ខេត្តបន្ទាយមានជ័យ ៖ នគរបាលខេត្តបាត់ដំបង សហការជាមួយនគរបាលក្រុងប៉ោយប៉ែត ឃាត់ខ្លួនជនសង្ស័យករណីឃាតកម្មម្នាក់ នៅវេលាម៉ោងជាង៥ល្ងាច ថ្ងៃទី៣០ កញ្ញា ២០១៤ ចំណុចផ្សាររ៉ា ក្នុងភូមិប៉ោយប៉ែត សង្កាត់និងក្រុងប៉ោយប៉ែត ខណៈប្រុងឆ្លងដែនទៅទឹកដីថៃ បន្ទាប់ពីជនសង្ស័យសម្លាប់បុរសម្នាក់ដោយកាំបិតខ្វែវនៅស្រុកមោងឬស្សី ខេត្តបាត់ដំបង កាលពីឆ្នាំ២០០៦ ។
ជនសង្ស័យដែលសមត្ថកិច្ចធ្វើការឃាត់ខ្លួនឈ្មោះ ចក់ កំសត់ ហៅអុលវ៉ាត មានទីលំនៅផ្ទះលេខ.៣៣១ (ខ) ផ្លូវទន្លេសាប ភូមិព្រែករាំង សង្កាត់ព្រែកតាសេក រាជធានីភ្នំពេញ ។ តាមលោក អ៊ុំ សុផល អធិការនគរបាលក្រុងប៉ោយប៉ែត ប្រាប់តាមទូរស័ព្ទថា ការឃាត់ខ្លួនជនសង្ស័យនេះ ធ្វើឡើងតាមដីកាបង្គាប់ឲ្យចាប់ខ្លួនរបស់ចៅក្រមស៊ើបសួរនៃសាលាដំបូងខេត្តបាត់ដំបង ដោយជនសង្ស័យជាប់ពាក់ព័ន្ធករណីឃាតកម្មគិតទុកជាមុនប្រព្រឹត្តិកាលពីថ្ងៃទី១៧ ខែឧសភា ឆ្នាំ២០០៦ នៅភូមិរាមគន់ ឃុំគារ ស្រុកម៉ោងឬស្សី ខេត្តបាត់ដំបង ។
ព័ត៌មានលម្អិតនឹងមានផ្សាយជូននៅលើទំព័រកាសែតកោះសន្តិភាព
ចែករំលែកព័តមាននេះ