រាជធានីភ្នំពេញ ៖ ទឹកពិសា ហាយ-ធិច ពិតជាមានកិត្តិយស និងសេចក្ដីសោមនស្សរីករាយដែលបានចូលរួមជាម្ចាស់ឧបត្ថម្ភធំក្នុងកម្មវិធី «យើងរួមគ្នាបរិច្ចាគ ឈាម 1,000 សាក់…
រាជធានីភ្នំពេញ ៖ ទឹកពិសា ហាយ-ធិច ពិតជាមានកិត្តិយស និងសេចក្ដីសោមនស្សរីករាយដែលបានចូលរួមជាម្ចាស់ឧបត្ថម្ភធំក្នុងកម្មវិធី «យើងរួមគ្នាបរិច្ចាគ ឈាម 1,000 សាក់ ដើម្បីជួយសង្គ្រោះជីវិត» ដោយមានការគាំទ្រដ៏ខ្ពង់ខ្ពស់បំផុតពី សម្តេចអគ្គមហាសេនាបតីតេជោ ហ៊ុន សែន ប្រធានព្រឹទ្ធសភានៃព្រះរាជាណាចក្រកម្ពុជា ព្រមទាំងមានការរួមដ៏ថ្លៃថ្លាពីសំណាក់ ឯកឧត្តម ឧបនាយករដ្ឋមន្ត្រី ហ៊ុន ម៉ានី កាលពីថ្ងៃទី ១៨ កុម្ភៈ ២០២៥ កន្លងមកនេះ ។
តួលេខសរុបអ្នកចូលរួមបរិច្ចាគឈាមក្នុងកម្មវិធីរបស់យើងគឺ មានចំនួនសរុបជាង 2,000 នាក់ ដែលក្នុងនោះអ្នកបរិច្ចាគឈាមបានជោគជ័យសរុប 1,257 នាក់ ដែលជាចំនួនច្រើនជាងគេ និងបំបែកកំណត់ត្រានៅក្នុងព្រឹត្តិការណ៍បរិច្ចាគឈាមកន្លងមក នៅក្នុងនោះផងដែរតួលេខនេះផងដែរ យើងមានបងប្អូនដែលធ្លាក់តេស្តសុខភាពចំនួន 550 នាក់ និងមានប្រភេទឈាម B ចំនួន 315នាក់ ដែលត្រូវបានលើកទៅបរិច្ចាគនៅពេលក្រោយ នេះគឺជារបាយការណ៏ដែលបានពីមជ្ឈមណ្ឌលជាតិផ្តល់ឈាម ។
ទន្ទឹមនឹងនេះផងដែរ យើងក៏មានកម្មវិធីប្រកួតបាល់ទាត់យ៉ាងពិសេសរវាង ក្រុមពិធីករកីឡាកម្ពុជា និងក្រុមបាល់ទាត់គុនខ្មែរ ដែលជាការអបអរយុទ្ធនាការបរិច្ចាគឈាមនេះ ហើយក៏សូមអរគុណបងៗកីឡាករទាំងអស់គ្នាផងដែរ ដែលបានខិតខំប្រឹងប្រែងក្នុងការប្រកួតយ៉ាងស្វិតស្វាញ ហើយនៅក្នុងជំនួបនោះដែរលទ្ធផលរបស់ក្រុមទាំងពីរគឺ 4 ទល់នឹង 4 ។
ការបរិច្ចាគឈាម គឺជាទង្វើមនុស្សធម៌ ដែលយើងគ្រប់គ្នាអាចធ្វើបាន និងងាយស្រួលបំផុត ដោយមិនចាំបាច់ចំណាយប្រាក់កាសឡើយ ។ ឈាមពិតជាមានតម្លៃ និងមិនមានរោងចក្រណាអាចផលិតបានទេ មានតែប្រជាជនយើងប៉ុណ្ណោះដែលអាចជួយគ្នាទៅវិញទៅមកបាន ។ លើសពីនេះទៅទៀត ការបរិច្ចាគឈាមមិនត្រឹមតែអាចជួយសង្គ្រោះជីវិតប្រជាជនដែលកំពុងត្រូវការប៉ុណ្ណោះទេ ថែមទាំងផ្ដល់អត្ថប្រយោជន៍សុខភាពដល់យើងដែលជាអ្នកបរិច្ចាគផងដែរ ។
«ខ្ញុំផ្ដល់ឈាម ខ្ញុំផ្ដល់ក្ដីសង្ឃឹម» និង «ការបរិច្ចាគឈាមមានសុវត្ថិភាព និង មិនប៉ះពាល់សុខភាពនោះទេ»
ជាចុងក្រោយ ក្រុមហ៊ុនទឹកពិសា ហាយ-ធិច សូមថ្លែងអំណរគុណយ៉ាងជ្រាលជ្រៅនូវទឹកចិត្តដ៏ល្អប្រពៃរបស់អ្នកទាំងអស់គ្នាដែលជាខ្មែរដើម្បីជួយខ្មែរ ដែលបានចូលរួមយ៉ាងច្រើនកុះករដើម្បីធ្វើឱ្យកម្មវិធីមួយនេះដំណើរការយ៉ាងរលូន និងបំបែកកំណត់ត្រាជាកម្មវិធីបរិច្ចាគឈាមដែលមានអ្នកចូលរួមបរិច្ចាគច្រើនជាងគេ ។ មិនតែប៉ុណ្ណោះសូមកុំភ្លេចពិសាទឹកឱ្យបានច្រើន ព្រោះរាងកាយរបស់យើងត្រូវការតុល្យភាពជាតិទឹកនៅក្នុងខ្លួន ៧០ភាគរយ ហើយជ្រើសរើសទឹកដែលមាន គុណភាព ស្តង់ដារ និងអនាម័យ គឺទឹកពិសា ហាយ-ធិច សម្រាប់សុខភាពលោកអ្នក ៕ អត្ថបទសហការ
ចែករំលែកព័តមាននេះ