រាជធានីភ្នំពេញ ៖ បុរសជនបរទេសស្បែកសម្នាក់ អាយុប្រហែលជាង២០ឆ្នាំ ក្នុងសម្លៀកបំពាក់ស្អាតបាតទំនងដូចជាអ្នកកីឡា បានព្យាយាមរត់ចូលទៅក្នុងបរិវេណវិមានរដ្ឋសភាម្តងហើយម្តងទៀត តែត្រូវកម្លាំងសមត្ថកិច្ចយាមនៅទីនោះចាប់ឃាត់ ហើយបណ្តើរចេញមកវិញ កាលពីវេលាម៉ោង៣និង៤០នាទីរសៀល ថ្ងៃទី៨ កញ្ញា នៅតូបយាមមុខវិមានរដ្ឋសភា ស្ថិតក្នុងសង្កាត់ទន្លេបាសាក់ ខណ្ឌចំការមន ។
រាជធានីភ្នំពេញ ៖ បុរសជនបរទេសស្បែកសម្នាក់ អាយុប្រហែលជាង២០ឆ្នាំ ក្នុងសម្លៀកបំពាក់ស្អាតបាតទំនងដូចជាអ្នកកីឡា បានព្យាយាមរត់ចូលទៅក្នុងបរិវេណវិមានរដ្ឋសភាម្តងហើយម្តងទៀត តែត្រូវកម្លាំងសមត្ថកិច្ចយាមនៅទីនោះចាប់ឃាត់ ហើយបណ្តើរចេញមកវិញ កាលពីវេលាម៉ោង៣និង៤០នាទីរសៀល ថ្ងៃទី៨ កញ្ញា នៅតូបយាមមុខវិមានរដ្ឋសភា ស្ថិតក្នុងសង្កាត់ទន្លេបាសាក់ ខណ្ឌចំការមន ។
តាមប្រភពព័ត៌មានពីបុរសម្នាក់ដែលបានឃើញហេតុការណ៍ឱ្យដឹងថា បុរសជនបរទេសម្នាក់នេះ បានដើរតាមបណ្តោយផ្លូវខាងមុខវិមានរដ្ឋសភាពីជើងទៅត្បូង លុះមកដល់ខ្លោងទ្វារ ក៏ដើរចូលទៅក្នុង ហើយត្រូវអ្នកយាមនៅទីនោះដេញចាប់ជាប់នាំចេញមកក្រៅវិញ។ ប្រភពដដែលបានបន្តទៀតថា ពេលសមត្ថកិច្ចចាប់នាំមកក្រៅហើយ ក៏ដោះលែងទៅវិញ ស្រាប់តែជនបរទេសរូបនោះរត់ចូលទៅក្នុងបណ្ណាគារសន្តិភាពម្តង ដែលស្ថិតនៅទល់មុខវិមានរដ្ឋសភានោះ ហើយក៏ត្រូវបុគ្គលិកបណ្ណាគារនាំគ្នាបណ្តេញចេញមកវិញដែរ ។ ភ្លាមនោះ ជនបរទេសរូបនេះបានរត់ត្រឡប់មកចូលក្នុងវិមានរដ្ឋសភាម្តងទៀត តែត្រូវសមត្ថកិច្ចយាមរារាំងមិនឱ្យចូល និងចាប់ដៃអូសចេញប្រាប់ឱ្យទៅឱ្យឆ្ងាយ ទើបបុរសនោះដើរចេញពីមុខវិមានរដ្ឋសភាទៅបាត់ទៅ ។
បុរសជនជាតិស្បែកសម្នាក់នេះ ពុំមានអ្នកណាម្នាក់ដឹងថាជាជនជាតិអ្វី និងមានឈ្មោះអ្វីទេ តែបើមើលតាមឥរិយាបថដែលប្រព្រឹត្តនេះ គេសន្និដ្ឋានថា ប្រហែលជាមានសតិមិនប្រក្រតីហើយមើលទៅ ៕
ចែករំលែកព័តមាននេះ