៧ យ៉ាង ដើម្បីជ្រើសរើសសាលារៀនសម្រាប់កូនរបស់អ្នក !
រាជធានីភ្នំពេញ ៖ សាលារៀន លើសពីកន្លែងរៀនសូត្រ ។ សាលារៀន ជាបរិយាកាសដែលកំណត់អនាគតរបស់ក្មេងៗ ។ ក្នុងនាមជាឪពុកម្តាយ ការជ្រើសរើសកន្លែងដែលយើងបញ្ជូនកូនរបស់យើងទៅរៀន…
រាជធានីភ្នំពេញ ៖ សាលារៀន លើសពីកន្លែងរៀនសូត្រ ។ សាលារៀន ជាបរិយាកាសដែលកំណត់អនាគតរបស់ក្មេងៗ ។ ក្នុងនាមជាឪពុកម្តាយ ការជ្រើសរើសកន្លែងដែលយើងបញ្ជូនកូនរបស់យើងទៅរៀន គឺជាការសម្រេចចិត្តដ៏សំខាន់មួយ ។ ជម្រើសត្រឹមត្រូវកំណត់មូលដ្ឋានគ្រឹះដ៏ល្អសម្រាប់ភាពជោគជ័យពេញមួយជីវិត ហើយការជ្រើសរើសខុសអាចរារាំងសក្តានុពលរបស់កូនបា ន។ នៅពេលអ្នករុករកទិដ្ឋភាពអប់រំ ខាងក្រោមនេះ គឺជាគន្លឹះដ៏មានតម្លៃទាំងប្រាំពីរ ដើម្បីជួយអ្នកជ្រើសរើសាលាឱ្យបានល្អបំផុតសម្រាប់កូនរបស់អ្នក ៖
១. តម្រូវការសិក្សារបស់កូន និងតម្លៃគ្រួសាររបស់អ្នក ៖ ចំណាយពេលស្វែងយល់យ៉ាងពិតប្រាកដនូវរបៀបសិក្សារបស់កូន ដោយកំណត់អត្តសញ្ញាណភាពខ្លាំង និងចំណុចខ្សោយរបស់ពួកគេ ។ សញ្ជឹងគិតអំពីថា តើពួកគេសមនឹងរីកចម្រើននៅក្នុងបរិយាកាសអប់តឹងរ៉ឹង ឬទម្រង់សេរីច្រើន ។
២. ស្រាវជ្រាវទស្សនវិជ្ជាអប់រំ ៖ ចូរសិក្សាស្វែងយល់ពីវិធីសាស្ត្រអប់រំផ្សេងៗគ្នាតាមសាលានីមួយៗ ហើយពិចារណាឱ្យបានហ្មត់ចត់ថាតើពួកគេតម្រង់ទិសគោលដៅអប់រំ និងបំណងប្រាថ្នាផ្ទាល់ខ្លួនរបស់កូនអ្នកបានល្អកម្រិតណា ។
៣. វាយតម្លៃកម្មវិធីសិក្សា និងសេវាកម្មគាំទ្រ ៖ វាមានសារៈសំខាន់ណាស់ក្នុងការស្វែងរកសាលាដែលមិនត្រឹមតែផ្តល់នូវកម្មវិធីសិក្សាដ៏រឹងមាំប៉ុណ្ណោះទេ ប៉ុន្តែថែមទាំងផ្តល់ជូននូវកម្មវិធីប្រកួតប្រជែង និងការផ្តល់ជូនវគ្គសិក្សាចម្រុះជាច្រើនផងដែរ ។ លើសពីនេះលទ្ធភាពទទួលបានសេវាគាំទ្រផ្សេងទៀតដូចជាការអប់រំពិសេស ការប្រឹក្សាយោបល់ និងធនធានបង្រៀន គឺមានសារៈសំខាន់ដូចគ្នា ។
៤. ទស្សនា និងសង្កេតមើលថ្នាក់រៀន ៖ ទៅមើល និងសិក្សាអំពីបរិយាកាសអប់រំនៅក្នុងសាលា ហើយប្រសិនបើអាចធ្វើទៅបាន សូមជួបជាមួយថ្នាក់ដឹកនាំរបស់សាលា ។ ចូរយកចិត្តទុកដាក់លើទំនាក់ទំនងរវាងគ្រូ និងសិស្ស ធនធានដែលសាលាមាន និងបរិយាកាសទាំងមូលដែលជំរុញឱ្យមានបទពិសោធន៍សិក្សាដ៏អំណោយផល ។
