រាជធានីភ្នំពេញ ៖ ឪពុកម្តាយពោរពេញដោយក្តីស្រលាញ់ចំពោះកូនៗ និងចៅៗ ។ ប៉ុន្តែការយកចិត្តទុកដាក់ចំពោះពួកគេក៏អាចជារឿងគួរឱ្យភ័យខ្លាច ខកចិត្ត និងពេលខ្លះក៏ខឹងសម្បារផងដែរ ។ ប៉ុន្តែមិនថាអ្នកខឹងយ៉ាងណានោះទេ…
រាជធានីភ្នំពេញ ៖ ឪពុកម្តាយពោរពេញដោយក្តីស្រលាញ់ចំពោះកូនៗ និងចៅៗ ។ ប៉ុន្តែការយកចិត្តទុកដាក់ចំពោះពួកគេក៏អាចជារឿងគួរឱ្យភ័យខ្លាច ខកចិត្ត និងពេលខ្លះក៏ខឹងសម្បារផងដែរ ។ ប៉ុន្តែមិនថាអ្នកខឹងយ៉ាងណានោះទេ វាជារឿងសំខាន់ក្នុងការគ្រប់គ្រងកំហឹងរបស់អ្នកជុំវិញកូន ។
សារៈសំខាន់នៃការគ្រប់គ្រងកំហឹង ។ វាមិនដែលមានអារម្មណ៍ល្អទេក្នុងការខឹងនរណាម្នាក់ដែលអ្នកស្រឡាញ់ ជាពិសេសកូនក្មេង ។ កំហឹង គឺជាអារម្មណ៍ធម្មជាតិ ប៉ុន្តែការស្រាវជ្រាវបង្ហាញថា ការខឹងញឹកញាប់ និងមិនអាចគ្រប់គ្រងបានអាចធ្វើឱ្យអ្នកប្រឈមនឹងជំងឺបេះដូង ជំងឺប្រព័ន្ធរំលាយអាហារ បញ្ហានៃការគេង និងបញ្ហាសុខភាពដទៃទៀត ។ វាក៏មានទំនាក់ទំនងទៅនឹងអំពើហិ.ង្សាក្នុងគ្រួសារផងដែរ ។ ការគ្រប់គ្រងកំហឹងអាចជួយអ្នកដោះស្រាយជាមួយកូនរបស់អ្នកក្នុងរបៀបដែលល្អ និងស្ថាបនា ។ វាក៏កំណត់ឧទាហរណ៍ដ៏ល្អមួយអំពីរបៀបដោះស្រាយស្ថានការណ៍ប្រឈម និងគន្លឹះដោះស្រាយជម្លោះ ។
យុទ្ធសាស្ត្រគ្រប់គ្រងកំហឹងសម្រាប់ឪពុកម្តាយ ។ នៅពេលអ្នកមានអារម្មណ៍ថា អ្នកហៀបនឹងបាត់បង់កំហឹងជាមួយកូន ចូរពឹងផ្អែកលើយុទ្ធសាស្ត្រគ្រប់គ្រងកំហឹង ។ វាអាចជួយរក្សាកំហឹងរបស់អ្នកមិនឱ្យពុះកញ្ជ្រោលបាន ។ ដំបូងសូមព្យាយាមធ្វើឱ្យខ្លួនឯងស្ងប់ ដោយវិធីបន្ធូរអារម្មណ៍ដូចជា ៖ ដកដង្ហើមវែងៗ ហើយយឺតៗ, មើលទៅលើរូបភាពស្រស់ស្រាយ ឬបន្ធូរអារម្មណ៍ និងនិយាយឡើងវិញនូវពាក្យ ឬឃ្លាដែលធ្វើឱ្យអ្នកធូរស្រាលជាងមុន ។
បន្ទាប់មក សូមសាកល្បងគន្លឹះទាំងនេះបន្ថែមទៀត ដើម្បីអាចជួយអ្នកក្នុងការគ្រប់គ្រងស្ថានភាពក្តៅ ៖ និយាយដោយស្ងប់ស្ងាត់ ហើយស្តាប់ និយាយឱ្យច្បាស់ ពិនិត្យមើលថាតើកូនរបស់អ្នកយល់អ្វីដែលអ្នកចង់និយាយទេ ។ សូមចងចាំថា អ្នកក៏ត្រូវស្តាប់ដោយយកចិត្តទុកដាក់នូវអ្វីដែលកូនកំពុងព្យាយាមនិយាយទៅកាន់អ្នកផងដែរ ។ សូមចងចាំផងដែរថា កុមារ ជាពិសេសកុមារតូចៗ ទំនងជាមិនមានបំណង ឬព្យាយាមធ្វើឱ្យអ្នកខឹងនោះទេ ។ កុំនិយាយជាទូទៅ កុំនិយាយរឿងដូចជា “កូនមិនដែលសម្អាតបន្ទប់របស់កូន” ឬ “កូនតែងតែទុកឥវ៉ាន់រញ៉េរញ៉ៃ” ។ ប៉ុន្តែចូរកោតសរសើរអ្វីដែលកូនធ្វើបានល្អ ឬត្រឹមត្រូវ ។
