុណ ភេទប្រុស អាយុ១៨ឆ្នាំ ,ទី២.ឈ្មោះ រស់ សុផល ភេទប្រុស អាយុ១៧ឆ្នាំ ទី៣.ឈ្មោះ ហេង ពន្លឺ ភេទប្រុស អាយុ២០ឆ្នាំ និងទី៤.ឈ្មោះ អ៊ួង ណារិទ្ធ ភេទប្រុស អាយុ១៨ឆ្នាំ ។ ជនសង្ស័យទាំង៤នាក់មានទីលំនៅមិនពិតប្រាកដ ។ នគរបាលខណ្ឌចំការមន បានឱ្យដឹងថាក្រុមជនសង្ស័យខាងលើនេះនៅមានបក្ខពួកជាច្រើននាក់ទៀត ហើយពេលនេះកម្លាំងនគរបាលកំពុងតែស្រាវជ្រាវតាមចាប់ខ្លួនជនសង្ស័យដែលនៅសេសសល់ទាំងអស់នោះយកមកផ្តន្ទាទោសតាមផ្លូវច្បាប់ ។
គួរបញ្ជាក់ផងដែរថា មុខសញ្ញាចោរឆក់ និងប្លន់ម៉ូតូពេលយប់ចំនួន៣នាក់ជិះម៉ូតូមួយគ្រឿងម៉ាកនិច ពណ៌ស ពាក់ស្លាកលេខភ្នំពេញ១CQ1131 ត្រូវកម្លាំងសមត្ថកិច្ចល្បាតក្នុងមូលដ្ឋានប្រទះឃើញមានការសង្ស័យ ដេញចាប់បានកាលពីវេលាម៉ោង៩ព្រឹក ថ្ងៃទី២៦ តុលា ២០១៤ ខណៈពួកគេជិះម៉ូតូគេចពីការតាមចាប់ទៅបុករថយន្តមួយគ្រឿងទៀត បណ្តាលឱ្យដួលនៅចំណុចផ្លូវ៣៦០កែង៥១ ស្ថិតក្នុងសង្កាត់បឹងកេងកង១ ខណ្ឌចំការមន។
ចែករំលែកព័តមាននេះ