រាជធានីភ្នំពេញ ៖ ភាពតានតឹងក្នុងវ័យកុមារអាចបណ្តាលមកពីស្ថានភាពណាមួយ ដែលតម្រូវឱ្យកុមាររៀនចេះសម្របខ្លួន ឬផ្លាស់ប្តូរខ្លួនឯង ។ ស្ថានភាពបែបនេះ ជាញឹកញាប់អាចធ្វើឱ្យកុមារកើតមានការថប់បារម្ភ ។ ការព្រួយបារម្ភចំពោះកុមារ…
រាជធានីភ្នំពេញ ៖ ភាពតានតឹងក្នុងវ័យកុមារអាចបណ្តាលមកពីស្ថានភាពណាមួយ ដែលតម្រូវឱ្យកុមាររៀនចេះសម្របខ្លួន ឬផ្លាស់ប្តូរខ្លួនឯង ។ ស្ថានភាពបែបនេះ ជាញឹកញាប់អាចធ្វើឱ្យកុមារកើតមានការថប់បារម្ភ ។ ការព្រួយបារម្ភចំពោះកុមារ ប្រសិនបើគ្រប់គ្រងមិនបានល្អ វាអាចធ្វើឱ្យកុមារកើតមានជំងឺថប់បារម្ភ បាក់ទឹកចិត្ត និងបញ្ហាផ្លូវចិត្តធ្ងន់ធ្ងរផ្សេងទៀត ។
រោគសញ្ញាផ្លូវកាយព្រមានដែលឪពុកម្តាយគប្បីចាប់អារម្មណ៍រួមមាន ឈឺក្បាល ឈឺពោះ ឬឈឺក្រពះមិនច្បាស់លាស់ ការរំខានលើដំណេក សុបិន្តអាក្រក់ គេងមិនលក់ និងចំណង់អាហារខុសធម្មតា ។ រោគសញ្ញាផ្លូវចិត្តទូទៅចំពោះកុមារ រួមមាន ការព្រួយបារម្ភ ការថប់បារម្ភ ការភ័យខ្លាច ខឹងច្រើន បំពានក្មេងដទៃ ការរំខានផ្លូវចិត្ត ការរឹងរូស មិនចង់ចូលរួម ក្នុងគ្រួសារ ឬសកម្មភាពសាលា ។ ជារឿយៗ រោគសញ្ញាបាត់ទៅវិញដោយខ្លួនឯង ប៉ុន្តែសូមចាប់អារម្មណ៍បន្ថែម ប្រសិនបើកូនរបស់អ្នក ព្រួយបារម្ភអំពីរឿងអ្វីមួយ អស់រយៈពេលជាងពីរសប្តាហ៍។ ហើយប្រសិនបើកូនមានការព្រួយបារម្ភ លើសពី ២ ទៅ ៣ ខែ សូមស្វែងរកជំនួយពីអ្នកជំនាញខាងចិត្តសាស្ត្រ ។
តើអ្វីខ្លះដែលជាបញ្ហា ដែលឪពុកម្តាយគប្បី យកចិត្តទុកដាក់?
• មិនធ្វើកិច្ចការផ្ទះ ចូលរៀនយឺត ចង់ដូរសាលា រៀនមិនជាប់ចំណាត់ថ្នាក់ល្អ
• បញ្ហាសុខភាព ឬធ្លាក់ខ្លួនឈឺ
• តូចជាង ឬធំជាងកុមារដទៃទៀតខ្លាំងពេក
• ចាកចេញពីក្រុមមិត្តភក្តិ មិនចុះសម្រុងជាមួយគ្រូ
• បំពាន ឬធ្វើឱ្យខ្លួនឯង មិត្តភក្តិ សមាជិកគ្រួសារ ឬអ្នកដទៃរងគ្រោះថ្នាក់
• បំបែកខ្លួនចេញពីសមាជិកគ្រួសារ ។
ទោះបីជាយ៉ាងណា សូមស្វែងយល់អំពីការពិតទាំងនេះសិន ៖
• ការថប់បារម្ភ គឺជារឿងធម្មតាទូទៅនោះទេ ចំពោះកុមារអាយុពី ៨ ទៅ ១៣ ឆ្នាំ
• កុមារពី ៥ ទៅ ១០ នាក់ក្នុង ១០០ នាក់មានបញ្ហាថប់បារម្ភនេះ
• ការព្រួយបារម្ភញឹកញាប់បំផុត ចំពោះកុមារគឺពាក់ព័ន្ធនឹងឪពុកម្តាយ ថ្នាក់រៀន និងមិត្តភ័ក្តិរបស់ពួកគេ
• កុមារម្នាក់ក្នុងចំណោមបួននាក់បារម្ភថា ពួកគេមិនចំណាយពេលគ្រប់គ្រាន់ជាមួយឪពុកម្តាយរបស់ពួកគេ ដោយសារតែឪពុកម្តាយរវល់ការងារពេក ។
តើឪពុកម្តាយអាចធ្វើអ្វីបានខ្លះ ដើម្បីជួយកូនឆ្លងផុតរឿងរ៉ាវទាំងនេះ?
