រាជធានី​ភ្នំពេញ​៖ នៅ​ថ្ងៃ​ទី​១៥ ខែកុម្ភៈ ឆ្នាំ​២០២៥ ក្រុមហ៊ុន GAC Motor Cambodia ដែល​ជា​ក្រុមហ៊ុន​បុត្រ​សម្ព័ន្ធ​របស់ TH Group បាន​ប្រកាស​ដល់​សាធារណ​អំពី​សិទ្ធ​នាំ​ចូល និង​ចែកចាយ​ផ្ដាច់មុខ​លើ​ម៉ាក​រថយន្ត GAC និង​គ្រឿងបន្លាស់​រថយន្ត​តែ​មួយ​គត់​នៅ​កម្ពុជា ដោយ​មានការ​ចុះបញ្ជី​ត្រឹមត្រូវ​នៅ​ក្នុង​ក្រសួងពាណិជ្ជកម្ម ​។

នៅ​ក្នុង​សន្និសីទ​សារព័ត៌មាន ស្ដី​អំពី “GAC GN8 សិទ្ធ​នាំ​ចូល និង​ចែកចាយ​ផ្ដាច់មុខ​” លោក ធី ចន្ទ​និមល ប្រធាន​គ្រប់គ្រង​ទូទៅ​នៃ​ក្រុមហ៊ុន GAC MOTOR Cambodia បានឱ្យ​ដឹង​ថា​៖ «​នៅ​ថ្ងៃនេះ​ក្រុមហ៊ុន TH Group សូម​ប្រកាស​ជូន​សាធារណៈជន​ឱ្យ​បាន​ជ្រាប​ថា សិទ្ធ​នាំ​ចូល​រថយន្ត​ម៉ាក GAC និង​ចែកចាយ​ផ្ដាច់មុខ គឺ​មាន​តែ​ក្រុមហ៊ុន GAC Motor Cambodia តែ​មួយ​គត់ ព្រោះថា ក្រុមហ៊ុន​មានការ​ព្រួយបារម្ភ​យ៉ាង​ខ្លាំង​ចំពោះ​ផល​ប៉ះពាល់​ដែល​កំពុង​កើតឡើង ដោយ​អ្នក​នាំ​ចូល​ដែល​គ្មាន​សិទ្ធ​នាំ​ចូល​រថយន្ត GAC GN8 បាន​បំពាន​យ៉ាងធ្ងន់ធ្ងរ​មក​លើ​ម៉ាក​យីហោ​មួយ​នេះ​» ​។

លោក ធី ចន្ទ​និមល បន្ត​ថា ក្រុមហ៊ុន​ទទួល​ព័ត៌មាន​ពី​អតិថិជន ដែល​បាន​ទិញ​រថយន្ត GAC GN8 ពី​អ្នក​នាំ​ចូល​ដែល​គ្មាន​សិទ្ធ​នាំ​ចូល​ទាំងនោះ បាន​បង្ក​ឲ្យ​មាន​មាន​ផល​រំខាន​ដល់​អារម្មណ៍ អ្នក​ប្រើប្រាស់​យ៉ាង​ខ្លាំង​។ ព្រោះថា​គាត់​បាន​ទិញ​រថយន្ត GAC GN8 ពី​អ្នក​នាំ​ចូល​មិន​ផ្លូវការ រថយន្ត​គ្មាន​ស្តង់ដារ​ត្រឹមត្រូវ បន្ទាប់​ពី​គាត់​បាន​ប្រើប្រាស់​មួយ​រយៈ​រថយន្ត​បាន​ជួប​នូវ​បញ្ហា​រអាក់រអួល ឬ Error នៅ​លើ​ប្រព័ន្ធ Software និង​មិន​ទទួល​បានការ​ធានា​ត្រឹមត្រូវ​ ។

