រាជធានីភ្នំពេញ ៖ បុរសម្នាក់ត្រូវជនសង្ស័យពីរនាក់ធ្វើសកម្មភាពដកកាំភ្លើងភ្ជង់ប្លន់កណ្តាលផ្លូវយកបានម៉ូតូម៉ាក CBR ធុនធំ មួយគ្រឿងជិះគេចខ្លួនដោយសុវត្ថភាព។ ហេតុការណ៍នេះកើតឡើងកាលពីវេលាម៉ោង ៧ និង៣០នាទី យប់ថ្ងៃទី ២៤ កក្កដា ២០១៤ នៅចំណុចផ្លូវបេតុងមួយកន្លែង ស្ថិតក្នុងភូមិត្រពាំងក្រសាំង
រាជធានីភ្នំពេញ ៖ បុរសម្នាក់ត្រូវជនសង្ស័យពីរនាក់ធ្វើសកម្មភាពដកកាំភ្លើងភ្ជង់ប្លន់កណ្តាលផ្លូវយកបានម៉ូតូម៉ាក CBR ធុនធំ មួយគ្រឿងជិះគេចខ្លួនដោយសុវត្ថិភាព។ ហេតុការណ៍នេះកើតឡើងកាលពីវេលាម៉ោង ៧ និង៣០នាទី យប់ថ្ងៃទី ២៤ កក្កដា ២០១៤ នៅចំណុចផ្លូវបេតុងមួយកន្លែង ស្ថិតក្នុងភូមិត្រពាំងក្រសាំង សង្កាត់ត្រពាំងក្រសាំង ខណ្ឌពោធិ៍សែនជ័យ ។
យោងតាមប្រភពព័ត៌មានពីកន្លែងកើតហេតុបានឱ្យដឹងថា នៅមុនពេលកើតជនរងគ្រោះបានជិះម៉ូតូម៉ាកCBR ធុនធំ មួយគ្រឿង ពណ៌ក្រហម ពាក់ស្លាកលេខភ្នំពេញ 1CE-9141 ជិះតែម្នាក់ឯង ដោយធ្វើដំណើរចេញពីភូមិត្រពាំងក្រសាំង ត្រឡប់ទៅផ្ទះនៅសង្កាត់ចោមចៅ តាមផ្លូវបេតុងមួយកន្លែង ស្រាប់តែមកដល់ចំណុចកើតហេតុបុរសរងគ្រោះបានឈប់ និយាយទូរស័ព្ទដោយមិនចាប់អារម្មណ៍ថាមានមនុស្សជិះតាមពីក្រោយឡើយ ។
បន្ទាប់ពីនិយាយទូរស័ព្ទចប់ ជនរងគ្រោះក៏បានបញ្ឆេះម៉ូតូបំរុងបើកចេញទៅ ខណៈនោះក៏មានជនសង្ស័យពីរនាក់ដែលជិះម៉ូតូហុងដាឌ្រីមសេ១២៥ មិនស្គាល់ស្លាកលេខ ដេញតាមពីក្រោយយូហើយនោះ បានជិះម៉ូតូមកកៀកជនរងគ្រោះ ហើយជនសង្ស័យជិះខាងក្រោយបានលើកជើងធាក់ជនរងគ្រោះធ្លាក់ពីលើម៉ូតូរួចដកកាំភ្លើងអាមេ ភ្ជង់ប្លន់យកម៉ូតូពីជនរងគ្រោះ ដោយសារតែភ័យពេកជនរងគ្រោះបាននិយាយទៅក្រុមជនសង្ស័យថា << យកម៉ូតូយកទៅតែកុំបាញ់ខ្ញុំ >> ជនរងគ្រោះនិយាយចប់ ជនសង្ស័យបានឡើងជិះម៉ូតូរបស់ជនរងគ្រោះគេចខ្លួនបាត់ដោយសុវត្ថិភាព ដោយបន្សល់ទុកតែជនរងគ្រោះនៅនឹងកន្លែងកើតហេតុជាមួយនឹងពាក្យថាស្តាយម៉ូតូរបស់ខ្លួនតែប៉ុណ្ណោះ។
ចែករំលែកព័តមាននេះ