រាជធានីភ្នំពេញ ៖ របៀបដែលអ្នកឆ្លើយតបនៅពេលកូនកំពុងធ្វើសកម្មភាពខុសឆ្គង ធ្វើឱ្យមានភាពខុសគ្នាទាំងអស់ថា តើពួកគេទំនងជានឹងធ្វើវាម្តងទៀត ឬអត់ ។ សូមចងចាំថា ឪពុកម្តាយមានឥទ្ធិពលដ៏ខ្លាំងបំផុតលើកូន ហើយវិធីដែលអ្នកប្រតិកម្មក្នុងស្ថានភាពទាំងនេះក៏កំពុងជួយពួកគេរៀនពីរបៀបគ្រប់គ្រងអារម្មណ៍…
រាជធានីភ្នំពេញ ៖ របៀបដែលអ្នកឆ្លើយតបនៅពេលកូនកំពុងធ្វើសកម្មភាពខុសឆ្គង ធ្វើឱ្យមានភាពខុសគ្នាទាំងអស់ថា តើពួកគេទំនងជានឹងធ្វើវាម្តងទៀត ឬអត់ ។ សូមចងចាំថា ឪពុកម្តាយមានឥទ្ធិពលដ៏ខ្លាំងបំផុតលើកូន ហើយវិធីដែលអ្នកប្រតិកម្មក្នុងស្ថានភាពទាំងនេះក៏កំពុងជួយពួកគេរៀនពីរបៀបគ្រប់គ្រងអារម្មណ៍ និងរៀបចំឥរិយាបទឱ្យបានកាន់តែល្អប្រសើរនាពេលអនាគត ។ ការរក្សាភាពស្ងប់ស្ងាត់ និងជាអ្នកគ្រប់គ្រងធ្វើឱ្យកូនរបស់អ្នកកាន់តែងាយស្រួលក្នុងការស្តាប់អ្នក និងទទួលយកអ្វីដែលអ្នកកំពុងនិយាយ ហើយធ្វើឱ្យគ្រួសារកាន់តែមានសុភមង្គល ។ វាក៏អាចជួយក្នុងការស្តាប់ទស្សនៈរបស់ពួកគេ ដូច្នេះអ្នកអាចដោះស្រាយវាបាន ប្រសិនបើអ្នកយល់ខុស ។ ប្រសិនបើអ្នកបាត់បង់ភាពត្រជាក់ ស្ថានភាពអាចនឹងកាន់តែធ្ងន់ធ្ងរ ហើយកូនរបស់អ្នកអាចងាយនឹងរងទុក្ខនៅពេលក្រោយ ។
គន្លឹះទី ១ ៖ ប្រសិនបើពួកគេកំពុងធ្វើសកម្មភាពខុសឆ្គង សូមឈប់ ដកដង្ហើមវែងៗ ហើយប្រតិកម្មដោយស្ងប់ស្ងាត់ ចំពោះអ្វីដែលបានកើតឡើង ។
គន្លឹះទី ២ ៖ និយាយជាមួយកូនអំពីរឿងនោះដោយសំឡេងស្ងប់ស្ងាត់ ។ អ្នកអាចអង្គុយចុះនៅជិតកូន ដើម្បីអាចស្តាប់ពួកគេបានយ៉ាងច្បាស់លាស់ ។
គន្លឹះទី ៣ ៖ ត្រូវប្រាកដថា កូនរបស់អ្នកដឹងពីច្បាប់ទម្លាប់ ។ ប្រសិនបើកូនរបស់អ្នកដឹងពីច្បាប់ក្នុងគ្រួសា នោះទំនងជាពួកគេនឹងធ្វើតាម ។
គន្លឹះទី ៤ ៖ ពន្យល់ឱ្យច្បាស់លាស់ថា តើមានអ្វីកើតឡើងនៅពេលដែលកូនរបស់អ្នកប្រព្រឹត្តខុស ហើយសូមជ្រើសរើសផលវិបាកដែលសមនឹងស្ថានភាពជាក់ស្តែង ។
គន្លឹះទី ៥ ៖ ចុះចាញ់កូនម្តងម្កាល បើមើលឃើញកូនធ្វើខុសឆ្គង ប៉ុន្តែអ្នកមានអារម្មណ៍ថា អ្នកមិនអាចដោះស្រាយបញ្ហាបាននៅថ្ងៃនេះទេ អ្នកអាចរំលងវាតែម្តង ដើម្បីបានសេចក្ដីសុខបន្តិច ។
គន្លឹះទី ៦ ៖ ផ្តោតលើអាកប្បកិរិយាដែលអ្នកចង់ផ្លាស់ប្តូរ មិនមែនកូននោះទេ ។ និយាយជាមួយកូនរបស់អ្នកអំពីអ្វីដែលអ្នកចង់ឱ្យពួកគេធ្វើ ជាជាងនិយាយអ្វីមួយដូចជា “កូនមិនស្អាត ហើយខ្ជិល” ។