• ស្តាប់ និងនិយាយជាមួយកូនរបស់អ្នក ហើយយកចិត្តទុកដាក់លើតម្រូវការរាងកាយ និងអារម្មណ៍របស់ពួកគេ
• ផ្តោតលើភាពខ្លាំងរបស់ពួកគេ ហើយពង្រឹងភាពខ្លាំងទាំងនោះ
• ព្យាយាមធ្វើជាគំរូល្អ ដោយមិនខ្វល់ខ្វាយច្រើនពេក នៅចំពោះមុខកូន
• លើកទឹកចិត្តឱ្យកូនសួរសំណួរ និងបង្ហាញពីការព្រួយបារម្ភរបស់ពួកគេ និងការព្រួយបារម្ភ
• ពង្រឹងការគោរព និងផ្តល់តម្លៃលើខ្លួនឯង ដោយធ្វើឱ្យកុមារមានអារម្មណ៍ថាចង់បាន និងមានក្តីស្រឡាញ់
• អញ្ជើញមិត្តភ័ក្តិ និងមិត្តរួមថ្នាក់របស់កូនអ្នក ទៅផ្ទះរបស់អ្នក ដើម្បីដឹងថា កូនរបស់អ្នកចំណាយពេល ជាមួយអ្នកណានៅសាលា និងកន្លែងផ្សេងទៀត
• ត្រូវដឹងពីស្ថានភាពក្នុងបរិយាកាសផ្ទះរបស់អ្នកដែលអាចបង្កការរំខានដល់កុមារ
• កុំដាក់ទណ្ឌកម្មកូន កុំបន្ទោសកូន កុំប្រើអំពើហិ.ង្សាលើកូន
• ទិញសៀវភៅ ហ្គេម វីដេអូដែលមិនបន្ថែមភាពតានតឹងដល់កុមារ
• អនុញ្ញាតឱ្យកូនធ្វើការជ្រើសរើស និងគ្រប់គ្រងជីវិតរបស់ពួកគេ
• កុំស្ទាក់ស្ទើរក្នុងការស្វែងរកជំនួយដែលមានជំនាញវិជ្ជាជីវៈ នៅពេលដែលកូនព្រួយបារម្ភអំពីអ្វីមួយ អស់រយៈពេលជាច្រើនខែ ហើយសញ្ញានៃភាពតានតឹងមិនថយចុះ ឬបាត់ឡើយ ។
តើកុមារអាចធ្វើអ្វីបាន?
• និយាយជាមួយឪពុកម្តាយរបស់អ្នកអំពីបញ្ហារបស់អ្នក ។ ប្រាប់ឪពុកម្តាយរបស់អ្នក ឬនរណាម្នាក់ដែលអ្នកស្រឡាញ់ និងជឿជាក់អំពីអ្វីដែលធ្វើឱ្យអ្នកព្រួយបារម្ភ ។
• និយាយជាមួយគ្រូរបស់អ្នកអំពីកង្វល់របស់អ្នកនៅសាលា។ លេង និងនៅជាមួយកុមារដែលទទួលយកអ្នក និងគោរពអ្នក។
• ធ្វើកិច្ចការផ្ទះរបស់អ្នកឱ្យទាន់ពេលវេលា។
• និយាយចេញមក កុំទុកក្តីកង្វល់ក្នុងខ្លួន។ សម្រាក បន្ធូរអារម្មណ៍ និងរៀនដកដង្ហើម នៅពេលអ្នកមានការព្រួយបារម្ភ។
• ធ្វើតាមចំណង់ចំណូលចិត្តរបស់អ្នក នៅពេលអ្នកព្រួយបារម្ភអំពីអ្វីមួយ។
• ផ្ដោតគំនិតរបស់អ្នកលើអ្វីដែលរីករាយ។
• រៀនគោរពខ្លួនឯង និងអ្នកដទៃនៅផ្ទះ និងសាលារៀន ៕ ប្រភព ៖ cceoneida
អត្ថបទនេះផលិតឡើងក្រោមកិច្ចសហប្រតិបត្តិការជាមួយសាលារៀនវ៉េស្ទឡាញន៍ និងសាលារៀនណត្សឡាញន៍ ។ ក្នុងឱកាសបើកដំណើរការសាលារៀនវ៉េស្ទឡាញន៍ សាខាឫស្សីកែវ (598) សាលានឹងផ្តល់ជូនអាហារូបករណ៍ ៥០% គ្រប់កម្មវិធីសិក្សា សម្រាប់សិស្ស ១០០នាក់ដំបូង ចាប់ពីថ្ងៃផ្សាយដំណឹងនេះរហូតដល់ថ្ងៃទី ៣០ ខែមិថុនា ឆ្នាំ ២០២៥ ។ សាលារៀនមានកម្មវិធីចំណេះទូទៅខ្មែរ កម្មវិធីភាសាអង់គ្លេសទូទៅ និងកម្មវិធីភាសាចិនទូទៅចាប់ពីកម្រិតមត្តេយ្យ ដល់ទី ១២ ។ សាលារៀនស្ថិននៅផ្លូវ ៥៩៨ សង្កាត់ច្រាំងចំរេះ ១ ខណ្ឌឫស្សីកែវ ទល់មុខបុរីវិមានភ្នំពេញ និងនៅជាប់អគារគណៈកម្មាការមូលបត្រកម្ពុជា ។ សម្រាប់ព័ត៌មានបន្ថែម សូមទំនាក់ទំនងទូរស័ព្ទលេខ ៖ 089 792 168 | 015 337 123 ៕
ចែករំលែកព័តមាននេះ