លោក ធី ចន្ទ​និមល គូសបញ្ជាក់​ថា ៖ «​នេះ ជា​ផល​អវិជ្ជមាន​ដ៏​ធំ​មួយ​ដែល​យើងខ្ញុំ​ជា​ក្រុមហ៊ុន​ផ្លូវការ​មាន​ក្ដី​បារម្ភ​យ៉ាង​ខ្លាំង ព្រោះ​វា​បាន​បង្ក​នូវ​ផល​ប៉ះពាល់​យ៉ាងធ្ងន់ធ្ងរ និង​អាច​បំផ្លាញ​លើ​ម៉ាក​យីហោ​មួយ​នេះ ​។ ក្នុង​នាម​យើងខ្ញុំ ដែល​ជា​ក្រុមហ៊ុន​ទទួល​បាន​សិទ្ធ​នាំ​ចូល និង​ចែកចាយ​ផ្ដាច់មុខ មិន​អាច​ទទួលយក​បាន​នោះ​ឡើយ និង​រឹតតែ​មិន​អាច​បណ្ដោយ​ក្រុម​អ្នក​នាំ​ចូល​ដែល​គ្មាន​សិទ្ធ បំពាន​លើ​សិទ្ធ​នាំ​ចូល និង​ចែកចាយ​ផ្ដាច់មុខ​ម៉ាក​យីហោរ GAC​ ។ ថ្ងៃនេះ ជូនដំណឹង​អ្នក​នាំ​ចូល​ដែល​គ្មាន​សិទ្ធ​ទាំងអស់​ឲ្យ​បញ្ឈប់​ជា​បន្ទាន់​នូវ​រាល់​ការ​នាំ​ចូល​រថយន្ត​ម៉ាក GAC គ្រប់​ម៉ូ​ឌែ​ល​ទាំងអស់ ជា​ពិសេស​ម៉ូ​ឌែ​ល GAC GN8 ប្រសិនបើ​នៅ​បន្ត​បំពាន​លើ​សិទ្ធ​ស្របច្បាប់​នេះ ក្រុមហ៊ុន​នឹង​អនុវត្ត​ទៅ​តាម​នីតិវិធី​ច្បាប់​នៃ​ព្រះរាជាណាចក្រ​កម្ពុជា​» ។

ជាមួយ​គ្នា​នេះ​ផង​ដែរ លោក ធី ចន្ទ​និមល បាន​ប្រាប់​ដំណឹង​ល្អ​សម្រាប់​អតិថិជន ដើម្បី​ឆ្លើយ​តប​ចំពោះ ការ​គាំទ្រ​របស់​អតិថិជន​យ៉ាងច្រើន GAC GN8 នា​ពេល​បច្ចុប្បន្ន និង​ការ​ជួយ​គាំទ្រ​ពី​រោងចក្រ GAC ដើម្បី​ពង្រីក​ទីផ្សារ​នៅ​កម្ពុជា ក្រុមហ៊ុន​សម្រេច​ប្រកាស​ផ្ដល់​ជូន​តម្លៃ​ថ្មី​សម្រាប់​ឆ្នាំ​ថ្មី​នេះ ដែល​មាន​តម្លៃ​សមរម្យ និង​មានការ​ធានា​ត្រឹមត្រូវ​ពី​រោងចក្រ GAC ត្រឹមតែ $65,000 តែ​ប៉ុណ្ណោះ សម្រាប់​កំរិត Master (top options) ​។

សូម​ជម្រាប​ផង​ដែរ​ថា THH IMPORT EXPORT Co., Ltd ដែល​ជា​ក្រុមហ៊ុន​បុត្រ​សម្ព័ន្ធ​មួយ​របស់ TH Group បាន​ទទួល​សិទ្ធ​នាំ​ចូល និង​ចែកចាយ​លក់​រថយន្ត GAC និង​គ្រឿងបន្លាស់​រថយន្ត​ផ្តាច់​មុខតែ​មួយ​គត់​ក្នុង​ព្រះរាជាណាចក្រ​កម្ពុជា ចាប់តាំងពី​ឆ្នាំ ២០២០ ពី​ក្រុមហ៊ុន GAC Motor ដែល​ជា​ក្រុមហ៊ុន​ផលិត​រថយន្ត​គុណភាព​ខ្ពស់​របស់​ប្រទេស​ចិន ​។

សម្រាប់​ព័ត៌មាន​បន្ថែម​អំពី​ក្រុមហ៊ុន សូម​ចូល​ទៅ​កាន់​គេហទំព័រ​ហ្វេ​ស​បុក​ផេ​ក​ផ្លូវការ GAC Motor Cambodia ឬ​លេខ​ទំនាក់ទំនង​ផ្នែក​លក់​៖ 095 999 029 (KH/ Eng), 095 999 026 (中文) ៕ អត្ថបទ​សហការ