រាជធានីភ្នំពេញ ៖ សាកសពក្មេងប្រុសម្នាក់បានត្រូវអ្នកភូមិប្រទះឃើញអណ្តែតទឹករណ្តៅដីមួយកន្លែង ។
ហេតុការណ៍នេះ បានបង្កឲ្យមានការភ្ញាក់ផ្អើលនៅម៉ោង៩និង២០នាទីព្រឹកថ្ងៃទី២៥ សីហា ២០១៤ នៅចំណុចភូមិត្រីកី(ខ) សង្កាត់ពងទឹក ខណ្ឌដង្កោ ។
បើតាមអ្នកឆ្លើយឆ្លងព័ត៌មានកោះសន្តិភាពបានស្រង់សម្តីសមត្ថកិច្ចមូលដ្ឋានឲ្យដឹងថា ក្មេងប្រុសរងគ្រោះឈ្មោះ ទិត្យ ឆ្អឹង អាយុ១២ឆ្នាំ រស់នៅជាមួយតាយាយក្នុងភូមិទួលកី សង្កាត់ភ្លើងឆេះរទេះ ខណ្ឌដង្កោ ។
បើតាមក្រុមគ្រួសារបានបញ្ជាក់ឲ្យដឹងថា ក្មេងប្រុសខាងលើបានបាត់ពីផ្ទះតំាងពីម៉ោងប្រមាណ៣រសៀលថ្ងៃទី២៤ សីហា មិនដឹងទៅទីណា លុះព្រឹកឡើងក៍ត្រូវបានកសិករម្នាក់ចុះទៅលាងដៃជើងនៅរណ្តៅដីខាងលើ ប្រទះឃើញស្លាប់អណ្តែតទឹកបង្កការភ្ញាក់ផ្អើលតែម្តង ។
សមត្ថកិច្ចសន្និដ្ឋានជំហានដំបូងថា ក្មេងប្រុសនេះស្លាប់អាចបណ្តាលមកពីលង់ទឹក ។
ព័ត៌មានលម្អិតនឹងមានផ្សាយជូននៅលើសារព័ត៌មានកោះសន្តិភាព ៕
ចែករំលែកព័តមាននេះ