ADផ្ទាំងផ្សព្វផ្សាយពាណិជ្ជកម្ម

៧ គន្លឹះសម្រាប់ឪពុកម្តាយសុំទោសកូន !

4 ថ្ងៃ មុន

២៨ ខែ មករា ឆ្នាំ ២០២៥ ម៉ោង ១៥:០៨

រាជធានីភ្នំពេញ ៖ ឪពុកម្តាយជាច្រើនតែងតែមើលរំលងពីសារៈសំខាន់នៃការនិយាយថា “ប៉ា ឬម៉ាក់សុំទោស” ទៅកាន់កូន ប៉ុន្តែតើអ្នកដឹងទេថា វាមានសារៈសំខាន់ណាស់សម្រាប់កូនៗក្នុងការស្តាប់លឺពាក្យទាំងនេះ ។ ដូច្នេះ ចូររៀនពីរបៀបសុំទោស ដើម្បីពង្រឹងទំនាក់ទំនងរបស់អ្នក ។ ឪពុកម្តាយអាចមានការលំបាកក្នុងការនិយាយ និងសារភាពកំហុស ក៏ព្រោះតែពួកគេជឿថា ការសុំទោសស្មើនឹងភាពទន់ខ្សោយរបស់ឪពុកម្តាយ ។ ឪពុកម្តាយជាច្រើនកំពុងគិតថានឹងបាត់បង់ការគ្រប់គ្រង ហើយកុមារនឹងបានចិត្ត នេះជាការយល់ខុស ។ ខាងក្រោមនេះ គឺជាគន្លឹះដ៏ល្អបំផុតសម្រាប់ការសុំទោសចំពោះកូនៗ ៖

១. ទទួលស្គាល់អារម្មណ៍ឈឺចាប់របស់ពួកគេ ៖ ចូរបង្ហាញការទទួលស្គាល់យ៉ាងពិតប្រាកដអំពីការឈឺចាប់របស់ពួកគេ នោះទំនាក់ទំនងរបស់អ្នកទាំងពីរអាចត្រូវបានជួសជុលឡើងវិញ ។ ឧទាហរណ៍ ប៉ា ម៉ាក់ សុំទោស ដែលយើងប្រតិកម្មខ្លាំងពេក ហើយស្រែកដាក់កូន ប៉ាដឹងថា វាធ្វើឱ្យកូនមានអារម្មណ៍មិនល្អ ។ លើកក្រោយ ប៉ានឹងព្យាយាមប្រាប់កូនពីអ្វីដែលប៉ាចង់និយាយសិន ។

២. ទទួលខុសត្រូវ ចំពោះអ្វីដែលអ្នកបានធ្វើខុស ៖ ការទទួលស្គាល់កំហុស ការជេរប្រមាថ ឬការមិនយល់ចិត្ត ជាជំហានដំបូងក្នុងការសុំទោសកូនឱ្យបានត្រឹមត្រូវ ។

៣. ពន្យល់ពីមូលហេតុដែលវាកើតឡើង ៖ មនុស្សមិនតែងតែដឹងពីខ្លួនឯងទេ ដូច្នេះ ចូរប្រាប់កូនថា មានរឿងអ្វីកើតឡើង ពួកគេបានធ្វើអ្វីខ្លះ ហើយថា តើអាកប្បកិរិយាណាខ្លះដែលមិនសមរម្យ ដែលធ្វើឱ្យអ្នកខឹងកូន ។

៤. បង្ហាញថា អ្នកមិនធ្វើវាម្តងទៀត ៖ ការសុំទោស គឺអំពីការទទួលស្គាល់អាកប្បកិរិយាមិនសមរម្យរបស់អ្នកផ្ទាល់ ប៉ុន្តែវាមិនមានន័យថា អ្នកត្រូវតែសុំទោស ឬដោះស្រាយនូវអ្វីដែលអ្នកបានធ្វើខុសនោះទេ ។ ការសុំទោសពិតប្រាកដបង្ហាញពីការយល់ចិត្ត និងទំនាក់ទំនងរបស់អ្នកទាំងពីរ របស់កុមារនៅពេលក្រោយ ។ អ្នកអាចនិយាយថា លើកក្រោយ ប៉ានឹងនឹងព្យាយាមដកដង្ហើមវែងៗ ជាជាងស្រែកដាក់កូន ។

៥. ត្រូវច្បាស់លាស់ និងសង្ខេប ៖ ពេលអ្នកនិយាយ ត្រូវច្បាស់លាស់ សង្ខេប និងបង្ហាញដោយស្មោះចំពោះកុមារថា គ្មាននរណាម្នាក់ល្អឥតខ្ចោះទេ ។

៦. ផ្តល់សំណងម្តងម្កាល ៖ សំណួរថា តើកូនមានអារម្មណ៍យ៉ាងណា ? អាចបំភ្លឺនូវអ្វីដែលបានកើតឡើង ។ អ្នកក៏អាចបន្តនិយាយថា តើប៉ាអាចជួសជុលបញ្ហានេះបានដោយរបៀបណា ? យើងទៅញ៉ាំអី ឬដើរលេងជាមួយគ្នាបានទេ ? រឺការផ្តល់សំណងនេះបញ្ជាក់ពីអារម្មណ៍របស់កូន ហើយធ្វើឱ្យពួកគេមានអារម្មណ៍ថា អ្នកខ្វល់ពីពួកគេ ។

៧. និយាយពាក្យថា ប៉ា ម៉ាក់សុំទោស ៖ មនុស្សនៅតែចង់ឮពាក្យថា “ខ្ញុំសុំទោស” ។ ដូច្នេះពេលដែលអ្នកចេញមុខសុំទោស សូមកុំភ្លេចពាក្យពីរម៉ាត់នេះ ៕ ប្រភព ៖ parents

អត្ថបទនេះផលិតឡើងក្រោមកិច្ចសហប្រតិបត្តិការជាមួយសាលារៀនវ៉េស្ទឡាញន៍ និងសាលារៀនណត្សឡាញន៍ ។ វគ្គសិក្សាថ្មីចូលរៀនថ្ងៃទី ៣ ខែកុម្ភៈ ឆ្នាំ ២០២៥ ។ លារៀនមានកម្មវិធីអប់រំ និងថែទាំកុមារតូច ចំណេះទូទៅខ្មែរពីថ្នាក់មត្តេយ្យ ដល់ទី ១២ ភាសាចិនទូទៅ និងភាសាអង់គ្លេសទូទៅ ។ សាលារៀនផ្តល់ជូនអាហារូបករណ៍រហូតដល់ ៣០% ការធានារ៉ាប់រងគ្រោះថ្នាក់បុត្រធីតា និងការការពារការសិក្សាបុត្រធីតារហូតដល់ ៥ ឆ្នាំ សម្រាប់ការចុះឈ្មោះត្រឹមថ្ងៃទី ៩ កុម្ភៈ ២០២៥ ។ សម្រាប់ព័ត៌មានបន្ថែម សូមទំនាក់ទំនងទូរស័ព្ទលេខ ៖ ០៩២ ៨៨៨ ៤៩៩ / ០១៥ ៨០៥ ១២៣ ៕