មូលហេតុដែលកូនក្មេងតែងតែសួរថា «ហេតុអ្វី» ?
រាជធានីភ្នំពេញ ៖ កូនក្មេងមិនព្យាយាមចង់ឈ្នះ ឬប្រជែងអ្នកទេ ពួកគេគ្រាន់តែចង់ដឹង ចង់ឃើញតែប៉ុណ្ណោះ ។ តើអ្នកឆ្ងល់ថា ហេតុអ្វីបានជាកូនរបស់អ្នកសួរថា «ហេតុអ្វី»…
រាជធានីភ្នំពេញ ៖ កូនក្មេងមិនព្យាយាមចង់ឈ្នះ ឬប្រជែងអ្នកទេ ពួកគេគ្រាន់តែចង់ដឹង ចង់ឃើញតែប៉ុណ្ណោះ ។ តើអ្នកឆ្ងល់ថា ហេតុអ្វីបានជាកូនរបស់អ្នកសួរថា «ហេតុអ្វី» ញឹកញាប់ម្ល៉េះ ? «ហេតុអ្វី» អាចជាពាក្យសាមញ្ញបំផុតមួយដែលអ្នកឮពីកូនរបស់អ្នក ។ កុមារអាយុ ២-៣ ឆ្នាំសួរសំណួរនេះ ដើម្បីទទួលបានចម្លើយ និងយល់កាន់តែច្បាស់ ។ ការសួរថា «ហេតុអ្វី» ជាធម្មតាចាប់ផ្តើមពីពេលដែលកុមារមានអាយុ ២ ឆ្នាំ និងបន្តរហូតដល់អាយុ ៥ ឆ្នាំ ។
នៅអាយុនេះ កុមារមានបទពិសោធន៍ជីវិតតិច ហើយខួរក្បាលរបស់ពួកគេកំពុងអភិវឌ្ឍយ៉ាងឆាប់រហ័ស ។ ដើម្បីធ្វើឱ្យយល់អំពីពិភពលោកដែលពួកគេរស់នៅ កូនរបស់អ្នកពិតជាចង់ដឹងចង់ឃើញខ្លាំងណាស់អំពីអ្វីៗគ្រប់យ៉ាង ។ ទាំងអស់នេះនាំឱ្យមានការស្រេកឃ្លានក្នុងការយល់ ដែលបណ្តាលឱ្យពួកគេមានសំណួរ ហេតុអ្វី ជាបន្តបន្ទាប់ ។ ការសួរថា «ហេតុអ្វី» គឺជាវិធីរបស់កូនអ្នកក្នុងការស្វែងរកចម្លើយ ដើម្បីយល់ពីអ្វីដែលពួកគេកំពុងឃើញ ឬជួបប្រទះ ។ អាកប្បកិរិយានេះមានន័យថា ការចង់ដឹងចង់ឃើញរបស់កូនអ្នកកំពុងអភិវឌ្ឍបានយ៉ាងល្អ ហើយកូនរបស់អ្នកចង់ដឹងបន្ថែមអំពីអ្វីៗជុំវិញខ្លួនដោយការសួរអ្នកដើម្បីបានចម្លើយ ។
តើអ្នកគួរឆ្លើយសំណួរ «ហេតុអ្វី» របស់កូនបែបណាទើបល្អ ? ការស្តាប់ និងការឆ្លើយតបទៅនឹងសំណួរ ហេតុអ្វី ញឹកញាប់ពេកអាចជាការហត់នឿយ ។ ដូច្នេះខាងក្រោមនេះ គឺជាគន្លឹះមានប្រយោជន៍មួយចំនួនដែលត្រូវចងចាំនៅពេលឆ្លើយសំណួរ «ហេតុអ្វី» របស់កូនអ្នក ៖
១. សួរកូនរបស់អ្នកវិញថា តើកូនគិតយ៉ាងណា ? ដើម្បីជួយអភិវឌ្ឍន៍ជំនាញគិតត្រឹះរិះរបស់កូនអ្នកបន្ថែម ។
២. ពេលខ្លះ វាមិនអីទេក្នុងការនិយាយថា ប៉ាមិនដឹងទេ ចាំមើលថា តើយើងអាចរកចម្លើយ
