រាជធានីភ្នំពេញ ៖ កំហឹង គឺជាអារម្មណ៍របស់មនុស្សទូទៅ អ្នកអាចខឹងប្រសិនបើអ្នកជឿថា មានរឿងអយុត្តិធម៌បានកើតឡើង ឬអ្នកមានអារម្មណ៍ថា ស្ថិតនៅក្រោមការគំរាមកំហែង ។ នៅពេលអ្នកខឹងសាច់ដុំរបស់អ្នករឹតតឹង…
រាជធានីភ្នំពេញ ៖ កំហឹង គឺជាអារម្មណ៍របស់មនុស្សទូទៅ អ្នកអាចខឹងប្រសិនបើអ្នកជឿថា មានរឿងអយុត្តិធម៌បានកើតឡើង ឬអ្នកមានអារម្មណ៍ថា ស្ថិតនៅក្រោមការគំរាមកំហែង ។ នៅពេលអ្នកខឹងសាច់ដុំរបស់អ្នករឹតតឹង ចង្វាក់បេះដូង និងសម្ពាធឈាមរបស់អ្នកកើនឡើង ហើយស្បែកអាចឡើងក្រហម ។
មូលហេតុទូទៅនៃកំហឹងរួមមាន ៖ មានការខកចិត្ត, មានអារម្មណ៍ថា អ្នកមិនត្រូវបានគេកោតសរសើរ, អ្វីៗមិនដើរតាមការរំពឹងទុករបស់អ្នក, រងអំពើអយុត្តិធម៌, មានអារម្មណ៍អាម៉ាស់ ច្រណែន សោកសៅ ឬភ័យខ្លាច និងគ្មាននរណាស្តាប់អ្នក ។
អ្នកទំនងជាមានបញ្ហាខឹងផងដែរ ប្រសិនបើអ្នកធំឡើងនៅក្នុងផ្ទះដែលមានមនុស្សខឹងយ៉ាងខ្លាំង, ការរបួសផ្លូវចិត្តពីអតីកាល, មានទំនោររំពឹងថា អ្វីៗនឹងកើតឡើងតាមរបៀបជាក់លាក់មួយ និងមានបញ្ហាសុខភាពផ្លូវចិត្ត ។
ហេតុអ្វីបានជាអ្នកខឹងញឹកញាប់ ? ប្រសិនបើអ្នកមានកូនតូចវាជារឿងធម្មតាទេដែលនឹងខឹងម្ដងម្កាល ។ អ្នកប្រហែលជាកំពុងប្រឈមនឹងការទាមទារជាច្រើនដូចជាគ្រួសារ ការងារ ការមើលថែផ្ទះ មើលថែកូនតូច និងសកម្មភាពសង្គម ។ វាក៏អាចពិបាកនៅពេលដែលកូនមានអាកប្បកិរិយាមិនសមរម្យ កូនមិនស្តាប់បង្គាប់ ឬអ្វីៗមិនដំណើរការតាមការគ្រោងទុក ។
មូលហេតុទូទៅដែលឪពុកម្តាយមានកំហឹង គឺមានអារម្មណ៍ថា ដៃគូរបស់អ្នកមិនជួយ, ភាពតានតឹងអំពីហិរញ្ញវត្ថុ ឬទំនាក់ទំនង និងកង្វះនៃការគេង ។ ពេលខ្លះ ការមានកូនអាចបង្កឱ្យមានអារម្មណ៍អវិជ្ជមាន និងការចងចាំពីការប៉ះទង្គិចផ្លូវចិត្តពីកុមារភាពរបស់អ្នក ។
តើកំហឹងរបស់ឪពុកម្តាយអាចប៉ះពាល់ដល់កូនៗយ៉ាងដូចម្តេច ? មនុស្សគ្រប់គ្នាខឹង ហើយវាជារឿងសំខាន់ដែលអ្នកដោះស្រាយវាឱ្យបានល្អ ។ អ្នកកំពុងធ្វើជាគំរូល្អសម្រាប់កូនរបស់អ្នក ចូរដកដង្ហើមវែងៗ ហើយដើរចេញបន្តិចនៅពេលដែលអ្នកខឹង ។ ប៉ុន្តែប្រសិនបើអ្នកបាត់បង់ម្ចាស់ការ ហើយខឹងកាន់តែខ្លាំងវាអាចមានផលអវិជ្ជមានធ្ងន់ធ្ងរដល់កូនអ្នក ។ ការរស់នៅក្នុងគ្រួសារដែលមានកំហឹងខ្លាំង ឬញឹកញាប់ធ្វើឱ្យកូនរបស់អ្នកប្រឈមនឹងបញ្ហាសុខភាពផ្លូវចិត្តនៅពេលក្រោយ ។
បញ្ហាដែលអាចកើតមានឡើងចំពោះកុមារមានដូចជា ៖ មិនអាចផ្តោតអារម្មណ៍បានល្អ, ពិបាកលេងជាមួយកុមារផ្សេងទៀត, ក្លាយជាក្មេងស្ងប់ស្ងាត់ និងគួរឱ្យភ័យខ្លាច, ក្លាយជាក្មេងឈ្លើយ និងឃោរឃៅ, គេងមិនបានល្អ និងសុខភាពចុះខ្សោយ។ល។
អ្នកមិនគួរធ្វើបាបផ្លូវកាយ ឬដាក់ទោសកូនឡើយ ទោះបីគេបានធ្វើអ្វីខុស ឬអ្នកខឹងប៉ុនណាក៏ដោយ ។ ការដាក់ទណ្ឌកម្មលើផ្លូវកាយធ្វើឱ្យពួកគេប្រឈមនឹងហានិភ័យដូចជា ៖ រងរបួស, អាកប្បកិរិយាប្រឆាំងនឹងសង្គម, អាកប្បកិរិយាឈ្លានពាន, ការគោរពខ្លួនឯងទាប, បញ្ហាសុខភាពផ្លូវចិត្ត, បញ្ហាការសិក្សា និងទំនាក់ទំនងសង្គមមិនល្អ ៕ ប្រភព ៖ pregnancybirthbaby
អត្ថបទនេះផលិតឡើងក្រោមកិច្ចសហប្រតិបត្តិការជាមួយសាលារៀន វ៉េស្ទឡាញន៍ និងសាលារៀនណត្សឡាញន៍ ។ សាលារៀនមានកម្មវិធីចំណេះទូទៅខ្មែរពីថ្នាក់ទី ១ ដល់ទី ១២ កម្មវិធីអប់រំ និងថែទាំកុមារតូច មតេ្តយ្យ ភាសាអង់គ្លេសសម្រាប់កុមារ ភាសាអង់គ្លេសសម្រាប់សិស្សធំ និងកម្មវិធីភាសាចិន ។ សាលារៀនផ្តល់ជូនអាហារូបករណ៍ពិសេស ការធានារ៉ាប់រងគ្រោះថ្នាក់បុត្រធីតា ការការពារការសិក្សាបុត្រធីតា សេវាកម្មគាំទ្រ និងកម្មវិធីសិក្សាបន្ថែមសម្បូរ បែបសម្របតាមបំណិនសតវត្សរ៍ទី ២១ ។ សាលារៀនចាប់ទទួលចុះឈ្មោះសិស្សចូលរៀនរាល់ថ្ងៃ ។ សម្រាប់ព័ត៌មានបន្ថែម សូមទំនាក់ទំនងទូរស័ព្ទលេខ ៖ ០៩២ ៨៨៨ ៤៩៩ / ០១៥ ៨០៥ ១២៣ ៕
ចែករំលែកព័តមាននេះ