រាជធានីភ្នំពេញ៖ លោកជំទាវបណ្ឌិត ជា សិរី ទេសាភិបាល ធនាគារជាតិនៃកម្ពុជា បានអញ្ជើញជាអធិបតីក្នុងពិធីប្រកាសផ្ទេរភារកិច្ច នាយកសាខាធនាគារជាតិនៃកម្ពុជា ខេត្តកំពង់ចាម និងសំណេះសំណាលការងារជាមួយមន្ត្រី-បុគ្គលិក…
រាជធានីភ្នំពេញ៖ លោកជំទាវបណ្ឌិត ជា សិរី ទេសាភិបាល ធនាគារជាតិនៃកម្ពុជា បានអញ្ជើញជាអធិបតីក្នុងពិធីប្រកាសផ្ទេរភារកិច្ច នាយកសាខាធនាគារជាតិនៃកម្ពុជា ខេត្តកំពង់ចាម និងសំណេះសំណាលការងារជាមួយមន្ត្រី-បុគ្គលិក នារសៀលថ្ងៃចន្ទ ទី១០ ខែមីនា ឆ្នាំ២០២៥ នៅសាខាធនាគារជាតិនៃកម្ពុជា ខេត្តកំពង់ចាម ។
លោកជំទាវ ទេសាភិបាល មានប្រសាសន៍ថា ការផ្ទេរភារកិច្ចនេះនឹងជួយផ្លាស់ប្ដូរបទពិសោធ និងពង្រឹងមុខងារភារកិច្ចរបស់មន្ត្រីសាខាខេត្តឱ្យកាន់តែមានប្រសិទ្ធភាព និងបានយកឱកាសនេះជំរុញលើកទឹកចិត្តឱ្យមន្ត្រី-បុគ្គលិកទាំងអស់បន្តខិតខំបំពេញការងារឱ្យកាន់តែសកម្មថែមទៀត ព្រមទាំងពង្រឹងទំនាក់ទំនងកាន់តែល្អប្រសើរជាមួយមន្ទីរ-អង្គភាព និងស្ថាប័នពាក់ព័ន្ធនៅក្នុងខេត្ត។ បន្ថែមលើនេះ លោកជំទាវក៏បានសង្កត់ធ្ងន់ពីសារៈសំខាន់នៃសកម្មភាពបញ្ជ្រាបចំណេះដឹងផ្នែកហិរញ្ញវត្ថុ ដល់ប្រជាជនក្នុងមូលដ្ឋាន សំដៅលើកកម្ពស់ការប្រើប្រាស់សេវាហិរញ្ញវត្ថុឱ្យកាន់តែមានប្រសិទ្ធភាពបន្ថែមទៀត ។
បន្ទាប់ពីកម្មវិធីនេះ លោកជំទាវ ទេសាភិបាល ក៏បានដឹកនាំគណៈប្រតិភូ ធនាគារជាតិនៃកម្ពុជា អញ្ជើញជួបសំណេះសំណាលការងារជាមួយ ឯកឧត្តម អ៊ុន ចាន់ដា អភិបាលនៃគណៈអភិបាលខេត្តកំពង់ចាម ក្នុងគោលបំណងស្វែងយល់អំពីស្ថានភាពសេដ្ឋកិច្ច និងជីវភាពរបស់ប្រជាពលរដ្ឋ ផងដែរ ៕ អត្ថបទសហការ
<<កំណត់សម្គាល់: រាល់ការបញ្ចេញមតិទៅលើអត្ថបទមិនមែនជាការទទួលខុសត្រូវរបស់កោះសន្តិភាពទេ។ វាជាការទទួលខុសត្រួវដោយផ្ទាល់របស់អ្នកបញ្ចេញមតិ។ ដូច្នេះ សូមមិត្តអ្នកអានទាំងអស់ ធ្វើការបញ្ចេញ មតិប្រកបដោយការទទួលខុសត្រូវ មានសីលធម៌ និង ប្រកបដោយន័យស្ថាបនា ហើយចៀសវាង ការបញ្ចេញមតិណាដែលមិនពិត ជេរប្រមាថ និង អុជអាល នាំដល់ការយល់ច្រឡំ ឬ ការរើសអើង ជាតិសាសន៍ សាសនា ឬក៏ បុគ្គលណាមួយ។>>
ចែករំលែកព័តមាននេះ