រាជធានីភ្នំពេញ ៖ នៅថ្ងៃទី ០៥ ខែធ្នូ ឆ្នាំ ២០២៤ ក្រុមហ៊ុន ពេទ្យយើង ហ៊ែលថេក…
រាជធានីភ្នំពេញ ៖ នៅថ្ងៃទី ០៥ ខែធ្នូ ឆ្នាំ ២០២៤ ក្រុមហ៊ុន ពេទ្យយើង ហ៊ែលថេក ឯ.ក (ហៅ ពេទ្យយើង) ដែលជាក្រុមហ៊ុនបច្ចេកវិទ្យា សុខាភិបាលឌីជីថលឈានមុខគេរបស់កម្ពុជា និងមន្ទីរពេទ្យដៃគូ មន្ទីរពេទ្យកុមារជាតិ ដែលជាមន្ទីរពេទ្យបង្អែកជាតិដ៏ធំបំផុត និងជាមន្ទីរពេទ្យផ្តល់សេវាថែទាំសុខភាពកុមារឌីជីថលដំបូងគេ ក្នុងប្រទេសកម្ពុជាបានធ្វើជាម្ចាស់ផ្ទះ ទទួលគណប្រតិភូមន្ត្រីរដ្ឋាភិបាល និងប្រតិភូធុរកិច្ចជនឡាវ សម្រាប់ធ្វើទស្សនៈកិច្ចសិក្សាស្វែងអំពីសេវាសុខាភិបាលឌីជីថលនៅកម្ពុជា ខណៈប្រតិភូមកពីសាធារណរដ្ឋប្រជាធិបតេយ្យប្រជាមានិតឡាវ ដែលដឹកនាំដោយ ឯកឩត្តម Sonexay Siphandone នាយករដ្ឋមន្ត្រី មកបំពេញទស្សកិច្ចជាផ្លូវរដ្ឋ និងធ្វើជាសហប្រធានវេទិកាធុរកិច្ចកម្ពុជា-ឡាវ នៅរាជធានីភ្នំពេញ ជាមួយ សម្តេចមហាបរវរធិបតី ហ៊ុន ម៉ាណែត នាយករដ្ឋមន្ត្រីនៃព្រះរាជាណាចក្រកម្ពុជា កាលពីថ្ងៃ ០៣ ខែធ្នូ ឆ្នាំ ២០២៤ កន្លងទៅនេះ ។
លោកស្រី ប៉ុង លីមសាន ស្ថាបនិកនិងប្រធាននាយកប្រតិបត្តិ ក្រុមហ៊ុនបច្ចេកវិទ្យាសុខាភិបាល ពេទ្យយើង ហែលថេក ឯ.ក បានឱ្យដឹងថា ៖ «ក្នុងទិសដៅពង្រីកទីផ្សារអន្តរជាតិ នៅខែតុលា ឆ្នាំ2024 ក្រុមហ៊ុនពេទ្យយើង បានចុះកិច្ចព្រមព្រាងបង្កើតជាដៃគូយុទ្ធសាស្ត្រ ជាមួយសមភាគីនៅឡាវគឺ ក្រុមហ៊ុនបណ្តុះបណ្តាល និងទីលើផ្នែកប្រឹក្សាបច្ចេកវិទ្យា Enterprise and Development Consultants Co., Ltd. (ហៅថា EDC Lao) ។ ហើយជាលទ្ធផលវិជ្ជមាន ក្រុមហ៊ុន EDC Pethyoeung Laos ទទួលបានការគាំទ្រ និងបានចាប់ផ្តើមមានគ្លីនិកដៃគូ អនុវត្តនូវប្រព័ន្ធសុខាភិបាលឌីជីថល ពេទ្យយើង ដើម្បីផ្លាស់ប្តូរមកកាន់សេវាថែទាំសុខភាពតាមប្រព័ន្ធឌីជីថល ក្នុងគោលបំណងធ្វើឱ្យប្រសើរឡើង នូវលទ្ធផលថែទាំសុខភាព សម្រាប់ប្រជាជនឡាវតាមរយៈ បណ្តាញមន្ទីរពេទ្យ និងគ្លីនិករបស់យើងក្នុងប្រទេសឡាវ» ។
