រាជធានីភ្នំពេញ ៖ ឆាកជីវិតកន្លងផុតទៅលឿនណាស់ ប្រហែសតែបន្តិចកូនតូចរបស់អ្នកនឹងលូតលាស់ក្លាយជាមនុស្សវ័យជំទង់ជាមួយនឹងជីវិតផ្ទាល់ខ្លួនរបស់ពួកគេរួចទៅហើយ ។ ដូច្នេះ ការបង្រៀនកុមារអំពីជំនាញជីវិតតាំងពីក្មេងៗពិតជាមានសារៈសំខាន់ណាស់ ។ ជីវិតពោរពេញដោយភាពភ្ញាក់ផ្អើល ទាំងរីករាយ និងមិនសប្បាយចិត្ត ។ ដើម្បីធ្វើឱ្យកូនរបស់អ្នកត្រៀមខ្លួនប្រឈមមុខនឹងអ្វីទាំងអស់ក្នុងជីវិត អ្នកគួរតែជួយពួកគេឱ្យទទួលបានជំនាញជីវិតជាមូលដ្ឋានទាំងនេះតាំងពីក្មេង ។
១. ជំនាញទុកដាក់លុយ ៖ លុយ ប្រហែលមិនមែនជារឿងសំខាន់បំផុតក្នុងជីវិតនោះទេ ប៉ុន្តែវាពិតជាសំខាន់ណាស់សម្រាប់ជីវិតដែលមានផាសុកភាព ។ នោះហើយជាមូលហេតុដែលវិន័យហិរញ្ញវត្ថុ គឺជាជំនាញសំខាន់មួយដែលត្រូវរៀនតាំងពីក្មេង ។
២. ជំនាញធ្វើម្ហូបអាហារ ៖ ចូរបង្រៀនកូនអំពីការធ្វើម្ហូបអាហារ ដើម្បីពួកគេអាចរស់បានដោយខ្លួនឯង ទោះនៅក្នុងផ្នែកណាមួយនៃពិភពលោកក៏ដោយ ។
៣. ការស្លៀកពាក់ ៖ ចូរបង្រៀនកូនរបស់អ្នកក្នុងការស្លៀកពាក់ឱ្យបានសមរម្យ និងស្របតាមកាលៈទេសៈ ។
៤. ការតុបតែងខ្លួន ៖ ការថែទាំ និងតុបតែងខ្លួន ជាជំនាញដែលកុមារត្រូវរៀនឱ្យបានឆាប់ ។ ការសម្អាងខ្លួនជារឿងសំខាន់ ដើម្បីឱ្យមានសុខភាពល្អ ទំនាក់ទំនងសង្គមល្អ ឬស្នេហាផ្អែមល្ហែមផងដែរ ។
៥. អនាម័យ ៖ បង្រៀនកូនរបស់អ្នកឱ្យចេះរក្សាខ្លួនឯង ក៏ដូចជាបរិស្ថានជុំវិញខ្លួនឱ្យស្អាត និងមានរបៀបរៀបរយ ។
៦. ការថែទាំសុខភាពផ្ទាល់ខ្លួន និងការសង្គ្រោះបឋម ៖ វាជារឿងសំខាន់ៗដែលក្មេងជំទង់គួរ
រៀន វាជាផ្នែកមួយនៃការថែរក្សាខ្លួនឯង និងមនុស្សជុំវិញខ្លួន ។
៧. ជំនាញសង្គម និងអាកប្បកិរិយា ៖ ការបង្រៀនកូនរបស់អ្នកនូវជំនាញ និងសុជីវធម៌ដែលពួកគេនឹងបង្ហាញនៅក្នុងសង្គម គឺចាំបាច់សម្រាប់ពួកគេ ដើម្បីឱ្យមានជីវិតសង្គមរលូន ។
៨. ជំនាញគ្រប់គ្រង និងរៀបចំ ៖ ការរៀបចំមិនបានល្អ វានាំឱ្យខាតពេល និងការគ្រប់គ្រងពេលវេលាមិនបានល្អ ។
៩. ជំនាញបើកបរ និងថែទាំរថយន្ត ៖ ការចេះបើកឡានមិនគ្រប់គ្រាន់ទេ ក្មេងជំទង់របស់អ្នកក៏គួរដឹងអំពីសុវត្ថិភាពចរាចរណ៍ ការថែទាំរថយន្ត និងអ្វីដែលត្រូវធ្វើនៅពេលមានបញ្ហាយានយន្ត ។