៥. ពិចារណាអំពីទីតាំង និងសហគមន៍របស់សាលា ៖ ទីតាំងក៏សំខាន់ដែរ វាជារឿងសំខាន់ក្នុងការគិតអំពីការធ្វើដំណើរប្រចាំថ្ងៃ និងរបៀបដែលវានឹងជះឥទ្ធិពលដល់ទម្លាប់របស់គ្រួសារអ្នក ។ សាលានៅឆ្ងាយ ឬនៅជិត ងាយស្រួល ឬពិបាកធ្វើដំណើរ ហើយបង្កការនឿយហត់ដល់អ្នក និងកូនទេ ? មាតាបិតាខ្លះផ្តល់អាទិភាពដល់សាលានៅជិតផ្ទះ ឬកន្លែងធ្វើការ ដោយសារងាយស្រួលជូនកូនទៅរៀន ។
៦. ឱកាសក្រៅកម្មវិធីសិក្សា និងពង្រឹងសមត្ថភាព ៖ សាលាខ្លះលាតសន្ធឹងហួសពីកម្រិតនៃថ្នាក់រៀន ។ ការចូលរួមក្នុងសកម្មភាពក្រៅកម្មវិធីសិក្សាអាចមានឥទ្ធិពលយ៉ាងខ្លាំងទៅលើការលូតលាស់របស់កូន ដោយវាមិនត្រឹមតែបង្កើនការគោរពខ្លួនឯង និងជំនាញសង្គមប៉ុណ្ណោះទេ ប៉ុន្តែពួកគេក៏អាចរួមចំណែកដល់ការធ្វើឱ្យប្រសើរឡើងនូវការអនុវត្តការសិក្សាផងដែរពីសកម្មភាពចម្រុះដូចជាកីឡា សិល្បៈ ក្លឹបនិស្សិត និងឱកាសទៅសិក្សាក្រៅប្រទេសជាដើម ។
៧. តម្លៃ ៖ ជាចុងក្រោយ ប៉ុន្តែអ្វីដែលសំខាន់ សូមពិចារណាលើទិដ្ឋភាពហិរញ្ញវត្ថុនៅពេលជ្រើសរើសសាលាឯកជន និងរដ្ឋ ។ សាលារៀនឯកជន ថ្វីត្បិតតែពួកគេអាចមានតម្លៃថ្លៃក៏ដោយ ជារឿយៗផ្តល់ឱកាសសម្រាប់ជំនួយហិរញ្ញវត្ថុ ឬអាហារូបករណ៍ផងដែរ ។ ម្យ៉ាងវិញទៀត សាលារដ្ឋផ្តល់ការអប់រំប្រកបដោយគុណភាព ដោយមិនគិតថ្លៃផ្ទាល់ ប៉ុន្តែវាជាការសំខាន់ណាស់ដែលត្រូវដឹងអំពីការចំណាយបន្ថែមផ្សេងទៀតផងដែរ ។ ឆ្លៀតពេលគិតគូរដោយប្រុងប្រយ័ត្នពីថវិកាគ្រួសាររបស់អ្នក និងផែនការហិរញ្ញវត្ថុរយៈពេលវែង ដើម្បីសម្រេចចិត្តជ្រើសរើសសាលារៀនសម្រាប់កូន ៕ ប្រភព ៖ royaltx
អត្ថបទនេះផលិតឡើងក្រោមកិច្ចសហប្រតិបត្តិការជាមួយសាលារៀនវ៉េស្ទឡាញន៍ និងសាលារៀនណត្សឡាញន៍ ។ បវេសនកាលឆ្នាំសិក្សាថ្មីសម្រាប់កម្មវិធីចំណេះទូទៅខ្មែរ ពីថ្នាក់មត្តេយ្យ ដល់ថ្នាក់ទី ១២ ចាប់ទទួលចុះឈ្មោះចូលរៀនពីថ្ងៃនេះតទៅ ។ សាលារៀនផ្តល់ជូនអាហារូបករណ៍រហូតដល់ ២០% ការធានារ៉ាប់រងគ្រោះថ្នាក់បុត្រធីតា ការការពារការសិក្សាបុត្រធីតារហូតដល់ ៥ ឆ្នាំ និងបន្ថែមកម្មវិធីសិក្សាអមអន្តរជាតិ ។ សម្រាប់ព័ត៌មានបន្ថែម សូមទំនាក់ទំនងទូរស័ព្ទលេខ ៖ ០៩២ ៨៨៨ ៤៩៩ / ០១៥ ៨០៥ ១២៣ ៕
ចែករំលែកព័តមាននេះ