រាជធានីភ្នំពេញ ៖ ការចិញ្ចឹមកូនក្នុងយុគសម័យឌីជីថលមិនងាយស្រួលនោះទេ ។ វាអាចជារឿងលំបាកក្នុងការរក្សាល្បឿននៃបច្ចេកវិទ្យាដែលកំពុងរីកចម្រើន និងយល់ពីរបៀបធ្វើឱ្យមានតុល្យភាពហានិភ័យ និងឱកាសដែលមកជាមួយពួកគេ ។ ខាងក្រោមនេះ គឺជាដំបូន្មានអ្នកជំនាញ…
រាជធានីភ្នំពេញ ៖ ការចិញ្ចឹមកូនក្នុងយុគសម័យឌីជីថលមិនងាយស្រួលនោះទេ ។ វាអាចជារឿងលំបាកក្នុងការរក្សាល្បឿននៃបច្ចេកវិទ្យាដែលកំពុងរីកចម្រើន និងយល់ពីរបៀបធ្វើឱ្យមានតុល្យភាពហានិភ័យ និងឱកាសដែលមកជាមួយពួកគេ ។ ខាងក្រោមនេះ គឺជាដំបូន្មានអ្នកជំនាញ ដើម្បីកែលម្អទំនាក់ទំនងគ្រួសារអ្នករវាងបច្ចេកវិទ្យា និងសមាជិកក្នុងក្រុមគ្រួសារអ្នក ៖
១. សួរកូនរបស់អ្នកអំពីឧបករណ៍របស់ពួកគេ និងសកម្មភាពផ្សេងទៀតដែលពួកគេបានចូលរួម ។ ស្វែងយល់ពីអ្វីដែលពួកគេចូលចិត្ត អ្វីដែលពួកគេមិនចូលចិត្ត ហើយថាតើពួកគេប្រើញឹកញាប់ប៉ុនណា និងអ្វីដែលកំពុងដំណើរការ ។
២. ជជែកគ្នាអំពីហានិភ័យនៃការប្រើប្រាស់បច្ចេកវិទ្យា ។ និយាយជាមួយកូនរបស់អ្នកដោយស្មោះត្រង់អំពីក្តីកង្វល់ដែលអ្នកប្រហែលជាមាន ដូចជាការព្រួយបារម្ភអំពីខ្លឹមសារដែលពួកគេអាចឃើញ (ផ្លូវភេទ ហិ.ង្សា ឬបទល្មើស) ឬអ្វីដែលពួកគេអាចធ្វើមិនសមរម្យនៅលើអ៊ីនធឺណិត ។ វាជារឿងសំខាន់ក្នុងការប្រាប់កូនឱ្យបានច្បាស់លាស់ ហើយជាញឹកញាប់ថា អ្នកចង់ឱ្យពួកគេមករកអ្នកប្រសិនបើពួកគេជួបការលំបាក និងបញ្ហាណាមួយតាមអ៊ីនធឺណិត ។ លើកទឹកចិត្តឱ្យពួកគេចែករំលែកអ្វីដែលពួកគេមើលឃើញ និងរៀនសូត្របានតាមរយៈអ៊ីនធឺណិត ។
៣. ត្រូវរកមើលបញ្ហាមូលដ្ឋានពិតប្រាកដ ។ សំខាន់កុំបន្ទោសអ្វីៗទាំងអស់លើបច្ចេកវិទ្យា ។ ពេលខ្លះ មានរឿងផ្សេងទៀតដែលកំពុងកើតឡើង ដែលធ្វើឱ្យកូនប្រើអ៊ីនធឺណិតខុសប្រក្រតី ដូចជាពួកគេព្រួយបារម្ភអំពីអ្វីដែលអ្នកដទៃគិតលើពួកគេ ឬពួកគេប្រហែលជាមិនមានអារម្មណ៍ជឿជាក់ក្នុងសាលា ឬជាមួយមិត្តភក្តិរបស់ពួកគេ ។
៤. បង្កើតច្បាប់ “បាទ” និង “ទេ” ច្បាប់ “បាទ/ចាស” គឺជារឿងដែលកូនអ្នកគួរធ្វើ ។ តើអ្នកចង់ឱ្យពួកគេធ្វើសកម្មភាពតាមអ៊ីនធឺណិតដោយរបៀបណា ? ចង់ឱ្យពួកគេក្លាយជាពលរដ្ឋឌីជីថលល្អមានន័យដូចម្តេច ? តើការប្រើប្រាស់បច្ចេកវិទ្យា “មានសុខភាពល្អ” មើលទៅដូចមានលក្ខណៈបែបណាក្នុងគ្រួសាររបស់អ្នក ? ផ្ទុយទៅវិញច្បាប់ “ទេ” គឺជារឿងដែលអ្នកមិនចង់ឱ្យពួកគេធ្វើ (ដូចជាការគំរាមកំហែងដល់អ្នកដទៃ) ឬរឿងដែលពួកគេមិនគួរធ្វើលើអ៊ីនធឺណិត ដើម្បីសុវត្ថិភាពផ្ទាល់ខ្លួន (ដូចជាការមិនផ្តល់ព័ត៌មានផ្ទាល់ខ្លួន) ។
៥. បង្កើតតំបន់គ្មានបច្ចេកវិទ្យា អ្នកក៏អាចបង្កើតកន្លែងដែលអ្នកត្រូវចំណាយពេលជាមួយគ្នាឱ្យមានគុណភាព និងគ្មានបច្ចេកវិទ្យា ជាពិសេសក្នុងបន្ទប់គេងកូន ។ ការគេង គឺមានសារៈសំខាន់ខ្លាំងណាស់ ដូច្នេះកុំឱ្យមានឧបករណ៍រំខានកូនរបស់អ្នក ។