គន្លឹះទី ៧ ៖ សម្រួលអារម្មណ៍របស់អ្នក បើកូនធ្វើខុសឆ្គង សូមប្រាកដថា កូនរបស់អ្នកនៅកន្លែងណាមួយដែលមានសុវត្ថិភាព ហើយសម្រួលអារម្មណ៍របស់អ្នកសិន ។ ធ្វើអ្វីក៏ដោយដែលអ្នកត្រូវការ ដើម្បីទទួលបានពេលវេលាបន្តិចដើម្បីបំបាត់ភាពតានតឹង និងមានអារម្មណ៍ថា អ្នកមានអារម្មណ៍ត្រជាក់ចិត្តគ្រប់គ្រាន់ក្នុងការដោះស្រាយស្ថានការណ៍ ។
គន្លឹះទី ៨ ៖ សរសើរកូនរបស់អ្នកនៅពេលពួកគេធ្វើល្អ ប្រសិនបើអ្នកផ្តល់ការយកចិត្តទុកដាក់ឱ្យពួកគេច្រើនពេលពួកគេធ្វើអ្វីមួយដែលអ្នកពេញចិត្ត កូនរបស់អ្នកទំនងជានឹងធ្វើវាម្តងទៀត ហើយអ្នកនឹងមានពេលវេលាសប្បាយជាងមុនជាមួយគ្នា ។
គន្លឹះទី ៩ ៖ ចំណាយពេលវេលាប្រកបដោយគុណភាពជាមួយគ្នា ។ ការបង្កើតទម្លាប់ដែលអ្នកធ្វើដូចជាការលេង និងអានជាមួយកូនរបស់អ្នក មានន័យថា អ្នកនឹងទទួលបាននូវពេលវេលាដ៏រីករាយទាំងនោះបន្ថែមទៀត ដែលធ្វើឱ្យអ្នកក្លាយជាឪពុកម្តាយមានតម្លៃ ។
គន្លឹះទី ១០ ៖ ត្រូវស្រឡាញ់កូនរបស់អ្នកមិនថា ការឱប ឬថើបទេ រាល់ពេលដែលអ្នកស្រឡាញ់កូនអ្នក ពួកគេនឹងមានអារម្មណ៍ល្អ យកចិត្តទុកដាក់ មានក្តីស្រឡាញ់ និងមានទំនុកចិត្ត ។
គន្លឹះទី ១១ ៖ ថែរក្សាខ្លួនអ្នកឱ្យបានល្អ នោះអ្នកនឹងងាយស្រួលក្នុងការមើលថែកូន ។ ព្យាយាមបង្កើតពេលវេលាសម្រាប់ខ្លួនឯងម្តងម្កាល សប្តាហ៍ខ្លួនឯង ដើម្បីធ្វើអ្វីមួយដែលអ្នកចូលចិត្ត ៕ ប្រភព ៖ parentclub
អត្ថបទនេះផលិតឡើងក្រោមកិច្ចសហប្រតិបត្តិការជាមួយសាលារៀន វ៉េស្ទឡាញន៍ និងសាលារៀនណត្សឡាញន៍ ។ សាលារៀនមានកម្មវិធីចំណេះទូទៅខ្មែរពីថ្នាក់ទី ១ ដល់ទី ១២ កម្មវិធីអប់រំ និងថែទាំកុមារតូច មតេ្តយ្យ ភាសាអង់គ្លេសសម្រាប់កុមារ ភាសាអង់គ្លេសសម្រាប់សិស្សធំ និងកម្មវិធីភាសាចិន ។ សាលារៀនផ្តល់ជូនអាហារូបករណ៍ពិសេស ការធានារ៉ាប់រងគ្រោះថ្នាក់បុត្រធីតា ការការពារការសិក្សាបុត្រធីតា សេវាកម្មគាំទ្រ និងកម្មវិធីសិក្សាបន្ថែមសម្បូរ បែបសម្របតាមបំណិនសតវត្សរ៍ទី ២១ ។ សាលារៀនចាប់ទទួលចុះឈ្មោះសិស្សចូលរៀនរាល់ថ្ងៃ ។ សម្រាប់ព័ត៌មានបន្ថែម សូមទំនាក់ទំនងទូរស័ព្ទលេខ ៖ ០៩២ ៨៨៨ ៤៩៩ / ០១៥ ៨០៥ ១២៣ ៕
<<កំណត់សម្គាល់: រាល់ការបញ្ចេញមតិទៅលើអត្ថបទមិនមែនជាការទទួលខុសត្រូវរបស់កោះសន្តិភាពទេ។ វាជាការទទួលខុសត្រួវដោយផ្ទាល់របស់អ្នកបញ្ចេញមតិ។ ដូច្នេះ សូមមិត្តអ្នកអានទាំងអស់ ធ្វើការបញ្ចេញ មតិប្រកបដោយការទទួលខុសត្រូវ មានសីលធម៌ និង ប្រកបដោយន័យស្ថាបនា ហើយចៀសវាង ការបញ្ចេញមតិណាដែលមិនពិត ជេរប្រមាថ និង អុជអាល នាំដល់ការយល់ច្រឡំ ឬ ការរើសអើង ជាតិសាសន៍ សាសនា ឬក៏ បុគ្គលណាមួយ។>>
ចែករំលែកព័តមាននេះ