១០. ជំនាញទំនាក់ទំនង ៖ ការប្រាស្រ័យទាក់ទង គឺជាជំនាញដ៏សំខាន់ដែលក្មេងជំទង់របស់អ្នកត្រូវមាន ។
១១. ជំនាញអាកប្បកិរិយា ៖ ជួយកូនរបស់អ្នកឱ្យមានបុគ្គលិកលក្ខណៈ អត្តចរិតល្អ មានសុជីវធម៌ និងសីលធម៌ក្នុងខ្លួន ។
១២. ជំនាញរក្សាសុវត្ថិភាព ៖ នៅពេលដែលកូនជំទង់របស់អ្នកចេញក្រៅពិភពលោកដោយខ្លួនឯង វាជាការសំខាន់ណាស់ដែលត្រូវដឹងពីរបៀបរក្សាសុវត្ថិភាព ។
១៣. គ្រប់គ្រងអារម្មណ៍ ៖ ការបង្រៀនក្មេងជំទង់ឱ្យទប់ទល់នឹងអារម្មណ៍ខ្លួនឯងនឹងអនុញ្ញាតឱ្យពួកគេមើលឃើញជ្រុងជាច្រើន មុននឹងសម្រេចចិត្តលើរឿងអ្វីមួយ ។
១៤. ជំនាញដោះស្រាយបញ្ហា ៖ អ្នកមិនអាចរំពឹងថា កូនរបស់អ្នកនឹងត្រលប់មករកអ្នកវិញ ដើម្បីសុំជំនួយពេលពួកគេមានបញ្ហានោះទេ ដូច្នេះអ្វីដែលអ្នកអាចធ្វើបាន គឺបង្រៀនពួកគេឱ្យចេះដោះស្រាយបញ្ហាដូចជាមនុស្សពេញវ័យ ។
១៥. ជំនាញអប់រំមូលដ្ឋាន ៖ បង្រៀនកូនរបស់អ្នកឱ្យរៀនអាន សរសេរ និងនិយាយនៅផ្ទះ ។ ប៉ុន្តែពួកគេក៏ប្រហែលជាត្រូវដឹងពីរបៀបប្រើប្រាស់កុំព្យូទ័រ ទូរស័ព្ទ និងឧបករណ៍ផ្សេងៗផងដែរ ។
១៦. ការគ្រប់គ្រងពេលវេលា ៖ យើងទាំងអស់គ្នាមាន ២៤ ម៉ោងក្នុងមួយថ្ងៃដូចគ្នា ។ របៀបដែលយើងគ្រប់គ្រងពេលវេលាធ្វើឱ្យពិភពលោកមានភាពខុសគ្នានៅក្នុងអ្វីដែលយើងសម្រេចបាន ។
១៧. ជំនាញសម្រេចចិត្ត ៖ ក្មេងជំទង់របស់អ្នកនឹងត្រូវសម្រេចចិត្ត និងជ្រើសរើសនៅគ្រប់ជំហាននៃជីវិតពេញវ័យរបស់ពួកគេ ដូច្នេះចូរបង្រៀនជំនាញនេះសម្រាប់ពួកគេតាំងពីក្មេងវ័យ ៕ ប្រភព ៖ apis.edu
អត្ថបទនេះផលិតឡើងក្រោមកិច្ចសហប្រតិបត្តិការជាមួយសាលារៀនវ៉េស្ទឡាញន៍ និង សាលារៀនណត្សឡាញន៍ ។ សាលារៀនបើកវគ្គសិក្សាថ្មីចូលរៀនថ្ងៃទី ៤ ខែវិចិ្ឆកា ឆ្នាំ ២០២៤ សម្រាប់កម្មវិធីមត្តេយ្យភាសាខ្មែរ និងអង់គ្លេស កម្មវិធីភាសាអង់គ្លេស និងកម្មវិធីភាសាចិន ។ កម្មវិធីចំណេះទូទៅខ្មែរពីថ្នាក់ទី ១ ដល់ទី ១២ ចាប់ទទួលចុះឈ្មោះ ចូលរៀនរៀងរាល់ថ្ងៃ ។ សាលារៀនផ្តល់ជូនអាហាររូបករណ៍រហូតដល់ ៣០% លើតម្លៃសិក្សា ការធានារ៉ាប់រងគ្រោះ ថ្នាក់បុត្រធីតា និងការការពារការសិក្សាបុត្រធីតារហូតដល់ ៥ ឆ្នាំ ។ សម្រាប់ព័ត៌មានបន្ថែម សូមទំនាក់ទំនងទូរស័ព្ទលេខ ៖ ០៩២ ៨៨៨ ៤៩៩ / ០១៥ ៨០៥ ១២៣ ៕
ចែករំលែកព័តមាននេះ