រាជធានីភ្នំពេញ ៖ កុមារអាចមានបញ្ហាសុខភាពផ្លូវចិត្ត ដែលរំខានដល់ការគិត អារម្មណ៍ និងទង្វើរបស់ពួកគេ ។ សុខភាពផ្លូវចិត្តរបស់កុមារមានសារៈសំខាន់ដូចសុខភាពរាងកាយរបស់ពួកគេ ហើយកុមារដែលមានបញ្ហាសុខភាពផ្លូវចិត្តត្រូវការជំនួយជាចាំបាច់ ពីព្រោះជំងឺផ្លូវចិត្ត…
រាជធានីភ្នំពេញ ៖ កុមារអាចមានបញ្ហាសុខភាពផ្លូវចិត្ត ដែលរំខានដល់ការគិត អារម្មណ៍ និងទង្វើរបស់ពួកគេ ។ សុខភាពផ្លូវចិត្តរបស់កុមារមានសារៈសំខាន់ដូចសុខភាពរាងកាយរបស់ពួកគេ ហើយកុមារដែលមានបញ្ហាសុខភាពផ្លូវចិត្តត្រូវការជំនួយជាចាំបាច់ ពីព្រោះជំងឺផ្លូវចិត្ត អាកប្បកិរិយា ឬអារម្មណ៍មិនល្អអាចប៉ះពាល់ដល់អនាគតរបស់ពួកគេ ។
តើយើងដឹងដោយរបៀបណា ប្រសិនបើបញ្ហារបស់កូនខ្ញុំធ្ងន់ធ្ងរ ? បញ្ហាសមនឹងទទួលបានការយកចិត្តទុកដាក់ នៅពេលដែលវាធ្ងន់ធ្ងរ យូរអង្វែង ឬប៉ះពាល់ដល់សកម្មភាពប្រចាំថ្ងៃរបស់កូន ។ សូមប្រញាប់ទាក់ទងទៅគ្រូពេទ្យជំនាញ ប្រសិនបើកូនរបស់អ្នក ៖ ជាញឹកញាប់សោកសៅ ព្រួយបារម្ភ ឬភ័យខ្លាច, មានការផ្លាស់ប្តូរចំណង់អាហារ ឬដំណេក, ចំណាយពេលភាគច្រើននៅម្នាក់ឯង ជាជាងនៅជាមួយមិត្តភក្តិ ឬក្រុមគ្រួសារ, ចំណាក់ថ្នាក់សិក្សាចុះទាប ឬមានការចាប់អារម្មណ៍តិចជាងមុន, មានសកម្មភាពច្រើនខុសធម្មតា ឆាប់រំជួលចិត្ត ឬមានបញ្ហាក្នុងការផ្តោតអារម្មណ៍, ការបំផ្លាញខ្លួនឯង ឬធ្វើបាបអ្នកដទៃ និងធ្វើទារុណកម្ម ឬសម្លា.ប់សត្វ ។
តើគួរទៅរកជំនួយនៅឯណា ? ជាដំបូង សូមឱ្យកូនរបស់អ្នកទៅជួបគ្រូពេទ្យរបស់ក្រុមគ្រួសារអ្នក ។ ប្រសិនបើរកមិនឃើញបញ្ហាណាមួយទេ ពួកគេអាចណែនាំឱ្យយកកូនរបស់អ្នកទៅរកជំនួយពីអ្នកជំនាញ អ្នកប្រឹក្សា ឬអ្នកចិត្តសាស្ត្រ ។
តើកុមារដែលមានបញ្ហាសុខភាពផ្លូវចិត្តត្រូវបានព្យាបាលយ៉ាងដូចម្តេច ? ពេលខ្លះ ការព្យាបាលចិត្តសាស្ត្រ យុទ្ធសាស្ត្រអាកប្បកិរិយា យុទ្ធសាស្ត្រក្នុងថ្នាក់រៀន និងការគាំទ្រពីគ្រួសារអាចជាតម្រូវការរបស់កុមារទាំងអស់ ។ ក្នុងករណីផ្សេងទៀត ថ្នាំ និងការព្យាបាលដោយគ្រួសារ គឺតម្រូវការចាំបាច់ ។ កូនរបស់អ្នកគួរតែត្រូវបានមើល និងវាយតម្លៃជាទៀងទាត់ ប្រសិនបើគ្រូពេទ្យចេញថ្នាំឱ្យប្រើប្រាស់ ។ ប្រសិនបើមិនបានព្យាបាល ជំងឺផ្លូវចិត្តអាចនាំទៅដល់ការបរាជ័យនៅសាលារៀន ការប្រើប្រាស់គ្រឿងញៀ.ន អំពើហិ.ង្សា និងសូម្បីតែការធ្វើអត្តឃា.ត ។ កុមារភាគច្រើនដែលបានទទួលបានការព្យាបាល និងជំនួយត្រឹមត្រូវនឹងប្រសើរឡើង ។ ពួកគេបន្តរស់នៅក្នុងជីវិតពេញលេញធម្មតា និងមានសុខភាពល្អដូចមនុស្សពេញវ័យ ។ ការទទួលបានជំនួយទាន់ពេលវេលា គឺជាគន្លឹះនៃលទ្ធផលវិជ្ជមាន ៕ ប្រភព ៖ urmc
អត្ថបទនេះផលិតឡើងក្រោមកិច្ចសហប្រតិបត្តិការជាមួយសាលារៀនវ៉េស្ទឡាញន៍ និងសាលារៀនណត្សឡាញន៍ ។ សាលារៀនមានកម្មវិធីអប់រំ និងថែទាំកុមារតូច មតេ្តយ្យ ភាសាអង់គ្លេសសម្រាប់កុមារ ភាសាអង់គ្លេសសម្រាប់សិស្សធំ ភាសាចិន និងចំណេះទូទៅខ្មែរពីថ្នាក់ទី ១ ដល់ទី ១២ ។ សាលារៀនផ្តល់ជូនការធានារ៉ាប់រងគ្រោះថ្នាក់បុត្រធីតា ការការពារការសិក្សាបុត្រធីតារហូតដល់ ៥ ឆ្នាំ សេវាកម្មគាំទ្រ និងកម្មវិធីសិក្សាបន្ថែមសម្បូរបែបសម្របតាមបំណិនសតវត្សរ៍ទី ២១ ។ សាលារៀនចាប់ទទួលចុះឈ្មោះសិស្សចូលរៀនរាល់ថ្ងៃ ។ សម្រាប់ព័ត៌មានបន្ថែម សូមទំនាក់ទំនងទូរស័ព្ទលេខ ៖ ០៩២ ៨៨៨ ៤៩៩ / ០១៥ ៨០៥ ១២៣ ៕
ចែករំលែកព័តមាននេះ