ADផ្ទាំងផ្សព្វផ្សាយពាណិជ្ជកម្ម

របៀបនិយាយជាមួយកូនជំទង់របស់អ្នក !

8 ម៉ោង មុន

០៨ ខែ ឧសភា ឆ្នាំ ២០២៥ ម៉ោង ១៦:៥៧

រាជធានីភ្នំពេញ ៖ ការធ្វើឱ្យក្មេងជំទង់និយាយដោយបើកចំហអំពីអ្វីដែលរំខានពួកគេអាចជាការលំបាក ។ ចូរអនុវត្តតាមគន្លឹះទាំងនេះ ដើម្បីជួយឱ្យពួកគេនិយាយជាមួយអ្នកអំពីការព្រួយបារម្ភរបស់ពួកគេ ។
១. កុំវិនិច្ឆ័យក្មេងជំទង់របស់អ្នក ៖ ចាប់ផ្តើមដោយការគិតថា ពួកគេមានហេតុផលល្អអ្វីម្យ៉ាង ទើបពួកគេធ្វើបែបនោះ ។ បង្ហាញពួកគេថា អ្នកគោរពភាពឆ្លាតវៃរបស់ពួកគេ ហើយចង់ដឹងចង់ឃើញអំពីជម្រើសដែលពួកគេបានធ្វើ ។ ប្រសិនបើអ្នកមិនវិនិច្ឆ័យអាកប្បកិរិយារបស់ពួកគេជាមុនថា ឆោតល្ងង់ ឬ ខុស ពួកគេទំនងជាបើកចំហ ហើយពន្យល់ពីមូលហេតុដែលពួកគេធ្វើ ឬមានសកម្មភាពបែបនោះ ។

២. ព្យាយាមមិនសន្មតថា អ្នកដឹងថាមានរឿងអ្វីកើតឡើង ៖ កុំធ្វើជាដឹងថា មានរឿងអ្វីកើតឡើង ។ ជាជាងការសួរថា តើកូនត្រូវបានគេធ្វើបាបមែនទេ ? សាកល្បងនិយាយថា ប៉ាបារម្ភពីកូន ។ កូនដូចជាខុសប្លែក តើមានរឿងអ្វីកើតឡើង តើប៉ាអាចជួយកូនបានទេ ? ។

៣. ឱ្យកូនដឹងថា អ្នកចង់ជួយ ៖ ប្រសិនបើអ្នកសង្ស័យថា កូនរបស់អ្នកកំពុងប្រើប្រាស់គ្រឿងញៀ.ន ឬផឹកស្រាច្រើនពេក ចូរស្ងប់ស្ងាត់ តែនិយាយត្រង់ជាមួយកូន ។ សួរពួកគេ ហើយប្រាប់ពួកគេថា អ្នកនឹងជួយពួកគេឱ្យឆ្លងកាត់ការលំបាកណាមួយ ។

៤. ស្មោះត្រង់នឹងខ្លួនឯង ៖ ក្មេងជំទង់នឹងរិះគន់អ្នក ប្រសិនបើអ្នកមិនធ្វើតាមដំបូន្មានផ្ទាល់ខ្លួនរបស់អ្នក ។ ឧទាហរណ៍ ប្រសិនបើអ្នកផឹកស្រាច្រើនពេកដោយខ្លួនឯង ប៉ុន្តែអ្នកប្រាប់កូនកុំឱ្យផឹកស្រា ពួកគេទំនងជាមិនស្តាប់អ្នក ហើយនិយាយមិនល្អតបទៅអ្នកវិញជាមិនខានឡើយ ។ ត្រូវប្រាកដថា អ្នកកំពុងធ្វើសកម្មភាពដោយការទទួលខុសត្រូវដោយខ្លួនឯង ។

៥. ជ្រើសរើសការប្រយុទ្ធជាមួយក្មេងជំទង់របស់អ្នក ៖ ការមើលរំលងបញ្ហាតូចតាច ដូចជាសម្លៀកបំពាក់ដែលពួកគេស្លៀក អាចមានន័យថា អ្នកនៅតែអាចជជែកគ្នា ឬឈរយ៉ាងរឹងមាំជាមួយពួកគេលើបញ្ហាធំជាងនេះ ដូចជាគ្រឿងញៀ.ន និងការរួមភេទជាដើម ។

