ADផ្ទាំងផ្សព្វផ្សាយពាណិជ្ជកម្ម

សំខាន់ណាស់ ! ធ្វើដូចម្តេចឱ្យកូនមានភាពក្លាហានក្នុងជីវិត

3 ថ្ងៃ មុន

០៤ ខែ កុម្ភៈ ឆ្នាំ ២០២៥ ម៉ោង ១១:៥៨

រាជធានីភ្នំពេញ ៖ កុមារត្រូវការលំហាត់ប្រាណ អាហារដែលមានសុខភាព និងការអប់រំល្អ ដើម្បីទទួលបានជោគជ័យក្នុងឆាកជីវិត ។ ពួកគេក៏ត្រូវការជំនួយក្នុងការកសាងទំនុកចិត្ត និងជំនាញនានា ដើម្បីឱ្យពួកគេអាចក្លាយជាអ្នកដឹកនាំដ៏ជោគជ័យ ។ ការក្លាយជាអ្នកដឹកនាំទាមទារភាពក្លាហាន ហើយឪពុកម្តាយ គឺជាគំរូដ៏អស្ចារ្យ ។ សូមបន្តអានអត្ថបទខាងក្រោមឱ្យបានចប់ ដើម្បីរៀនពីវិធីសាស្ត្រ ៥ យ៉ាង ដើម្បីបង្រៀនក្មេងឱ្យក្លាហាននៅគ្រប់វ័យ ៖

១. ដឹកនាំដោយឧទាហរណ៍ ៖ បើអ្នកចង់ចិញ្ចឹមកូនក្លាហាន រឿងសំខាន់បំផុតដែលអ្នកអាចធ្វើបាន គឺការដឹកនាំដោយគំរូ ។ កុមាររៀន ហើយចម្លងអ្វីដែលពួកគេឃើញ វាជារបៀបដែលពួកគេរៀនធ្វើ សូម្បីតែកិច្ចការធម្មតាបំផុត ដូចជាការញ៉ាំដោយខ្លួនឯង ឬក្រោកឈរជាដើម ។ ទោះបីជាកូនអ្នកធំពេញវ័យក្តី ពួកគេនៅតែបន្តសំឡឹងមើលទៅអ្នកដទៃសម្រាប់ឧទាហរណ៍អំពីរបៀបដែលពួកគេគួរធ្វើ និងមិនគួរធ្វើ ។ បន្តបើកចិត្តឱ្យទូលាយអំពីការភ័យខ្លាច និងការថប់បារម្ភរបស់អ្នក បន្ទាប់មកបង្ហាញកូនរបស់អ្នកពីរបៀបដែលអ្នកធ្វើការឆ្លងកាត់ការភ័យខ្លាចទាំងនោះ ដើម្បីសម្រេចនូវអ្វីដែលអ្នកបានកំណត់ ។

២. បង្រៀនភាពស្មោះត្រង់ ៖ ត្រូវប្រាកដថា អ្នកបង្ហាញផងដែរថា វាមិនអីទេក្នុងការភ័យខ្លាច ហើយវាមិនអីទេក្នុងការចែករំលែកវាជាមួយអ្នកដទៃ ។ កុំលាក់អារម្មណ៍ផ្ទាល់ខ្លួនរបស់អ្នក ជាពិសេសនៅពេលអ្នកខ្លាចធ្វើអ្វីមួយ ។

៣. បង្ហាញគំរូតួនាទីដ៏រឹងមាំផ្សេងទៀត ៖ ការស្វែងរកវិធីដើម្បីណែនាំគំរូដ៏រឹងមាំជាច្រើននៅក្នុងជីវិតរបស់កូនអាចជួយឱ្យពួកគេរៀនពីភាពក្លាហានផងដែរ ។ រាប់ចាប់ពីកម្មវិធីទូរទស្សន៍ ភាពយន្ត រហូតដល់សៀវភៅប្រវត្តិសាស្ត្រ វាសុទ្ធតែជាឱកាសដើម្បីបង្ហាញកូនរបស់អ្នកនូវគំរូនៃភាពក្លាហាន ឬបង្រៀនពួកគេពីមេរៀនសីលធម៌សំខាន់ៗផ្សេងទៀត ។

៤. លេងដើរតួ ៖ ចូរលើកទឹកចិត្តកូនរបស់អ្នកឱ្យដើរតួជាអ្នករុករក វីរបុរស កំពូលអ្នកផ្សងព្រេង និងតួនាទីផ្សេងទៀតដែលអនុញ្ញាតឱ្យពួកគេ “យកឈ្នះ” ការភ័យខ្លាចរបស់ពួកគេ ។

៥. ពន្យល់ពីភាពក្លាហានក្នុងផ្លូវត្រូវ ៖ គ្រប់ពេលដែលអ្នកព្យាយាមបង្រៀនភាពក្លាហានតាមរយៈហ្គេម ឬសកម្មភាព ត្រូវប្រាកដថា កូនរបស់អ្នកយល់ពីភាពក្លាហានពិតប្រាកដ ។ នៅពេលអ្នកពន្យល់ និងលើកទឹកចិត្តឱ្យមានភាពក្លាហាន ត្រូវប្រាកដថា អ្នកកំពុងបង្ហាញពីរបៀបដើម្បីមានភាពក្លាហាន ។ កូនតូចរបស់អ្នកត្រូវមើលឃើញថា ភាពក្លាហានមានគ្រប់ទម្រង់ និងគ្រប់ទំហំ ៕ ប្រភព ៖ childrenfirstcanada

អត្ថបទនេះផលិតឡើងក្រោមកិច្ចសហប្រតិបត្តិការជាមួយសាលារៀនវ៉េស្ទឡាញន៍ និងសាលារៀនណត្សឡាញន៍ ។ វគ្គសិក្សាថ្មីចូលរៀនថ្ងៃទី ៣ ខែកុម្ភៈ ឆ្នាំ ២០២៥ ។ លារៀនមានកម្មវិធីអប់រំ និងថែទាំកុមារតូច ចំណេះទូទៅខ្មែរពីថ្នាក់មត្តេយ្យ ដល់ទី ១២ ភាសាចិនទូទៅ និងភាសាអង់គ្លេសទូទៅ ។ សាលារៀនផ្តល់ជូនអាហារូបករណ៍រហូតដល់ ៣០% ការធានារ៉ាប់រងគ្រោះថ្នាក់បុត្រធីតា និងការការពារការសិក្សាបុត្រធីតារហូតដល់ ៥ ឆ្នាំ សម្រាប់ការចុះឈ្មោះត្រឹមថ្ងៃទី ៩ កុម្ភៈ ២០២៥ ។ សម្រាប់ព័ត៌មានបន្ថែម សូមទំនាក់ទំនងទូរស័ព្ទលេខ ៖ ០៩២ ៨៨៨ ៤៩៩ / ០១៥ ៨០៥ ១២៣ ៕