ដឹងពីសញ្ញាដែលកំហឹងរបស់អ្នកជិតមកដល់ បេះដូងរបស់អ្នកអាចចាប់ផ្តើមលោត ។ អ្នកអាចនឹងធុញថប់ និងខាំធ្មេញ មុនពេលដែលអ្នកហៀបនឹងបញ្ចេញកំហឹង ។ បើដូច្នេះមែន ចូរប្រើវិធីសាស្ត្រសាកល្បងពេលវេលារាប់ដល់ ១០ មុនពេលនិយាយ ។ សាកគិតមើលតើអ្វីដែលធ្វើឱ្យអ្នកខកចិត្ត ហើយខឹង ។ បន្ទាប់មកព្យាយាមដោះស្រាយវាដោយស្ងប់ស្ងាត់ ។ ប្រសិនបើអ្នកនៅតែហៀបនឹងផ្ទុះកំហឹងទៀត សូមចាកចេញពីបន្ទប់របស់អ្នក រហូតដល់អ្នកស្ងប់អារម្មណ៍ ។
ព្យាយាមប្រើពាក្យ “ប៉ាម៉ាក់” ជំនួសឱ្យពាក្យ “កូន” ។ វានឹងជួយឱ្យស្ថានភាពមិនសូវធ្ងន់ធ្ងរ ។ កុំការពារខ្លួនឯងខ្លាំងពេក កូនធំរបស់អ្នកអាចរិះគន់អ្នក ដូច្នេះកុំចាប់ផ្តើមឈ្លោះប្រកែក ឬរិះគន់ជាថ្នូរវិញ ។ ព្យាយាមយល់ពីអ្វីដែលពិតជារំខានពួកគេ សួរសំណួរដោយស្ងប់ស្ងាត់ ដើម្បីព្យាយាមដោះស្រាយបញ្ហា ។ ប្រើរឿងកំប្លែងខ្លះ លេងសើចជាមួយកូន ។ សម្រាក និងបន្ធូរអារម្មណ៍ឱ្យខ្លួនឯង កុំប្រឈមមុខនឹងកូនរបស់អ្នក ឬដោះស្រាយបញ្ហានៅពេលអ្នកស្ត្រេស ឬអស់កម្លាំងពីការងារពេញមួយថ្ងៃ ។ សម្រាកសិន ទុកពេល ១០ ទៅ ១៥ នាទីដើម្បីសម្រាក ស្ងប់ស្ងាត់ និងធ្វើអ្វីដែលអ្នកចូលចិត្ត ។ បន្ទាប់មក អ្នកអាចដោះស្រាយបញ្ហាលំបាកបាន ៕ ប្រភព ៖ stanfordchildrens
អត្ថបទនេះផលិតឡើងក្រោមកិច្ចសហប្រតិបត្តិការជាមួយសាលារៀនវ៉េស្ទឡាញន៍ និងសាលារៀនណត្សឡាញន៍ ។ ដើម្បីអបអរការបើកដំណើរការសាលារៀនវ៉េស្ទឡាញន៍ សាខាឫស្សីកែវ និងសាខាពោធិ៍ចិនតុងពីរដំណាលគ្នា សាលាផ្តល់អាហារូបករណ៍ពិសេស ៥០% គ្រប់កម្មវិធីសិក្សា សម្រាប់សិស្ស ១០០ នាក់ដំបូង ចំពោះការចុះឈ្មោះចូលរៀនត្រឹមថ្ងៃទី ៣០ ខែមិថុនា ខាងមុខនេះ ។ សាលារៀនទទួលចុះឈ្មោះកុមារចាប់ពីអាយុ ២ ឆ្នាំកន្លះឡើង សម្រាប់កម្មវិធីចំណេះទូទៅខ្មែរ កម្មវិធីភាសាអង់គ្លេសទូទៅ និងកម្មវិធីភាសាចិនទូទៅចាប់ពីកម្រិតមត្តេយ្យ ដល់ទី ១២ ។ សាលារៀនវ៉េស្ទឡាញន៍ សាខាឫស្សីកែវស្ថិតនៅផ្លូវ ៥៩៨ ទល់មុខបុរីវិមានភ្នំពេញ និងនៅជាប់អគារគណៈកម្មការមូលបត្រកម្ពុជា សាខាពោធិ៍ចិនតុងស្ថិតនៅផ្លូវ ២០០៤ ទល់មុខកងពលតូចដឹកជញ្ជូនលេខ ៩៩ សម្រាប់ព័ត៌មានបន្ថែម សូមទំនាក់ទំនង 092 888 499 | 087 458 282 ៕
ចែករំលែកព័តមាននេះ