ក្រុមហ៊ុន អ អិម អេ ខេមបូឌា ទទួលបានសិទ្ធិផ្ដាច់មុខក្នុងការនាំចូល និងចែកចាយរថយន្ដ RAM នៅកម្ពុជា !
រាជធានីភ្នំពេញ, ថ្ងៃទី ៥ ខែមេសា ឆ្នាំ ២០២៥ ៖ ក្រុមហ៊ុន អ អិម…
រាជធានីភ្នំពេញ, ថ្ងៃទី ៥ ខែមេសា ឆ្នាំ ២០២៥ ៖ ក្រុមហ៊ុន អ អិម អេ ខេមបូឌា បានធ្វើការប្រកាសជាសាធារណៈអំពីការទទួលបានសិទ្ធផ្តាច់មុខក្នុងការនាំចូល និងចែកចាយរថយន្ត RAM ពីក្រុមហ៊ុន Stellantis នៅកម្ពុជាចាប់ពីថ្ងៃទី ០៥ ខែមេសា ឆ្នាំ ២០២៥ នេះតទៅ ។
សូមរំលឹកផងដែរថា កាលពីថ្មីៗមកនេះ ក្រុមហ៊ុន RMA Cambodia បានសម្ពោធជាផ្លូវការនៃរថយន្ត Peugeot ដែលទទួលសិទ្ធលក់ និងចែកចាយ ព្រមទាំងសេវាកម្មជួសជុលរថយន្តប្រចាំប្រទេសកម្ពុជា ។ ថ្ងៃនេះផងដែរ RMA Cambodia ក៏បាននាំចូលរថយន្តដែលមានឈ្មោះល្បីល្បាញជុំវិញសកលលោកដែលស្ថិតនៅក្រោមបុត្រសម្ព័ន្ធរបស់ Stellantis គឺរថយន្ត RAM Trucks មកកាន់ទីផ្សារប្រទេសកម្ពុជា ដោយការសម្ពោធជាផ្លូវការនូវរថយន្ត RAM 1500 REBEL ស៊េរីឆ្នាំ ២០២៥ ជារថយន្តដែលតំណាងឱ្យ អំណាច ភាពអង់អាច និងជ័យជម្នះ ជាមួយបច្ចេកវិទ្យារដ៏៏ទំនើប សមស្របគ្រប់ស្ថានភាព និងកាលៈទេសៈផ្លូវនៅប្រទេសកម្ពុជា ។
លោក ងន សាំង អគ្គនាយកនៃក្រុមហ៊ុន អ អិម អេ ខេមបូឌា បានបង្ហាញអំពីអារម្មណ៍ដ៏រំភើបនៃការទទួលនូវសមាជិកថ្មីមួយទៀតនៅក្នុងឆ្នាំ ២០២៥ នេះ ហើយក៏ជាម៉ាកមួយដែលលោកស្រឡាញ់ពេញចិត្តនូវកេរ្តិ៍ឈ្មោះដ៏ល្បីសុះសាយជុំវិញសកលលោកមួយ គឺម៉ាករថយន្ត RAM ដែលទើបតែដាក់សម្ពោធជាផ្លូវការមួយនេះ ។
ក្នុងឱកាសនេះផងដែរ លោក នូ ណារុណ “Head Brand of RAM Cambodia” បានធ្វើបទបង្ហាញពីលក្ខណៈពិសេសៗដ៏ឆ្នើម សមត្ថភាពដ៏អស្ចារ្យរបស់ RAM Trucks ។ លោកបានលើកឡើងពីបច្ចេកវិទ្យាដែលទំនើបលើសគេរបស់រថយន្ត RAM ព្រមទាំងសមត្ថភាព និងការរចនាដ៏រឹងមាំ និងភាពប្រណីតរបស់ RAM ដែលបង្ហាញពីជម្រើសល្អបំផុតសម្រាប់អតិថិជនដែលស្វែងរករថយន្តដែលតំណាងទាំងអំណាច ភាពអង់អាច និងជ័យជម្នះ ។
អតិថិជនទាំងអស់អាចធ្វើការស្វែងរក Showroom RAM Cambodia ដែលមានទីតាំងស្ថិតនៅផ្សារ Olympia និងនៅលើផ្លូវ ៦០ម៉ែត្រ ព្រមទាំងទទួលនូវសេវាកម្មជួសជុល ដែលមានទីតាំងនៅលើផ្លូវ ៦០ម៉ែត្រ មហាវិថីសម្ដេចហ៊ុន សែន កែងផ្លូវឧញ៉ាហ៊ុន នាង ។ ហើយអតិថិជនអាចបើកបរសាកល្បងរថយន្ត RAM REBEL 1500 មុនគេដោយកក់ពេលវេលារបស់អ្នកជាមួយផ្នែកលក់របស់យើងតាមរយៈលេខទូរស័ព្ទ ៖ 089 888 116 ៕ អត្ថបទសហការ
ចែករំលែកព័តមាននេះ