ខេត្តត្បូងឃ្មុំ ៖ ក្រុមចោរលួចជ័រកៅស៊ូចំនួន២នាក់ ប្រដាប់ដោយពូថៅ បានកា.ប់ប្រហារឆ្មាំការពារកៅស៊ូម្នាក់ឈ្មោះ ស៊ាង សុខា ភេទប្រុស អាយុ៤៤ឆ្នាំ នៅភូមិសួងលិច សង្កាត់សួង ក្រុងសួង ។ ហេតុការណ៍សម្លា.ប់ដ៏សាហា.វនេះ បានកើតឡើងកាលពីវេលាម៉ោង៧និង៤០នាទីយប់ ថ្ងៃទី២១ សីហា នៅត្រង់ចំណុចឡូត៍កៅស៊ូលេខ៧១៣ ភូមិ៦១៦ ឃុំគ ស្រុកត្បូងឃ្មុំ
ខេត្តត្បូងឃ្មុំ ៖ ក្រុមចោរលួចជ័រកៅស៊ូចំនួន២នាក់ ប្រដាប់ដោយពូថៅ បានកាប់ប្រហារឆ្មាំការពារកៅស៊ូម្នាក់ឈ្មោះ ស៊ាង សុខា ភេទប្រុស អាយុ៤៤ឆ្នាំ នៅភូមិសួងលិច សង្កាត់សួង ក្រុងសួង ។ ហេតុការណ៍សម្លាប់ដ៏សាហាវនេះ បានកើតឡើងកាលពីវេលាម៉ោង៧និង៤០នាទីយប់ ថ្ងៃទី២១ សីហា នៅត្រង់ចំណុចឡូត៍កៅស៊ូលេខ៧១៣ ភូមិ៦១៦ ឃុំគ ស្រុកត្បូងឃ្មុំ ខណៈឆ្មាំរូបនេះយាមឱ្យក្រុមហ៊ុន សុភ័ក្រ នីកា មានមូលដ្ឋាននៅឃុំជប់ ។
លោកអនុសេនីយ៍ឯក ឡុង សារិន អធិការរងនគរបាលស្រុកត្បូងឃុំ ទទួលផែនព្រហ្មទណ្ឌ បានឱ្យដឹងថា ស្ទើរតែរាល់យប់ ក្រុមចោរតែងតែធ្វើសកម្មភាពដើរលួចជ័រ កៅស៊ូនៅតាមឡូត៍កៅស៊ូ ពីកន្លែងមួយទៅកន្លែងមួយ ធ្វើឱ្យមានការបាត់បង់ជ័រកៅស៊ូជាច្រើន ។ ដោយសារមូលហេតុនេះហើយ ទើបនាយកក្រុមហ៊ុនដាក់ឆ្មាំឱ្យយាមប្រចាំការទាំងយប់ទាំងថ្ងៃ តាមទីតាំងសំខាន់ៗ ដើម្បីការពារក្រែងមានចោរលួច ។ លោកអធិការរងបន្តថា នៅយប់ថ្ងៃទី២១ សីហា ឆ្មាំការពារចម្ការកៅស៊ូចំនួន២នាក់ គឺឈ្មោះ ស៊ាង សុខា និងឈ្មោះ លី សុខា អាយុ៣៤ឆ្នាំ បានយាមប្រចាំការនៅក្នុងឡូត៍កៅស៊ូលេខ៧១៣ ដោយចងអង្រឹងដេកនៅមុខរោងទាំង២នាក់ ។
លុះនៅម៉ោងប្រមាណ៧និង៤០នាទីយប់ ស្រាប់តែមានចោរ២នាក់ប្រដាប់ដោយពូថៅក្នុងដៃ បានមកលបកាប់ប្រហារឆ្មាំម្នាក់ឈ្មោះ ស៊ាង សុខា ត្រូវក្បាលជាច្រើនពូថៅ និងច្របាច់កទៀតរហូតលៀនអណ្តាត ស្លាប់ក្នុងថ្លុកឈាម រួចហើយពួកជនដៃដល់ទាំងនោះរត់គេចបាត់អស់ទៅ ។ ឯឆ្មាំម្នាក់ទៀតដែលមិនបានត្រូវរបួស ភ័យភ្នែកនៅកញ្ចឹង.ក និងខំតាមសម្លឹងរកមើលដែរ តែមិនច្បាស់ថាជាអ្នកណាទេ ព្រោះយប់មើលឃើញស្ទុងៗ ។
លោកអនុសេនីយ៍ឯក ឡុង សារិន បញ្ជាក់ថា លោកឧត្តមសេនីយ៍ត្រី ម៉ៅ ពៅ ស្នងការនគរបាលខេត្ត បានចាត់ឱ្យមន្ត្រីជំនាញស្រុកចុះសហការជាមួយនឹងមន្ត្រីជំនាញខេត្ត ហើយមកដល់ព្រឹកថ្ងៃទី២២ សីហា ក្រុមជនសង្ស័យត្រូវសមត្ថកិច្ចកំណត់អត្តសញ្ញាណបាន និងកំពុងតាមចាប់ខ្លួន ដើម្បីយកមកផ្តន្ទាទោសតាមច្បាប់ ៕
ចែករំលែកព័តមាននេះ