រាជធានីភ្នំពេញ ៖ ជនសង្ស័យពីរនាក់ ជិះម៉ូតូមកធ្វើសកម្មភាពឆក់យកខ្សែ.ក ប្លាទីនមួយខ្សែពីក្មេងស្រីវ័យជំទង់ម្នាក់កំពុងជិះកង់មកពីរៀនបានសម្រច រួចជិះម៉ូតូគេចខ្លួនតែប្រជាពលរដ្ឋឃើញទាន់ក៏ជិះម៉ូតូដេញតាមពីក្រោយដោយភ័យខ្លាចប្រជាពលរដ្ឋតាមទាន់ ក្រុមជនសង្ស័យបាន ប្លុងម៉ូតូទុកចោល រួចរត់គេចខ្លួនបាត់ស្រមោល ។ ហេតុការណ៍នេះកើតឡើងកាលពីវេលាម៉ោង ៦ និង៤០នាទី នៅចំណុចសួនកុមារពោធិ៍ចិនតុង តាមផ្លូវបេតុង ស្ថិតក្នុងភូមិតាងួន សង្កាត់កាកាប ខណ្ឌពោធិ៍សែនជ័យ ។
ប្រភពព័ត៌មានពីកន្លែងកើតហេតុបានឱ្យដឹងថា នៅមុនពេលកើតហេតុ គេឃើញក្មេងស្រីអាយុ១៦ឆ្នាំ ម្នាក់បានជិះកង់ចេញពីរៀននៅសាលាឯកជន ដោយធ្វើដំណើរតាមផ្លូវបេតុង តែម្នាក់ឯងក្នុងទិសដៅពីកើត ទៅ លិច ខណៈមកដល់ចំណុចកើតហេតុ ក៏មានជនសង្ស័យពីរនាក់ជិះម៉ូតូសង់កូរ៉េ មួយគ្រឿងមកក្បែរ ហើយជនសង្ស័យដែលជិះពីក្រោយបានបានលូកដៃឆក់យកខ្សែ.ក ពីក្មេងស្រីរងគ្រោះបានសម្រេច ក៏នាំគ្នាជិះម៉ូតូគេច ខ្លួន ។ តែជាចៃដន្យប្រជាពលរដ្ឋឃើញទាន់ ក៏បានជិះម៉ូតូដេញពីក្រោយជសង្ស័យទាំងពីរនាក់នោះ ធ្វើឱ្យជនសង្ស័យភ័យ ក៏បានឈប់ម៉ូតូចតចោល នៅក្រោយផ្ទះប្រជាពលរដ្ឋ នៅក្នុងភូមិប៉ប្រ៉កខាងជើង សង្កាត់កាប រួចរត់គេចខ្លួនបាត់ស្រមោល ។
ក្រោយពេលកើតហេតុក្មេងស្រីរងគ្រោះបានមកដាក់ពាក្យបណ្តឹងនៅប៉ុស្តិ៍នគរបាលរដ្ឋបាលកាកាប ហើយក៏ជិះកង់ត្រឡប់ទៅផ្ទះវិញតែម្តង ។
ចែករំលែកព័តមាននេះ