រាជធានីភ្នំពេញ៖ ដោយមានការអបអរពី តារាចម្រៀង ឱក សុគន្ធកញ្ញា, ការបង្ហាញរថយន្តទំនើបៗ និង ការផ្តល់ជូនពិសេសៗ សម្រាប់អតិថិជនគ្រប់ៗគ្នា នៅថ្ងៃទី២០…
រាជធានីភ្នំពេញ៖ ដោយមានការអបអរពី តារាចម្រៀង ឱក សុគន្ធកញ្ញា, ការបង្ហាញរថយន្តទំនើបៗ និង ការផ្តល់ជូនពិសេសៗ សម្រាប់អតិថិជនគ្រប់ៗគ្នា នៅថ្ងៃទី២០ ខែមិថុនា ឆ្នាំ២០២៥ ជាការអបអរ និងមោទកភាព សម្រាប់ក្រុមហ៊ុនក្នុងស្រុក និងសហគមន៍ខ្មែរយើង ដែលក្រុមហ៊ុនខ្មែរបានសម្ពោធ ស្ថានីយតេលាខ្មែរ របស់ដៃគូអាជីវកម្មដំបូងគេបង្អស់ នៅលើផ្លូវ 271 ក្នុងរាជធានីភ្នំពេញ ។
ស្ថានីយតេលាខ្មែរមួយនេះ ជាកិច្ចសហការគ្នា របស់សហគ្រិនខ្មែរមួយរូប ក្នុងកម្មវិធីដៃគូអាជីកម្មស្ថានីយតេលាខ្មែរ ។ កម្មវិធីនេះ នឹងផ្ដល់ឱកាសឱ្យអាជីវករខ្មែរ ដើម្បីបើកនិងគ្រប់គ្រងស្ថានីយតេលាខ្មែរ របស់ខ្លួនក្រោមការ ចុះកិច្ចព្រមព្រៀងគ្នារវាងសាមីខ្លួន និងក្រុមហ៊ុន ។
«នេះជាការប្ដេជ្ញាចិត្តដ៏មុះមុត ទៅលើពាក្យថា “ខ្មែរគាំទ្រក្រុមហ៊ុនខ្មែរ សម្រាប់ប្រជាជនខ្មែរ”» ប្រសាសន៍របស់ លោកឧកញ៉ា ឈុន វ៉ាន់ឌី អគ្គនាយករង។ នេះជាជំពូកមួយថ្មីសម្រាប់ក្រុមហ៊ុនក្នុងការពង្រីកបណ្តាញស្ថានីយ របស់ខ្លួនទៅទូទាំង ព្រះរាជាណាចក្រកម្ពុជា និង ពង្រឹងកិច្ចសហការជាមួយសហគ្រិនខ្មែរយើងឱ្យកាន់តែរឹងមាំ ។
ការបើកសម្ពោធស្ថានីយតេលាខ្មែរ សាមគ្គី271 បានទាក់ទាញការគាំទ្រយ៉ាងកុះករ ពីសំណាក់អតិថិជន និងដៃគូអាជីវកម្មផ្សេងៗ មិនត្រឹមតែប៉ុណ្ណោះ វត្តមាននៃតារាចម្រៀង ឱក សុគន្ធកញ្ញា បានញាំងកម្មវិធីឱ្យកាន់តែពិសេស ដោយតារារូបនេះ បានបញ្ចេញសំនៀង ដែលរណ្ដំដល់បេះដូងអ្នកគាំទ្រ និងនាំស្នាមញញឹម ក្នុងការអបអរសាទរ ក្នុងការបើកដំណើរការស្ថានីយតេលាខ្មែរ សាមគ្គី271 ។
ការសម្ពោធនេះមានការបង្ហាញរថយន្តទំនើបៗ និងការស្វាគមន៍យ៉ាងកក់ក្ដៅ ពីថ្នាក់ដឹកនាំតេលាខ្មែរ ទៅកាន់ ដៃគូអាជីវកម្មតេលាខ្មែរ ។ អតិថិជនក៏បានចូលរួម ជាមួយកម្មវិធីសប្បាយៗ ដូចជា ប្រូម៉ូសិន”ទិញសាំង ថែមសាំង ហ្វីមានការថែមជូន ទឹកបរិសុទ្ធ ការ៉េម និង កាដូជាច្រើនពីហ្គេម “ការចូកយករង្វាន់” ។
លោកឧកញ៉ា ឈុន វ៉ាន់ឌី បានបញ្ជាក់បន្ថែមទៀតថា៖ « តាមរយៈកិច្ចសហការជាមួយ ដៃគូអាជីវកម្មយើង ដំបូង ក្រុមហ៊ុនកំពុងបង្ហាញពីស្មារតី “ខ្មែរគាំទ្រក្រុមហ៊ុនខ្មែរ សម្រាប់ប្រជាជនខ្មែរ” មិនត្រឹមតែជាពាក្យនិយាយ ធម្មតានោះទេ ប៉ុន្តែជាចលនាមួយ ដែលបង្កើតឱកាសក្នុងការលើកស្ទួយប្រជាជនខ្មែរ ឱ្យវិនិយោគនិងរីកចម្រើន ទៅកាន់ភាពជោគជ័យ ជាមួយអនាគតរួមគ្នា» ។
លោកឧកញ៉ា ក៏សូមថ្លែងអំណរគុណយ៉ាងជ្រាលជ្រៅ ចំពោះរាល់អតិថិជន និងដៃគូអាជីវកម្មទាំងអស់ សម្រាប់ការផ្តល់ទំនុកចិត្ត និងការគាំទ្រ មកលើផលិតផល និងសេវាកម្មរបស់តេលាខ្មែរ ។
លោកស្រី សុន កែវរស្មី ជាដៃគូអាជីវកម្មស្ថានីយតេលាខ្មែរ ក៏បានបង្ហាញសេចក្តីសោមនស្សរីករាយ ថា៖ «ខ្ញុំពិតជាមាន កិត្តិយសណាស់ ដែលបានចូលរួមក្នុងគ្រួសារតេលាខ្មែរ ។ ខ្ញុំបានជ្រើសរើសតេលាខ្មែរ ដោយសារជាក្រុមហ៊ុនខ្មែរ ដែលមានគុណតម្លៃល្អ ផលិតផលប្រេងឥន្ធនៈគុណភាពខ្ពស់ ជាពិសេសបេសកកម្មរបស់ពួកគាត់ក្នុងការលើក ស្ទួយប្រជាជនខ្មែរ ។ ខ្ញុំជឿជាក់ក្នុងការរីកចម្រើនរួមគ្នា ជាមួយស្ថានីយ ប្រេងឥន្ធនៈ បង្កើតឡើងដោយកូនខ្មែរ សម្រាប់ប្រជាជនខ្មែរ» ។
តេលាខ្មែរ នឹងបន្តបេសកម្មក្នុងការបង្កើនបណ្តាញស្ថានីយទូទាំងប្រទេស ព្រមទាំងមានការប្ដេជ្ញាចិត្តខ្ពស់ ក្នុងការលើកស្ទួយសហគ្រិនខ្មែរ, បង្កើនការងារក្នុងស្រុក និងជម្រុញអនាគតប្រទេសជាតិតទៅមុខ ៕ អត្ថបទសហការ
ចែករំលែកព័តមាននេះ