៦. បង្កើតការរំពឹងទុកជុំវិញរឿងនេះ ។ វាមានសារៈសំខាន់ណាស់ក្នុងការធ្វើឱ្យប្រាកដថា ខ្លឹមសារដែលកូនរបស់អ្នកចូលប្រើអ៊ីនធឺណិត គឺសមស្របតាមអាយុ និងកាលូតលាស់ ។ សម្រាប់កុមារ និងក្មេងតូចៗ សូមឱ្យពួកគេសុំការអនុញ្ញាតពីអ្នក មុនពេលពួកគេទាញយកកម្មវិធីថ្មី ឬចូលរួមវេទិកាជជែកគ្នាណាមួយ ។
៧. រុករកបច្ចេកវិទ្យាជាមួយគ្នា សាកល្បងមើល និងប្រើរួមគ្នាជាមួយកូនរបស់អ្នក ។ នេះមានន័យថាគ្រាន់តែមើល ឬប្រើប្រាស់បច្ចេកវិទ្យារួមគ្នាជាមួយកូនរបស់អ្នក ។
៨. ដឹងថាពេលណាត្រូវបោះជំហានថយក្រោយ ក្នុងករណីខ្លះអ្នកប្រហែលជាចង់តាមដាននូវអ្វីដែលកូនរបស់អ្នកកំពុងធ្វើនៅលើឧបករណ៍របស់ពួកគេ ហើយនេះមានសារៈសំខាន់ជាពិសេសសម្រាប់កុមារតូចៗ ។ ប៉ុន្តែសម្រាប់កូនធំ អ្នកអាចផ្តល់ឱ្យពួកគេនូវឯករាជ្យភាពសមស្របតាមអាយុ និងដំណាក់កាល ។
៩. ធ្វើជាគំរូល្អ ធ្វើការងារជាក្រុម ។ អ្នកក៏ត្រូវត្រួតពិនិត្យខ្លួនឯងថា អ្នកកំពុងប្រើទូរសព្ទដើម្បីអ្វី និងយូរប៉ុនណា។ ពោលគឺយើងរួមគ្នាជាគ្រួសារ ដើម្បីកម្ចាត់បញ្ហាប្រឈមដែលមាននៅក្នុងបច្ចេកវិទ្យាទាំងនេះ ។
១០. លេងសើច មានវិធីសាស្ត្រជាច្រើនក្នុងការប្រើប្រាស់បច្ចេកវិទ្យា ដើម្បីជួយសម្រួលដល់ការលេង និងឱកាសរីករាយជាមួយកូនរបស់អ្នក ។ វាអាចជាការប្រើប្រាស់កម្មវិធី មើលរឿង ឬលេងហ្គេមជាមួយគ្នា ៕ ប្រភព ៖ unicef
អត្ថបទនេះផលិតឡើងក្រោមកិច្ចសហប្រតិបត្តិការជាមួយសាលារៀន វ៉េស្ទឡាញន៍ និងសាលារៀនណត្សឡាញន៍ ។ សាលារៀនមានកម្មវិធីចំណេះទូទៅខ្មែរពីថ្នាក់ទី ១ ដល់ទី ១២ កម្មវិធីអប់រំ និងថែទាំកុមារតូច មតេ្តយ្យ ភាសាអង់គ្លេសសម្រាប់កុមារ ភាសាអង់គ្លេសសម្រាប់សិស្សធំ និងកម្មវិធីភាសាចិន ។ សាលារៀនផ្តល់ជូនអាហារូបករណ៍ពិសេស ការធានារ៉ាប់រងគ្រោះថ្នាក់បុត្រធីតា ការការពារការសិក្សាបុត្រធីតា សេវាកម្មគាំទ្រ និងកម្មវិធីសិក្សាបន្ថែមសម្បូរ បែបសម្របតាមបំណិនសតវត្សរ៍ទី ២១ ។ សាលារៀនចាប់ទទួលចុះឈ្មោះសិស្សចូលរៀនរាល់ថ្ងៃ ។ សម្រាប់ព័ត៌មានបន្ថែម សូមទំនាក់ទំនងទូរស័ព្ទលេខ ៖ ០៩២ ៨៨៨ ៤៩៩ / ០១៥ ៨០៥ ១២៣ ៕
<<កំណត់សម្គាល់: រាល់ការបញ្ចេញមតិទៅលើអត្ថបទមិនមែនជាការទទួលខុសត្រូវរបស់កោះសន្តិភាពទេ។ វាជាការទទួលខុសត្រួវដោយផ្ទាល់របស់អ្នកបញ្ចេញមតិ។ ដូច្នេះ សូមមិត្តអ្នកអានទាំងអស់ ធ្វើការបញ្ចេញ មតិប្រកបដោយការទទួលខុសត្រូវ មានសីលធម៌ និង ប្រកបដោយន័យស្ថាបនា ហើយចៀសវាង ការបញ្ចេញមតិណាដែលមិនពិត ជេរប្រមាថ និង អុជអាល នាំដល់ការយល់ច្រឡំ ឬ ការរើសអើង ជាតិសាសន៍ សាសនា ឬក៏ បុគ្គលណាមួយ។>>
ចែករំលែកព័តមាននេះ