សូមជម្រាបផងដែរថា មន្ទីរពេទ្យកុមារជាតិជាមន្ទីរពេទ្យថ្នាក់ជាតិ ដែលបានអនុវត្តកម្មវិធីគ្រប់គ្រងមន្ទីរពេទ្យ និងសេវាឌីជីថល ពេទ្យយើង ដើម្បីធ្វើផ្លាស់ប្តូរប្រតិបត្តិការនៅក្នុងមន្ទីរពេទ្យ និងសេវាថែទាំសុខភាពរបស់មន្ទីរពេទ្យទាំងមូលប្រតិបត្តិការបែបឌីជីថលពេញលេញចាប់តាំងពីឆ្នាំ២០២២ ។ អ្នកជំងឺ ដែលមកទទួលសេវាព្យាបាលនៅមន្ទីរពេទ្យឥឡូវនេះ គឺទទួលបានកំណត់ត្រាឌីជីថលពីមន្ទីរពេទ្យ ហើយអាចរក្សាទុកបែបឌីជីថលលើស្មាតហ្វូនរបស់ពួកគេ។ ពួកគេ ក៏ទទួលបានសាររំលឹកត្រូវត្រឡប់មកជួបវេជ្ជបណ្ឌិតវិញ ទទួលបានវេជ្ជបញ្ជាឌីជីថល និងការជូនដំណឹងអំពីការលេបថ្នាំតាមវេជ្ជបញ្ជារបស់ពួកគេតាមកាលវិភាគបានណែនាំ។ លើសពីនេះទៀត អ្នកជំងឺទទួលបានអត្ថបទគន្លឹះថែទាំជឿទុកចិត្តប្រចាំថ្ងៃពីប្រភពច្បាស់លាស់ និងវេជ្ជបណ្ឌិតជំនាញ ។
ឆ្លៀតក្នុងឱ្យកាសដំណើរទស្សនកិច្ច របស់គណប្រតិភូមកពីប្រទេសឡាវ នាយកមន្ទីរពេទ្យកុមារជាតិ ឯកឧត្តមវេជ្ជបណ្ឌិត ញឺប អង្គាបុស្ស បានមានប្រសាសន៍ថា ៖ «ដំណើរទស្សនកិច្ចនាពេលនេះយើងបានផ្លាស់ប្តូរបទពិសោធន៍គ្នាទៅវិញទៅមក ហើយឃើញថាការប្រើប្រាស់បច្ចេកវិទ្យា អែបមួយនេះ គឺប្រហាក់ប្រហែលជាមួយខាងយើងដែរ» ។
ប្រព័ន្ធបច្ចេកវិទ្យាសុខាភិបាលឌីជីថល ពេទ្យយើង ត្រូវបានដាក់ឱ្យប្រើប្រាស់ និងចូលរួមផ្លាស់ប្តូរប្រតិបត្តិការរបស់មន្ទីពេទ្យរដ្ឋ និងឯកជនរាប់រយក្នុងប្រទេសកម្ពុជា នៅបណ្តាប្រទេសអាស៊ីអាគ្នេយ៍ និងសហរដ្ឋអាមេរិក ជាដើមចាប់តាំងពីឆ្នាំ ២០១៥ ។ ពេទ្យយើងបាននិងកំពុងជួយជាវិជ្ជាមាន ដល់ការថែទាំសុខភាព និងជីវិតរបស់មនុស្សជាង ៥លាននាក់ តាមរយៈដំណោះស្រាយថែទាំសុខភាពឌីជីថលទំនើបរបស់ខ្លួន ហើយអ្នកជំងឺរាប់លាននាក់មានទិន្នន័យវេជ្ជសាស្ត្រឌីជីថលរបស់ពួកគេពីការទៅទទួលសេវានៅមន្ទីរពេទ្យ និងគ្លីនិកដៃគូ ហើយលទ្ធផលថែទាំសុខភាពកាន់តែប្រសើរឡើងជាមុន ដែលពួកគេមិនធ្លាប់ទទួលបានដោយរលូន និងមានសុវត្ថិភាព ។