ជាមួយគ្នាបានទេ ? ហើយអ្នកអាចអានសៀវភៅ ឬស្រាវជ្រាវរកចម្លើយជាមួយគ្នា ។ វាអាចជួយអភិវឌ្ឍន៍បន្ថែមទៀតនូវដំណើរស្វែងរករបស់កូនអ្នកក្នុងការរៀនសូត្រ ។
៣. ចម្លើយសាមញ្ញ គឺល្អបំផុត ។ នៅអាយុនេះ កូនរបស់អ្នកមិនត្រូវការការពន្យល់វែងឆ្ងាយទេ ។ ជាឧទាហរណ៍ កូនរបស់អ្នកអាចសួរថា ហេតុអ្វីបានជាប៉ាបោកខោអាវរបស់ខ្ញុំ ? ចម្លើយសាមញ្ញ ដើម្បីធ្វើឱ្យវាមានក្លិនក្រអូបសម្រាប់កូន ។ កុមារនៅអាយុនេះមិនអាចយល់ពីគំនិតអរូបី ដូចជាមេរោគដែលពួកគេមើលមិនឃើញទេ ។
៤. លើកទឹកចិត្តដល់ការរៀនសូត្ររបស់កូនអ្នក ។ ដោយបន្តសួរថា ហេតុអ្វី ដោយសារតែចំណាប់អារម្មណ៍ធម្មជាតិរបស់ពួកគេ កូនរបស់អ្នកកំពុងជំរុញការរៀនសូត្ររបស់ពួកគេ ។ ប្រសិនបើអ្នកមិនអើពើនឹងសំណួររបស់កូនអ្នកម្តងហើយម្តងទៀត នោះអ្នកពិតជាអាចបង្អាក់ចំណង់ចង់រៀនរបស់កូនអ្នក ។ ដើម្បីបន្តលើកទឹកចិត្តដល់ជំនាញការគិតប្រកប ដោយការរិះគន់របស់កូនអ្នក សូមផ្តល់ការគាំទ្រកូនរបស់អ្នកពេលពួកគេត្រូវការស្វែងយល់ពីរបៀបដែលអ្វីៗដំណើរការ, ត្រូវការឧបករណ៍ ដើម្បីបង្កើតអ្វីមួយ, ឱ្យពួកគេធ្វើពិសោធន៍ដោយហេតុ និងផល ដូចជាការលេងទឹក ដែលវត្ថុខ្លះអណ្តែត និងរបស់ខ្លះលិច។ល។
៥. ការអត់ធ្មត់ គឺជាគន្លឹះនៅអាយុនេះ ។ ដូច្នេះសូមប្រឹងប្រែងឱ្យអស់ពីសមត្ថភាព ដើម្បីឆ្លើយសំណួរជាច្រើនរបស់កូនអ្នក និងជំរុញឱ្យពួកគេរៀនតាមធម្មជាតិ ៕ ប្រភព ៖sanfordhealth
អត្ថបទនេះផលិតឡើងក្រោមកិច្ចសហប្រតិបត្តិការជាមួយសាលារៀនវ៉េស្ទឡាញន៍ និង សាលារៀនណត្សឡាញន៍ ។ សាលារៀនបើកវគ្គសិក្សាថ្មីចូលរៀនថ្ងៃទី ៤ ខែវិចិ្ឆកា ឆ្នាំ ២០២៤ សម្រាប់កម្មវិធីមត្តេយ្យភាសាខ្មែរ និងអង់គ្លេស កម្មវិធីភាសាអង់គ្លេស និងកម្មវិធីភាសាចិន ។ កម្មវិធីចំណេះទូទៅខ្មែរពីថ្នាក់ទី ១ ដល់ទី ១២ ចាប់ទទួលចុះឈ្មោះ ចូលរៀនរៀងរាល់ថ្ងៃ ។ សាលារៀនផ្តល់ជូនអាហាររូបករណ៍រហូតដល់ ៣០% លើតម្លៃសិក្សា ការធានារ៉ាប់រងគ្រោះ ថ្នាក់បុត្រធីតា និងការការពារការសិក្សាបុត្រធីតារហូតដល់ ៥ ឆ្នាំ ។ សម្រាប់ព័ត៌មានបន្ថែម សូមទំនាក់ទំនងទូរស័ព្ទលេខ ៖ ០៩២ ៨៨៨ ៤៩៩ / ០១៥ ៨០៥ ១២៣ ៕
ចែករំលែកព័តមាននេះ