៦. ព្យាយាមមិនប្រតិកម្មចំពោះការផ្ទុះកំហឹង ៖ ក្មេងជំទង់តែងតែវាយបកទៅលើមនុស្សដែលខ្លួនស្រលាញ់ និងទុកចិត្តបំផុត មិនមែនដោយសារតែពួកគេស្អប់អ្នកនោះទេ ប៉ុន្តែដោយសារតែពួកគេមានអារម្មណ៍ច្របូកច្របល់ ។ ដូច្នេះកុំគិតថា ពួកគេមានន័យថាអាក្រក់ដែលពួកគេនិយាយថា កូនស្អប់ប៉ាម៉ាក់ ។ ពួកគេអាចគ្រាន់តែមានអារម្មណ៍ច្របូកច្របល់ ខឹង តូចចិត្ត បាត់បង់ ឬដោយសារអ័រម៉ូន ហើយពួកគេមិនដឹងថា ត្រូវបង្ហាញវាយ៉ាងដូចម្តេច ។

៧. ជួយក្មេងជំទង់របស់អ្នកឱ្យមានអារម្មណ៍សុវត្ថិភាព ៖ ក្មេងជំទង់តែងតែបារម្ភថា ការប្រាប់រឿងណាមួយទៅកាន់ឪពុកម្តាយ វានឹងធ្វើឱ្យរឿងកាន់តែអាក្រក់ទៅៗ ។ អ្នកត្រូវតែច្បាស់ថា អ្នកចង់ជួយពួកគេ ហើយនឹងមិនធ្វើអ្វីដែលពួកគេមិនចង់ឱ្យអ្នកធ្វើនោះទេ ដូចជាការគម្រាមកំហែង ស្តីន្ទោសជាដើម ។ ចូរស្តាប់ការភ័យខ្លាចរបស់ពួកគេ ហើយធានាថាវាមិនមែនជាកំហុសរបស់ពួកគេទេ ។

៨. សួរក្មេងជំទង់របស់អ្នកនូវសំណួរត្រឹមត្រូវ ៖ ពេលខ្លះ អ្នកនឹងអាចស្វែងយល់បន្ថែមអំពីក្មេងជំទង់របស់អ្នក ប្រសិនបើអ្នកសួរសំណួរបើកចំហ និងត្រឹមត្រូវតាមកាលៈទេសៈ ៕ ប្រភព ៖ nhs.uk

អត្ថបទនេះផលិតឡើងក្រោមកិច្ចសហប្រតិបត្តិការជាមួយសាលារៀនវ៉េស្ទឡាញន៍ និងសាលារៀនណត្សឡាញន៍ ។ វគ្គសិក្សាថ្មីចូលរៀនថ្ងៃទី ២៨ ខែមេសា ឆ្នាំ ២០២៥ ។ សាលារៀនផ្តល់ជូនកម្មវិធីចំណេះទូទៅខ្មែរពីថ្នាក់មត្តេយ្យ ដល់ទី ១២ កម្មវិធីភាសាអង់គ្លេសទូទៅ និងកម្មវិធីភាសាចិនទូទៅចាប់ពីកម្រិតមត្តេយ្យ ដល់ទី ១២ ។ សាលារៀនផ្តល់ជូនអាហារូបករណ៍រហូតដល់ ៣០% ការធានារ៉ាប់រងគ្រោះថ្នាក់បុត្រធីតា និងការការពារការសិក្សាបុត្រធីតារហូតដល់ ៥ ឆ្នាំ សម្រាប់ការចុះឈ្មោះត្រឹមថ្ងៃទី ៣០ មេសា ២០២៥ ។ សម្រាប់ព័ត៌មានបន្ថែម សូមទំនាក់ទំនងទូរស័ព្ទលេខ ៖ ០៩២ ៨៨៨ ៤៩៩ / ០១៥ ៨០៥ ១២៣ ៕