ជាមួយនឹងដំណោះស្រាយបច្ចេកវិទ្យាសុខាភិបាល ចុងក្រោយបង្អស់របស់ក្រុមហ៊ុន ពេទ្យយើង អ្នកជំងឺអាចភ្ជាប់ទំនាក់ទំនង ជាមួយវេជ្ជបណ្ឌិតដែលជឿទុកចិត្តនិងមានជំនាញតាមរយៈកម្មវិធីអែបដ៏មានសុវត្ថិភាពរបស់យើងគឺ Pethyoeung e-Health ID App ។ Pethyoeung e-Health App កំពុងតែក្លាយទៅជាកម្មវិធីបណ្តុំសេវាសុខាភិបាល និងការថែទាំសុខភាពបែបឌីជីថតែមួយនាពេលអនាគត សម្រាប់មនុស្សគ្រប់គ្នាសម្រាប់សុខភាពប្រសើរជាងមុន និងស្រួលជាងមុន ។
Pethyoeung បានពង្រីកទីផ្សារ នៅបណ្តាប្រទេសសមាជិកអាស៊ាន និងបានបោះជំហានទៅបើកការិយាល័យកណ្តាលថ្មី នៅសហរដ្ឋអាមេរិក ដើម្បីពង្រីកសេវាកម្មបច្ចេកវិទ្យា សុខាភិបាលរបស់ខ្លួន ទៅទីផ្សារនៅអាមេរិក និងពិភពលោកផងដែរ ដើម្បីចូលរួមចំណែកដល់ការកែលម្អប្រព័ន្ធថែទាំសុខភាពបែបឌីជីថល និងលើកំពស់ការថែទាំសុខភាពកាន់តែប្រសើរ ហើយបង្ករបរិយាកាសទទួលសេវាសុខាភិបាលកាន់តែងស្រួស តាមជម្រើសថ្មីជម្រើស ឌីជីថល តាមអែប ពេទ្យយើង e-Health ID ។
បន្ថែមពីនេះ ពេទ្យយើង ក៏បានទទួលពានរង្វាន់ថ្នាក់ជាតិ និងអន្តរជាតិបន្តបន្ទាប់ជាច្រើន ដូចជាពានរង្វាន់ពីប្រទេសសិង្ហបុរី “She Loves Tech” ក្នុងឆ្នាំ ២០២២ និងពានរង្វាន់ពីក្រសួងប្រៃសណីយ៍ និងទូរគមនាគមន៍កម្ពុជាងនៅ ខែមីនា ឆ្នាំ ២០១៩ ។ ហើយជាក្រុមហ៊ុនបេក្ខជនថ្នាក់ជាតិ និងតំបន់ជាច្រើន ត្រូវបានជ្រើសរើសដើម្បីចូលរួមកម្មវិធីអន្តរជាតិ និងថ្នាក់តំបន់ ។ ក្រុមហ៊ុនក៏បានចូលរួម កិច្ចប្រជុំកំពូលវិនិយោគ SelectUSA ក្នុងឆ្នាំ ២០២១ ពានរង្វាន់សហគ្រិនអាស៊ី របស់ប្រទេសជប៉ុនឆ្នាំ ២០២១ បានប្រារព្ធឡើងនៅក្នុង ជប៉ុន Microsoft Startup Highway ទៅកាន់កម្មវិធី 100 Unicorns ក្នុងឆ្នាំ ២០២០ ដែលធ្វើឡើងនៅទីក្រុងម៉ានីល ប្រួទេសហ្វីលីពីន កម្មវីធី Startup ប្រចាំសប្តាហ៍របស់ប្រទេសកូរ៉េខាងត្បូងសម្រាប់ Startup អាស៊ានដែលធ្វើឡើងនៅទីក្រុងសេអ៊ូលក្នុងឆ្នាំ ២០២០ និង កម្មវិធី UN Accelerate 2030 ដែលធ្វើឡើងនៅទីក្រុងហ្សឺណែវ ប្រទេសស្វីសក្នុងឆ្នាំ ២០១៩ ៕ អត្ថបទសហការ
ចែករំលែកព័តមាននេះ